ಹಣವಿಲ್ಲದೇ ಅಂಬೇಡ್ಕರ್‌ ಪ್ರತಿಮೆ ಎದುರು ಮದುವೆಯಾದರು

ಭೋಪಾಲ್‌: ಮದುವೆ ಸಮಾರಂಭಕ್ಕೆ ಹಣ ಹೊಂದಿಸಲಾಗದ ದಲಿತ ಜೋಡಿ ಮಧ್ಯಪ್ರದೇಶದ ಸೆಹೋರ್‌ ಜಿಲ್ಲೆಯ ಉದ್ಯಾನವನದಲ್ಲಿರುವ ಅಂಬೇಡ್ಕರ್‌ ಪ್ರತಿಮೆ ಎದುರು ವೈವಾಹಿಕ ಜೀವನಕ್ಕೆ ಕಾಲಿರಿಸಿದರು.

ಕುಟುಂಬ ಸದಸ್ಯರು ಹಾಗೂ ಸ್ಥಳೀಯರ ಸಮ್ಮುಖದಲ್ಲಿ ಪಂಕಜ್‌ ಜಾಟವ್‌ ಹಾಗೂ ವೈಜಯಂತಿ ಮದುವೆ ನಡೆಯಿತು.

'ಅದ್ಧೂರಿ ಸಮಾರಂಭ ಏರ್ಪಡಿಸುವಷ್ಟ ಹಣ ನನ್ನ ಬಳಿಯೂ ಇಲ್ಲ, ಹುಡುಗಿ ಮನೆಯವರಿಗೂ ಇಲ್ಲ. ನಮ್ಮ ಬಳಿ ಇರುವ ಅಲ್ಪಸ್ವಲ್ಪ ಹಣ ವ್ಯರ್ಥ ಮಾಡುವ ಬದಲು ಸಮೀಪದ ಗಂಜಿ ಪಾರ್ಕ್‌ನಲ್ಲಿರುವ ಅಂಬೇಡ್ಕರ್‌ ಪ್ರತಿಮೆ ಎದುರು ಹಾರ ಬದಲಿಸಿಕೊಂಡು ಮದುವೆಯಾಗಲು ನಿರ್ಧರಿಸಿದೆವು. ಹುಡುಗಿ ಮನೆಯವರೂ ನನ್ನ ಐಡಿಯಾ ಒಪ್ಪಿದರು,' ಎಂದು ವರ ಪಂಕಜ್‌ ಜಾಟವ್‌ ಹೇಳಿದ್ದಾರೆ.

ಎರಡು ಕುಟುಂಬಗಳ ಈ ನಿರ್ಧಾರವನ್ನು ಬೆಂಬಲಿಸಿದ ಸಮುದಾಯದ ಸದಸ್ಯರು ಹಾಗೂ ಸ್ಥಳೀಯರು ಮದುವೆಯಲ್ಲಿ ಊಟದ ವ್ಯವಸ್ಥೆ ಮಾಡಿದ್ದರು.

Dalit couple young Dalit couple who could not afford the usual ceremony and the rituals it involves, took the customary seven 'pheras' in front of a statue of Dr BR Ambedkar, a great Dalit icon.