ಭಾರತದಲ್ಲಿ ಶುರುವಲ್ಲೇ ಕರಗಿದ ಕೋವಿಡ್ 4ನೇ ಅಲೆ :ಇಳಿಕೆಯತ್ತ ಸೋಂಕು, ಜನರಿಗೆ ನೆಮ್ಮದಿ!
ಭಾರತದಲ್ಲಿ ಕೊರೊನಾ ಸೋಂಕು ಸೋಮವಾರ ಇಳಿಕೆ ಕಂಡುಬಂದಿದ್ದು, ಇದು ಸಂಭಾವ್ಯ ನಾಲ್ಕನೇ ಅಲೆಯ ಭೀತಿಯನ್ನು ದೂರ ಮಾಡಿಸಿದೆ.ನೆರೆಯ ಚೀನಾ ಸೇರಿ ಕೆಲವು ರಾಷ್ಟ್ರಗಳಲ್ಲಿ ಸೋಂಕು ನಿಧಾನವಾಗಿ ಮತ್ತೆ ಏರಿಕೆಯಾಗುತ್ತಿದ್ದರೂ ಭಾರತದಲ್ಲಿ ನಿಯಂತ್ರಣದಲ್ಲಿರುವುದು ಜನರಿಗೆ ನೆಮ್ಮದಿ ತರಿಸಿದೆ.
Vijaya Karnataka Web 10 May 2022, 6:53 am
ಹೈಲೈಟ್ಸ್:
- ಭಾರತದಲ್ಲಿ ಶುರುವಲ್ಲೇ ಕರಗಿದ ಕೋವಿಡ್ 4ನೇ ಅಲೆ
- ದೇಶದಲ್ಲಿ ಇಳಿಕೆಯತ್ತ ಕೊರೊನಾ ಸೋಂಕು
- ಚೀನಾದಲ್ಲಿ ಏರಿಕೆ, ಭಾರತದಲ್ಲಿ ಇಳಿಕೆ : ಜನರಿಗೆ ನೆಮ್ಮದಿ
ಹೊಸದಿಲ್ಲಿ: ಎರಡು ವಾರಗಳಿಂದ ಏರುಗತಿಯಲ್ಲಿದ್ದ ಕೋವಿಡ್ ದೈನಂದಿನ ಪ್ರಕರಣಗಳಲ್ಲಿ ಸೋಮವಾರ ಇಳಿಕೆ ಕಂಡುಬಂದಿದ್ದು, ಇದು ಸಂಭಾವ್ಯ ನಾಲ್ಕನೇ ಅಲೆಯ ಭೀತಿಯನ್ನು ದೂರ ಮಾಡಿಸಿದೆ. ನೆರೆಯ ಚೀನಾ ಸೇರಿ ಕೆಲವು ರಾಷ್ಟ್ರಗಳಲ್ಲಿ ಸೋಂಕು ನಿಧಾನವಾಗಿ ಮತ್ತೆ ಏರಿಕೆಯಾಗುತ್ತಿದ್ದರೂ ಭಾರತದಲ್ಲಿ ನಿಯಂತ್ರಣದಲ್ಲಿರುವುದು ಜನರಿಗೆ ನೆಮ್ಮದಿ ತರಿಸಿದೆ. ಸೋಮವಾರ ಬೆಳಗ್ಗೆ 8 ಗಂಟೆಗೆ ಅಂತ್ಯಗೊಂಡ ಕಳೆದ 24 ಗಂಟೆಗಳ ಅವಧಿಯಲ್ಲಿ ದೇಶದಲ್ಲಿ 3,207 ಸೋಂಕಿತರು ಪತ್ತೆಯಾಗಿದ್ದು, ಒಟ್ಟು 29 ಸಾವು ಸಂಭವಿಸಿವೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ. ಭಾನುವಾರ 3,451 ಪ್ರಕರಣಗಳು ವರದಿಯಾಗಿದ್ದರೆ, ಸೋಮವಾರ ಈ ಪ್ರಮಾಣದಲ್ಲಿ ಅಲ್ಪ ಇಳಿಕೆ ಕಂಡುಬಂದಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 20,403ಕ್ಕೆ ತಲುಪಿದೆ. ದೈನಂದಿನ ಪಾಸಿಟಿವಿಟಿ ದರವು 0.95ಕ್ಕೆ ಇಳಿದಿದೆ. ಚೇತರಿಕೆ ಪ್ರಮಾಣವು ಶೇ.98.74ಕ್ಕೆ ಏರಿಕೆಯಾಗಿದೆ.
ಕಳೆದ 24 ಗಂಟೆಯಲ್ಲಿ 3,410 ಮಂದಿ ಚೇತರಿಸಿಕೊಂಡಿದ್ದಾರೆ ಎಂದು ಸಚಿವಾಲಯ ಹೇಳಿದೆ. ಕಳೆದ 24 ಗಂಟೆಗಳಲ್ಲಿ 3,36,776 ಕೋವಿಡ್ ಪರೀಕ್ಷೆಗೆ ಒಳಪಡಿಸಲಾಗಿದೆ. ಇದುವರೆಗೂ 84.10 ಕೋಟಿ ಜನರಿಗೆ ಕೋವಿಡ್ ಪರೀಕ್ಷೆ ನಡೆಸಲಾಗಿದೆ. 29 ಹೊಸ ಸಾವಿನ ಪ್ರಕರಣಗಳೊಂದಿಗೆ ಒಟ್ಟು ಸಾವಿನ ಸಂಖ್ಯೆ 4.31 ಲಕ್ಷಕ್ಕೆ ಏರಿಕೆಯಾಗಿದೆ.
ಕರ್ನಾಟಕದಲ್ಲಿ ಕೋವಿಡ್ ಪ್ರಕರಣಗಳಲ್ಲಿ ಕೊಂಚ ಏರಿಕೆ: 171 ಹೊಸ ಪ್ರಕರಣ ದಾಖಲು
2020ರ ಜನವರಿಯಿಂದ 2021ರ ಡಿಸೆಂಬರ್ ಅವಧಿಯಲ್ಲಿ ಭಾರತದಲ್ಲಿ ಕೋವಿಡ್ ಸೋಂಕಿನಿಂದ ಹಾಗೂ ಪರೋಕ್ಷವಾಗಿ ಸಂಭವಿಸಿದ ಸಮಸ್ಯೆಗಳಿಂದ 47 ಲಕ್ಷ ಜನ ಮೃತಪಟ್ಟಿದ್ದಾರೆಂದು ವಿಶ್ವ ಆರೋಗ್ಯ ಸಂಸ್ಥೆ ನೀಡಿದ್ದ ವರದಿಯು ಕೆಲವು ದಿನಗಳ ಹಿಂದಷ್ಟೇ ರಾಜಕೀಯವಾಗಿ ಬಿರುಗಾಳಿ ಎಬ್ಬಿಸಿತ್ತು.
ಕಳೆದ 24 ಗಂಟೆಯಲ್ಲಿ 3,410 ಮಂದಿ ಚೇತರಿಸಿಕೊಂಡಿದ್ದಾರೆ ಎಂದು ಸಚಿವಾಲಯ ಹೇಳಿದೆ. ಕಳೆದ 24 ಗಂಟೆಗಳಲ್ಲಿ 3,36,776 ಕೋವಿಡ್ ಪರೀಕ್ಷೆಗೆ ಒಳಪಡಿಸಲಾಗಿದೆ. ಇದುವರೆಗೂ 84.10 ಕೋಟಿ ಜನರಿಗೆ ಕೋವಿಡ್ ಪರೀಕ್ಷೆ ನಡೆಸಲಾಗಿದೆ. 29 ಹೊಸ ಸಾವಿನ ಪ್ರಕರಣಗಳೊಂದಿಗೆ ಒಟ್ಟು ಸಾವಿನ ಸಂಖ್ಯೆ 4.31 ಲಕ್ಷಕ್ಕೆ ಏರಿಕೆಯಾಗಿದೆ.
ಕರ್ನಾಟಕದಲ್ಲಿ ಕೋವಿಡ್ ಪ್ರಕರಣಗಳಲ್ಲಿ ಕೊಂಚ ಏರಿಕೆ: 171 ಹೊಸ ಪ್ರಕರಣ ದಾಖಲು
2020ರ ಜನವರಿಯಿಂದ 2021ರ ಡಿಸೆಂಬರ್ ಅವಧಿಯಲ್ಲಿ ಭಾರತದಲ್ಲಿ ಕೋವಿಡ್ ಸೋಂಕಿನಿಂದ ಹಾಗೂ ಪರೋಕ್ಷವಾಗಿ ಸಂಭವಿಸಿದ ಸಮಸ್ಯೆಗಳಿಂದ 47 ಲಕ್ಷ ಜನ ಮೃತಪಟ್ಟಿದ್ದಾರೆಂದು ವಿಶ್ವ ಆರೋಗ್ಯ ಸಂಸ್ಥೆ ನೀಡಿದ್ದ ವರದಿಯು ಕೆಲವು ದಿನಗಳ ಹಿಂದಷ್ಟೇ ರಾಜಕೀಯವಾಗಿ ಬಿರುಗಾಳಿ ಎಬ್ಬಿಸಿತ್ತು.