ಮದುವೆಯಲ್ಲಿ ಗೋ ಮಾಂಸಕ್ಕೆ ಅನುಮತಿ ಕೋರಿದ ಮುಸ್ಲಿಂ ಕುಟುಂಬ

ದಾದ್ರಿ: ಮದುವೆ ಊಟದಲ್ಲಿ ಗೋ ಮಾಂಸ ಬಳಕೆಗೆ ಅನುಮತಿ ನೀಡುವಂತೆ ದಾದ್ರಿಯ ಮುಸ್ಲಿಂ ಕುಟುಂಬವೊಂದು ಪೊಲೀಸರಿಗೆ ಮನವಿ ಸಲ್ಲಿಸಿದೆ.

ವರನ ಕಡೆಯವರು ಮೀರತ್‌ನಲ್ಲಿ ನಡೆಯಲಿರುವ 'ಬರಾತ್‌ 'ಊಟಕ್ಕೆ ಗೋ ಮಾಂಸ ಬೇಕು ಎಂದು ಬೇಡಿಕೆಯಿಟ್ಟಿದ್ದಾರೆ. ಹೀಗಾಗಿ ಅನುಮತಿ ನೀಡಬೇಕು. ಅನುಮತಿ ನೀಡದಿದ್ದರೆ ಮಾಂಸಕ್ಕಾಗಿ ಗೋವಧೆ ಮಾಡುವುದಿಲ್ಲ ಎಂದು ರಜಾಕ್‌ ಕಾಲೊನಿಯ ನಜರ್‌ ಮೊಹಮ್ಮದ್‌ ಅವರು ಮನವಿ ಮಾಡಿದ್ದಾರೆ.

ಅಕ್ರಮ ಗೋಹತ್ಯೆ ನಿಷೇಧ ಮತ್ತು ಗೋ ಸಾಗಣೆ ಹಾಗೂ ಗೋ ಮಾಂಸ ಬಳಕೆ ಮೇಲೆ ಗೋರಕ್ಷಕರು ನಿಗಾ ವಹಿಸಿರುವ ಮಧ್ಯೆಯೇ ಪೊಲೀಸರಿಗೆ ಇಂಥದ್ದೊಂದು ಮನವಿ ಸಲ್ಲಿಕೆಯಾಗಿದೆ.

'ಬರಾತ್‌'ನಲ್ಲಿ ವರನ ಕಡೆಯ ಮೂವತ್ತು ಮಂದಿ ಭಾಗವಹಿಸುವರು. ಮಗಳ ಮದುವೆ ಊಟಕ್ಕೆ ಉಪಯೋಗಿಸಲು ಗೋವು ನಜರ್‌ ಅವರ ಮನೆಯಲ್ಲೇ ಇದೆ. ಆದರೆ ಅದನ್ನು ವಧಿಸುವುದಕ್ಕೆ ಗೋರಕ್ಷಕರು ತೊಂದರೆ ಕೊಡಬಹುದು ಎಂಬ ಆತಂಕ ಅವರಿಗಿದೆ ಎಂದು ಇಸ್ಲಾಮುದ್ದಿನ್‌ ಹೇಳುತ್ತಾರೆ. 2015ರಲ್ಲಿ ಮನೆಯಲ್ಲಿ ಗೋಮಾಂಸ ಇದೆ ಎಂದು ಆರೋಪಿಸಿ ದಾದ್ರಿಯಲ್ಲಿ ಗುಂಪೊಂದು ಮೊಹಮ್ಮದ್‌ ಅಖ್ಲಾಕ್‌ ಎಂಬವರನ್ನು ಹತ್ಯೆ ಮಾಡಿತ್ತು.

Dadri family seeks police: A Muslim family in Dadri is seeking permission from the police to serve buffalo meat to the 'baarati' (bridegroom's friends and family) on Tuesday evening when the wedding is scheduled.