ಹೊಸದಿಲ್ಲಿ: ಮತದಾನ ಪ್ರಕ್ರಿಯೆಗೆ ಅಡ್ಡಿಪಡಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆಪ್‌ ಶಾಸಕ ಮನೋಜ್‌ ಕುಮಾರ್‌ ಅವರಿಗೆ ದಿಲ್ಲಿ ಕೋರ್ಟ್‌ ಮಂಗಳವಾರ ಮೂರು ತಿಂಗಳ ಜೈಲು ಶಿಕ್ಷೆ ವಿಧಿಸಿದೆ. 2013ರ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಪೂರ್ವ ದಿಲ್ಲಿಯ ಕಲ್ಯಾಣ್‌ಪುರಿ ಮತದಾನ ಕೇಂದ್ರದಲ್ಲಿ ಮತದಾನ ಪ್ರಕ್ರಿಯೆ ಹಾಗೂ ಅಧಿಕಾರಿಗಳ ಕರ್ತವ್ಯ ನಿರ್ವಹಣೆಗೆ ಅಡ್ಡಿಪಡಿಸಿದ್ದ ಮನೋಜ್‌ ವಿರುದ್ಧ ಚುನಾವಣಾ ಆಯೋಗ ಪ್ರಕರಣ ದಾಖಲಿಸಿತ್ತು. ವಿಚಾರಣೆ ನಡೆಸಿದ ದಿಲ್ಲಿ ಕೋರ್ಟ್‌ನ ಹೆಚ್ಚುವರಿ ಮುಖ್ಯ ಮೆಟ್ರೋಪೊಲಿಟಿಯನ್‌ ಮ್ಯಾಜಿಸ್ಪ್ರೇಟ್‌ ಸಮರ್‌ ವಿಶಾಲ್‌ ಅವರು ಮನೋಜ್‌ ಅವರನ್ನು ತಪ್ಪಿತಸ್ಥನೆಂದು ಘೋಷಿಸಿ, ಜೈಲು ಶಿಕ್ಷೆ ವಿಧಿಸಿದ್ದಾರೆ. ಬೆನ್ನಲ್ಲೇ, ಹತ್ತು ಸಾವಿರ ರೂಪಾಯಿ ಬಾಂಡ್‌ ಮೇಲೆ ಮನೋಜ್‌ ಕುಮಾರ್‌ಗೆ ಜಾಮೀನನ್ನೂ ಮಂಜೂರು ಮಾಡಿದರು. 2013ರ ದಿಲ್ಲಿ ಚುನಾವಣೆ ವೇಳೆ ಮತದಾನ ನಡೆಯುತ್ತಿದ್ದ ಎಂಸಿಡಿ ಶಾಲೆ ಬಳಿ ಸುಮಾರು 50 ಜನರನ್ನು ಕಟ್ಟಿಕೊಂಡು ಮನೋಜ್‌ ಕುಮಾರ್‌ ಪ್ರತಿಭಟನೆ ನಡೆಸಿದ್ದರು. ಇದರಿಂದ ಚುನಾವಣಾ ಪ್ರಕ್ರಿಯೆಗೆ ಅಡಚಣೆಯಾಗಿತ್ತು.
ಮತದಾನಕ್ಕೆ ಅಡ್ಡಿಪಡಿಸಿದ ಆಪ್‌ ಶಾಸಕನಿಗೆ 3 ತಿಂಗಳು ಜೈಲು
2013ರ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲಿ ಪೂರ್ವ ದಿಲ್ಲಿಯ ಕಲ್ಯಾಣ್‌ಪುರಿ ಮತದಾನ ಕೇಂದ್ರದಲ್ಲಿ ಮತದಾನ ಪ್ರಕ್ರಿಯೆ ಹಾಗೂ ಅಧಿಕಾರಿಗಳ ಕರ್ತವ್ಯ ನಿರ್ವಹಣೆಗೆ ಅಡ್ಡಿಪಡಿಸಿದ್ದ ಮನೋಜ್‌ ವಿರುದ್ಧ ಚುನಾವಣಾ ಆಯೋಗ ಪ್ರಕರಣ ದಾಖಲಿಸಿತ್ತು.
PTI 26 Jun 2019, 5:00 am