ಹಾಲು ಕುಡಿದು ರಮ್ಜಾನ್‌ನ ರೋಜಾ ಆಚರಣೆ

ಭೋಪಾಲ್‌: ಗೋವುಗಳ ರಕ್ಷಣೆಯ ಸಂದೇಶ ರವಾನಿಸಲು ರಮ್ಜಾನ್ ಹಬ್ಬದ ಉಪವಾಸ ವ್ರತ ರೋಜಾ ಅಂತ್ಯಕ್ಕೆ ಶುಕ್ರವಾರ ಗೋವಿನ ಹಾಲು ನೀಡುವುದಾಗಿ ಉತ್ತರ ಪ್ರದೇಶದ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ (ಆರ್‌ಎಸ್‌ಎಸ್) ಮುಸ್ಲಿಂ ಘಟಕ ತಿಳಿಸಿದೆ. ಜತೆಗೆ ಗೋವಿನ ಹಾಲಿನಿಂದ ತಯಾರಿಸಿದ ಇತರ ತಿನಿಸುಗಳನ್ನು ಪೂರೈಸಲಿದೆ.

ಇದೇ ಮೊದಲ ಬಾರಿಗೆ ಗೋವಿನ ಹಾಲು ಸೇವಿಸುವ ಮೂಲಕ ರೋಜಾ ಅಂತ್ಯಗೊಳ್ಳುತ್ತಿದೆ ಎಂದು ಉತ್ತರಖಂಡ ಮತ್ತು ಉತ್ತರಪ್ರದೇಶದ ಮುಸ್ಲಿಂ ರಾಷ್ಟ್ರೀಯ ಮಂಚ್‌ (ಎಂಆರ್‌ಎಂ) ವಕ್ತಾರ ಮಹಿರಾಜ್ ಧ್ವಜ್ ಸಿಂಗ್ ತಿಳಿಸಿದ್ದಾರೆ.

ಹಸುವಿನ ಹಾಲು ಆರೋಗ್ಯಕ್ಕೆ ಉತ್ತಮ ಎಂದು ಮುಸ್ಲಿಂ ತಜ್ಞರು ಒಪ್ಪಿಕೊಂಡಿದ್ದಾರೆ. ಚಿಕಿತ್ಸೆಗೆ ತುಪ್ಪವನ್ನು ಬಳಕೆ ಮಾಡುತ್ತಾರೆ. ಅನೇಕ ಆಯುರ್ವೇದ ಔಷಧಗಳನ್ನು ತಯಾರಿಸಲು ತುಪ್ಪ ಪ್ರಮುಖವಾದದ್ದು. ಎಲ್ಲ ಪ್ರಾಣಿ, ಪಕ್ಷಿ, ಮರಗಿಡಗಳು ಅಲ್ಲಾಹುವಿನ ಕೃಪೆಯಿಂದ ಅಸ್ತಿತ್ವದಲ್ಲಿವೆ. ಅವುಗಳನ್ನು ಹಿಂಸಿಸುವುದರಿಂದ ಅಲ್ಲಾಹುವಿನ ಅವಕೃಪೆಗೆ ಒಳಗಾಗುತ್ತೇವೆ. ರೋಜಾ ಅಂತ್ಯದ ಪವಿತ್ರ ದಿನದಂದು ಗೋವುಗಳ ರಕ್ಷಣೆ ವಿಶೇಷ ಪ್ರಾರ್ಥನೆ ಸಲ್ಲಿಸಲಾಗುವುದು ಎಂದು ಮಹಿರಾಜ್ ತಿಳಿಸಿದ್ದಾರೆ.