ಕುಟುಂಬವನ್ನೇ ನಾಶ ಮಾಡಿದವನಿಗೆ ಆನ್‌ಲೈನ್‌ ಗೇಮ್‌ ಹುಚ್ಚು

ಹೊಸದಿಲ್ಲಿ: ತಂದೆ-ತಾಯಿ ಮತ್ತು ತಂಗಿಯನ್ನೇ ಕೊಂದು ಹಾಕಿ, ದರೋಡೆ ಕಥೆ ಕಟ್ಟಲು ಮನೆಯನ್ನೇ ಒಡೆದು ಹಾಕಿದ ದಿಲ್ಲಿಯ 19 ವರ್ಷದ ಯುವಕನಿಗೆ ಪಬ್‌ಜಿ ಎಂಬ ಆನ್‌ಲೈನ್‌ ಗೇಮ್‌ ಹುಚ್ಚಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.

ಶಾಲೆಗೆ ಚಕ್ಕರ್‌ ಹಾಕಿ ಸ್ನೇಹಿತರೊಂದಿಗೆ ಕಾಲ ಕಳೆಯುತ್ತಿದ್ದ ಸೂರಜ್‌ ಕೊಲೆ ಬಗ್ಗೆ ಈಗಲೂ ಯಾವುದೇ ಪಶ್ಚಾತ್ತಾಪ ಹೊಂದಿಲ್ಲ. ಈತನಿಗೆ ಒಂದು ಬಾಡಿಗೆ ಕೋಣೆ ಇದ್ದು, ಅಲ್ಲಿ ಟಿವಿ ಸೆಟ್‌ ಇತ್ತು. ಕ್ಲಾಸ್‌ ಬಂಕ್‌ ಮಾಡುವ ಹುಡುಗ/ಹುಡುಗಿಯರು ಅಲ್ಲಿ ಸೇರುತ್ತಿದ್ದರು. ಆವರ ಪಾಲಿಗೆ ಸೂರಜ್‌ ಒಬ್ಬ ಹೀರೊ ಆಗಿದ್ದ! ಈತನ ಆಸಕ್ತಿಗಳನ್ನು ವಿರೋಧಿಸಿದ್ದು ಮತ್ತು ಪಾಠದ ಬಗೆಗಿನ ನಿರಾಸಕ್ತಿಯನ್ನು ಪ್ರಶ್ನಿಸಿದ್ದೇ ಕೊಲೆಗೆ ಕಾರಣ ಎನ್ನಲಾಗಿದೆ.