ಹೊಸದಿಲ್ಲಿ: ಭಾರತದಲ್ಲಿ ತನ್ನ ಪಾಲುದಾರ ಕಂಪನಿಯಾಗಿ ರಿಲಯನ್ಸ್‌ ಗ್ರೂಪ್‌ ಅನ್ನು ಆಯ್ಕೆ ಮಾಡುವಲ್ಲಿ ತನಗೆ ಮುಕ್ತ ಸ್ವಾತಂತ್ರ್ಯವಿತ್ತು ಎಂದು ರಫೇಲ್‌ ಜೆಟ್‌ ತಯಾರಕ ಫ್ರೆಂಚ್ ಕಂಪನಿ ಡಸಾಲ್ಟ್ ಏವಿಯೇಶನ್‌ ಹೇಳಿದೆ.
59,000 ಕೋಟಿ ರೂ ಮೊತ್ತದ 36 ಜೆಟ್‌ ವಿಮಾನಗಳ ಖರೀದಿ ಗುತ್ತಿಗೆಗೆ ಅನಿಲ್ ಅಂಬಾನಿ ಮಾಲೀಕತ್ವದ ರಿಲಯನ್ಸ್‌ ಡಿಫೆನ್ಸ್‌ ಅನ್ನೇ ಪಾಲುದಾರ ಕಂಪನಿಯಾಗಿ ಆರಿಸಿಕೊಳ್ಳುವಂತೆ ಡಸಾಲ್ಟ್ ಏವಿಯೇಶನ್‌ ಮೇಲೆ ಒತ್ತಡವಿತ್ತು ಎಂದು ಫ್ರೆಂಚ್ ಮಾಧ್ಯಮವೊಂದರ ವೆಬ್‌ಸೈಟ್‌ ವರದಿ ಮಾಡಿದ ಹಿನ್ನೆಲೆಯಲ್ಲಿ ಈ ಸ್ಪಷ್ಟನೆ ಹೊರಬಿದ್ದಿದೆ.
ಭಾರತ-ಫ್ರಾನ್ಸ್‌ ನಡುವಣ 2016ರ ಅಂತರ್‌ ಸರಕಾರಿ ಒಪ್ಪಂದದ ಚೌಕಟ್ಟಿನಡಿಯಲ್ಲೇ ಡಸಾಲ್ಟ್ ಏವಿಯೇಶನ್‌ 36 ರಫೇಲ್‌ ವಿಮಾನಗಳನ್ನು ಭಾರತಕ್ಕೆ ಮಾರಾಟ ಮಾಡಿದೆ. ಭಾರತದ ನಿಯಮಗಳಿಗೆ ಬದ್ಧವಾಗಿ (ರಕ್ಷಣಾ ಖರೀದಿ ವಿಧಾನ) ಮತ್ತು ಹಿಂದಿನ ವಿಧಾನಗಳನ್ನೇ ಅನುಸರಿಸಿ ವ್ಯವಹಾರ ಅಂತಿಮಗೊಳಿಸಲಾಗಿದೆ. ಒಟ್ಟು ಖರೀದಿಯ ಶೇ 50ರಷ್ಟನ್ನು ಭಾರತದಲ್ಲೇ ಉತ್ಪಾದಿಸುವ ನೀತಿಗೆ ಡಸಾಲ್ಟ್ ಏವಿಯೇಶನ್‌ ಬದ್ಧವಾಗಿದೆ. ಭಾರತೀಯ ಪಾಲುದಾರ ಕಂಪನಿಗೆ ತಂತ್ರಜ್ಞಾನ ವರ್ಗಾಯಿಸಲು ಜಂಟಿ ಪಾಲುದಾರಿಕೆ ಕಂಪನಿ ಸ್ಥಾಪಿಸಲು ಡಸಾಲ್ಟ್ ಏವಿಯೇಶನ್‌ ನಿರ್ಧರಿಸಿತು. ಅದರಂತೆ ಭಾರತದ ರಿಲಯನ್ಸ್‌ ಗ್ರೂಪ್‌ ಅನ್ನು ಪಾಲುದಾರನಾಗಿ ಮುಕ್ತವಾಗಿ ಆರಿಸಿಕೊಳ್ಳಲಾಯಿತು. ಡಸಾಲ್ಟ್ ರಿಲಯನ್ಸ್‌ ಏರೋಸ್ಪೇಸ್‌ ಲಿಮಿಟೆಡ್‌ (ಡಿಆರ್‌ಎಎಲ್‌) ಹೆಸರಿನ ಜಂಟಿ ಸಹೋದ್ಯಮ ಕಂಪನಿಯನ್ನು 2017ರ ಫೆಬ್ರವರಿ 10ರಂದು ರಚಿಸಲಾಯಿತು' ಎಂದು ಡಸಾಲ್ಟ್ ಪತ್ರಿಕಾ ಪ್ರಕಟಣೆ ತಿಳಿಸಿದೆ.
ಬಿಟಿಎಸ್‌ಎಲ್‌, ಡಿಇಎಫ್‌ಎಸ್‌ಐಎಸ್‌, ಕೈನೆಟಿಕ್, ಮಹೀಂದ್ರಾ, ಮೈನಿ, ಸ್ಯಾಮ್‌ಟೆಲ್‌ನಂತಹ ಇತರ ಕಂಪನಿಗಳ ಜತೆಗೂ ಪಾಲುದಾರಿಕೆ ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ. ಅಲ್ಲದೆ ಇನ್ನೂ ನೂರಾರು ಕಂಪನಿಗಳ ಜತೆ ಸಂಭಾವ್ಯ ಪಾಲುದಾರಿಕೆಗೆ ಹುಡುಕಾಟ ನಡೆಸಲಾಗುತ್ತಿದೆ ಎಂದು ಪ್ರಕಟಣೆ ವಿವರಿಸಿದೆ.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
