ಹೊಸದಿಲ್ಲಿ: ರಾಷ್ಟ್ರ ರಾಜಧಾನಿ ಚಳಿಗೆ ತತ್ತರಿಸಿದೆ. ವರ್ಷ ಕಳೆಯಲು ನಾಲ್ಕು ದಿನ ಬಾಕಿ ಇರುವಾಗಲೇ 'ಶತಮಾನದ ಶೀತ' ದಿಲ್ಲಿಯಲ್ಲಿ ದಾಖಲಾಗಿದೆ. ಶುಕ್ರವಾರ ಕನಿಷ್ಠ ತಾಪಮಾನ 4.2 ಡಿಗ್ರಿ ಸೆಲ್ಷಿಯಸ್‌ ಹಾಗೂ ಗರಿಷ್ಠ ತಾಪಮಾನ 13.4 ಡಿಗ್ರಿ ಸೆಲ್ಷಿಯಸ್‌ ದಾಖಲಾಗಿದೆ. 118 ವರ್ಷಗಳಲ್ಲಿಅಂದರೆ 1901ರ ಬಳಿಕ ಇಷ್ಟು ಕಡಿಮೆ ತಾಪಮಾನ ದಾಖಲಾಗಿರುವುದು ಇದೇ ಮೊದಲು.

20 - 1919, 1929, 1961 ಮತ್ತು 1971ರಲ್ಲಿ 20 ಡಿಗ್ರಿ ಸೆಲ್ಷಿಯಸ್‌ಗಿಂತ ಕಡಿಮೆ ತಾಪಮಾನ ದಾಖಲು

17.3 - 1997ರ ಡಿಸೆಂಬರ್‌ನಲ್ಲಿ ದಾಖಲಾಗಿರುವುದು ಇದುವರೆಗಿನ ಕಡಿಮೆ ತಾಪಮಾನ

ಸುದೀರ್ಘ ಶೀತದ ದಿನಗಳು

ಕಳೆದ ಡಿ. 14 ರಿಂದ ದಿಲ್ಲಿಯಲ್ಲಿ ವಿಪರೀತ ಚಳಿ ಇದೆ. ಇದು ಎರಡನೇ ಸುದೀರ್ಘ 'ಚಳಿ ದಿನ'ಗಳ ಅವಧಿಯಾಗಿದೆ. 1997ರ ಡಿಸೆಂಬರ್‌ನಲ್ಲಿ 17 ದಿನ ಸತತವಾಗಿ ಕಡಿಮೆ ತಾಪಮಾನ ದಾಖಲಾಗಿರುವುದು ಇದುವರೆಗಿನ ದಾಖಲೆಯಾಗಿದೆ. 1997, 1998, 2003 ಮತ್ತು 2014ರಲ್ಲಿ ದೀರ್ಘ 'ಕೋಲ್ಡ್‌ ಸ್ಪೆಲ್‌' ಅನ್ನು ದಿಲ್ಲಿಯ ಜನ ಅನುಭವಿಸಿದ್ದರು.

ಹೊಸದಿಲ್ಲಿ, ಉತ್ತರ ಭಾರತ ಚಳಿಗೆ ತತ್ತರ; ರಾಜಧಾನಿಯಲ್ಲಿ ರೈಲು ಸಂಚಾರ ವ್ಯತ್ಯಯ

ಅಕ್ಕಪಕ್ಕದಲ್ಲೂ ಇದೇ ಕಥೆ

ದಿಲ್ಲಿ, ರಾಷ್ಟ್ರ ರಾಜಧಾನಿ ವಲಯ ಮಾತ್ರವಲ್ಲದೆ ಹರಿಯಾಣದ ನೊಯ್ಡಾ, ಗುರುಗ್ರಾಮ, ಉತ್ತರ ಪ್ರದೇಶದ ಘಾಜಿಯಾಬಾದ್‌, ಫರೀದಾಬಾದ್‌ಗಳಲ್ಲೂ ವಿಪರೀತ ಚಳಿ ಇದೆ.

ವಾಯುಮಾಲಿನ್ಯ, ಮಳೆ ಆತಂಕ

ಶೀತಗಾಳಿ, ಮಂಜಿನಿಂದ ತತ್ತರಿಸಿರುವ ರಾಜಧಾನಿಗೆ ಮತ್ತೊಂದು ಆತಂಕ ಎದುರಾಗಿದೆ. ಶನಿವಾರ (ಡಿ. 28) ಗಾಳಿಯ ದಿಕ್ಕು ಮತ್ತು ಗತಿ ಬದಲಾಗಲಿದೆ. ಮಂದಗಾಳಿಯಿಂದ ಮಾಲಿನ್ಯ ಪ್ರಮಾಣ ಹೆಚ್ಚಬಹುದು. ಜತೆಗೆ ಗೋಚರ ಸ್ಪಷ್ಟತೆಯೂ ಕಡಿಮೆಯಾಗಬಹುದು ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಪಶ್ಚಿಮ ಹಿಮಾಲಯದಿಂದ ಮಳೆ ಮಾರುತ ಬೀಸಲಿದ್ದು ಡಿ. 31, ಜ. 1ರಂದು ದಿಲ್ಲಿ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಭಾರಿ ಮಳೆಯಾಗುವ ಸಂಭವವಿದೆ ಎಂಬುದಾಗಿ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.

ದಿಲ್ಲಿ ಗರಿಷ್ಠ ತಾಪಮಾನ

ಡಿ. 26 - 19.85

ಡಿ. 27 - 13.4