ಮೋದಿ ಹೊಗಳಿದ ಸಿಪಿಎಂ ಮುಖಂಡನ ಸಸ್ಪೆಂಡ್‌

ಮುಂಬಯಿ: ಕಾರ್ಯಕ್ರಮವೊಂದರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್‌ ಅವರ ಗುಣಗಾನ ಮಾಡಿದ್ದ ಸಿಪಿಐ(ಎಂ) ಮುಖಂಡನನ್ನು ಪಕ್ಷದ ಕೇಂದ್ರ ಸಮಿತಿಯಿಂದಲೇ ಅಮಾನತು ಮಾಡಲಾಗಿದೆ.

ಸಿಪಿಐ(ಎಂ) ಮಾಜಿ ಶಾಸಕ ನರಸಯ್ಯ ಆಡಂ ಅಮಾನತುಗೊಂಡ ನಾಯಕ. ಸೋಲಾಪುರ ಜಿಲ್ಲೆಯಲ್ಲಿ ವಸತಿ ಯೋಜನೆ ಜಾರಿಗೆ ತ್ವರಿತ ಅನುಮೋದನೆ ನೀಡಿದ್ದಕ್ಕಾಗಿ ಕಳೆದ ಜನವರಿಯಲ್ಲಿ ಮೋದಿ ಮತ್ತು ಫಡ್ನವಿಸ್‌ ಅವರನ್ನು ಶ್ಲಾಘಿಸಿದ್ದರು. ಉತ್ತಮ ಕೆಲಸ ಮಾಡುತ್ತಿರುವ ಮೋದಿ ಮತ್ತೊಂದು ಅವಧಿಗೆ ಪ್ರಧಾನಿಯಾಗಲಿ ಎಂದೂ ಅವರು ಹಾರೈಸಿದ್ದರು. ಈ ಪ್ರಶಂಸೆಯನ್ನು ಗಂಭೀರವಾಗಿ ಪರಿಗಣಿಸಿದ್ದ ಸಿಪಿಐ(ಎಂ) ಕೇಂದ್ರ ಸಮಿತಿ, ಆಡಂ ಅವರನ್ನು ಅಮಾನತುಗೊಳಿಸಿ ಶಿಸ್ತುಕ್ರಮ ಕೈಗೊಂಡಿದೆ.