ರಕ್ಷಣಾ ಸಚಿವಾಲಯ ವೆಬ್‌ಸೈಟ್‌ ಹ್ಯಾಕ್‌ ಆಗಿಲ್ಲ: ಕೇಂದ್ರ ಸರಕಾರ ಸ್ಪಷ್ಟನೆ

ಹೊಸದಿಲ್ಲಿ: ರಕ್ಷಣಾ ಸಚಿವಾಲಯ ಸೇರಿದಂತೆ ಯಾವುದೇ ಸರಕಾರಿ ವೆಬ್‌ ಸೈಟ್‌ಗಳು ಹ್ಯಾಕ್‌ ಆಗಿಲ್ಲ ಎಂದು ಕೇಂದ್ರ ಸರಕಾರ ಸ್ಪಷ್ಟಪಡಿಸಿದೆ.

Ministry of Defence ಹಾಗೂ ಇತರೆ ವೆಬ್‌ಸೈಟ್‌ ಹ್ಯಾಕ್‌ ಆಗಿತ್ತು ಎಂದು ಶುಕ್ರವಾರ ಸಂಜೆ ವರದಿಯಾಗಿತ್ತು.

ಸರಕಾರಿ ವೆಬ್‌ಸೈಟ್‌ಗಳ ನಿರ್ವಹಣೆ ಮಾಡುತ್ತಿರುವ ನ್ಯಾಷನಲ್‌ ಇರ್‌ಫರ್‌ಮ್ಯಾಟಿಕ್ಸ್‌ ಕೇಂದ್ರ (ಎನ್‌ಐಸಿ) ಈ ಕುರಿತು ಸ್ಪಷ್ಟನೆ ನೀಡಿದೆ.

ಚೀನಾದ ಅಕ್ಷರ ಎಂಬಂತೆ ಒಂದು ಚಿಹ್ನೆ ಕಾಣುತ್ತಿತ್ತು. ಶುಕ್ರವಾರ ಮಧ್ಯಾಹ್ನದಿಂದ ಈ ವೆಬ್‌ಸೈಟ್‌ ನಾಗರಿಕರ ಬಳಕೆಗೆ ಸಿಗಲಿಲ್ಲ. ಕೆಲವು ತಾಂತ್ರಿಕ ಕಾರಣಗಳಿಂದ ಹೀಗಾಗಿತ್ತು ಎಂದು ಸ್ಪಷ್ಟನೆ ನೀಡಲಾಗಿದೆ.

ತಾಂತ್ರಿಕ ಕಾರಣಗಳ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿ ಪರಿಹಾರ ಕಂಡುಕೊಳ್ಳಲಾಯಿತು. ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ರಕ್ಷಣಾ ಸಚಿವಾಲಯ, ಗೃಹ ಸಚಿವಾಲಯ, ಚುನಾವಣೆ ಆಯೋಗ, ಕಾರ್ಮಿಕ ಸಚಿವಾಲಯ, ಇಪಿಎಫ್‌ಒ, ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದ ವೆಬ್‌ಸೈಟ್‌ಗಳು ಕಾರ್ಯ ನಿರ್ವಹಿಸುತ್ತಿವೆ ಎಂದು ಎನ್‌ಐಸಿ ಸ್ಪಷ್ಟಪಡಿಸಿದೆ.