ಸಿಟಿ ಸ್ಕ್ಯಾ‌ನ್‌ ಅಪಾಯಕಾರಿಯಲ್ಲ, ಸಮಜಾಯಿಷಿ ನೀಡಿದ ಐಆರ್‌ಎಐ

ಹೊಸದಿಲ್ಲಿ: ''ಒಮ್ಮೆ ಸಿಟಿ ಸ್ಕ್ಯಾ‌ನ್‌ ನಡೆಸುವುದು ಎಂದರೆ 300-400 ಎಕ್ಸ್‌ರೇ ಮಾಡಿದಂತೆ,'' ಎಂಬ ದಿಲ್ಲಿ ಏಮ್ಸ್‌ ನಿರ್ದೇಶಕ ಡಾ.ರಣದೀಪ್‌ ಗುಲೇರಿಯಾ ಅವರ ಹೇಳಿಕೆಯನ್ನು ಭಾರತೀಯ ರೇಡಿಯಾಲಾಜಿಕಲ್‌ ಮತ್ತು ಇಮೇಜಿಂಗ್‌ ಸಂಸ್ಥೆ (ಐಆರ್‌ಎಐ) ತಳ್ಳಿ ಹಾಕಿದೆ.

"ಗುಲೇರಿಯಾ ಅವರ ಹೇಳಿಕೆ ದಾರಿತಪ್ಪಿಸುವಂತಿದೆ. ಕೊರೊನಾ ಸೇರಿದಂತೆ ರೋಗ ಪತ್ತೆಯಲ್ಲಿ ಸಿಟಿ ಸ್ಕ್ಯಾ‌ನ್‌ ಮಹತ್ವದ ಪಾತ್ರ ವಹಿಸುತ್ತದೆ. ಈಗ ಅತ್ಯಾಧುನಿಕ ತಂತ್ರಜ್ಞಾನಗಳು ಬಂದಿದ್ದು, ಕಡಿಮೆ ತೀವ್ರತೆಯ ಅಲ್ಟ್ರಾ ಕಿರಣಗಳನ್ನು ಬಳಸಲಾಗುತ್ತದೆ. ಗುಲೇರಿಯಾ ಹೇಳಿದ ಸ್ಥಿತಿ 30-40 ವರ್ಷದ ಹಿಂದೆ ಇದ್ದದ್ದು ಹೌದು. ಈಗ ಒಂದು ಸಿಟಿ ಸ್ಕ್ಯಾ‌ನ್‌ ಕೇವಲ 5-10 ಎಕ್ಸ್‌ರೇಗಳಷ್ಟು ತೀವ್ರತೆ ಹೊಂದಿರುತ್ತದೆ,'' ಎಂದು ಸಂಸ್ಥೆಯ ಅಧಿಕೃತ ಹೇಳಿಕೆ ತಿಳಿಸಿದೆ.


''ಒಂದು ಸಿಟಿ ಸ್ಕ್ಯಾ‌ನ್‌ 300-400 ಎಕ್ಸ್‌ರೇಯಷ್ಟು ಅಲ್ಟ್ರಾ ಕಿರಣಗಳ ಬಳಕೆಯಾಗುತ್ತದೆ. ಹೀಗಾಗಿ ಕೊರೊನಾ ಸೋಂಕಿತರಿಗೆ ಪದೇಪದೆ ಸಿಟಿ ಸ್ಕ್ಯಾ‌ನ್‌ ನಡೆಸುವುದು ಸರಿಯಲ್ಲ. ಯುವಕರು ಆಗಾಗ ಸಿಟಿ ಸ್ಕ್ಯಾ‌ನ್‌ಗೆ ಒಳಪಡುತ್ತಿದ್ದರೆ ಕ್ಯಾನ್ಸರ್‌ಗೆ ಒಳಗಾಗುವ ಅಪಾಯ ಹೆಚ್ಚಿದೆ,'' ಎಂದು ಗುಲೇರಿಯಾ ಹೇಳಿದ್ದರು.