ಕ್ಯಾನ್ಸರ್ ಸಂಶೋಧನೆಗೆ 2 ಮ್ಯಾರಥಾನ್‌ಗಳಲ್ಲಿ ಓಡಿ 2.6 ಲಕ್ಷ ರೂ. ಸಂಗ್ರಹಿಸಿದ ದಿಲ್ಲಿ ಮೂಲದ ವ್ಯಕ್ತಿ

ಹೊಸದಿಲ್ಲಿ: ಭಾರತದಲ್ಲಿ ಅದರಲ್ಲೂ ಪ್ರಮುಖವಾಗಿ ರಾಷ್ಟ್ರ ರಾಜಧಾನಿಯಲ್ಲಿ ಓಡುವ ಉತ್ಸಾಹಿಗಳಿಗ ಕೊರತೆಯಿಲ್ಲ. ಆದರೆ ಹೊಸದಿಲ್ಲಿ ಮೂಲದ ಸುರೇಶ್ ಶ್ರೀನಿವಾಸನ್ ಎರಡು ಪ್ರತಿಷ್ಠಿತ ವಿಶ್ವ ಮ್ಯಾರಥಾನ್‌ಗಳನ್ನು ಎರಡು ವಾರಗಳ ಅಂತರದಲ್ಲಿ ಓಡಿ ಮುಗಿಸಿದ್ದಾರೆ. ಅಲ್ಲದೆ, ಇದರ ಹಿಂದೆ ಒಂದು ಸದುದ್ದೇಶವಿದೆ.

ಮಕ್ಕಳಲ್ಲಿ ಕ್ಯಾನ್ಸರ್ ರೋಗದ ಸಂಶೋಧನೆ ಮತ್ತು ಗುಣಪಡಿಸುವಿಕೆಗಾಗಿ ಹಣವನ್ನು ಸಂಗ್ರಹಿಸುವಾಗ ಸುರೇಶ್ ಚಿಕಾಗೊ ಮತ್ತು ನ್ಯೂಯಾರ್ಕ್ ಮ್ಯಾರಥಾನ್‌ಗಳನ್ನು ಸತತವಾಗಿ ಯಶಸ್ವಿಯಾಗಿ ಮುಗಿಸಿದ್ದಾರೆ. ಈ ಮೂಲಕ ಟ್ಯಾಕಲ್ ಕಿಡ್ಸ್ ಕ್ಯಾನ್ಸರ್ ಎಂಬ ಎನ್‌ಜಿಒಗೆ 3,694 ಡಾಲರ್ ಅಂದರೆ ರೂ. 2.6 ಲಕ್ಷಕ್ಕೂ ಹೆಚ್ಚು ಹಣ ಸಂಗ್ರಹಿಸಿದ್ದಾರೆ. ಕ್ಯಾನ್ಸರ್ ಸಂಶೋಧನೆಗೆ ಸಹಾಯ ಮಾಡಲು ಈ ಹಣದ ಬಳಕೆಯಾಗಲಿದೆ ಎಂದು ತಿಳಿದುಬಂದಿದೆ.

ಇನ್ನು, ಈ ಸದುದ್ದೇಶದ ಹಿಂದೆ ಸುರೇಶ್ ಅವರಿಗೆ ವೈಯಕ್ತಿಕ ಕಾರಣವೂ ಇದೆ. ನಾನು ಈ ಪ್ರಯತ್ನವನ್ನು ನನ್ನ ತಂದೆಯ ನೆನಪಿಗಾಗಿ ಅರ್ಪಿಸಿದೆ. ಅವರು 18 ವರ್ಷಗಳಲ್ಲಿ ಎರಡು ಬಾರಿ ಕ್ಯಾನ್ಸರ್‌ಗೆ ತುತ್ತಾಗಿ ಅದರ ವಿರುದ್ಧ ಹೋರಾಡಿದರು. ನನ್ನ ತಂದೆ ನಂಬಿದ್ದ ಸಂದೇಶವನ್ನು ಹರಡಲು ನನಗೆ ಅವಕಾಶ ಸಿಕ್ಕಿದ್ದಕ್ಕೆ ನಾನು ಕೃತಜ್ಞನಾಗಿದ್ದೇನೆ. ಜೀವನವು ನಿಮ್ಮನ್ನು ಸಂತೋಷವಾಗಿರಿಸುವುದಕ್ಕಾಗಿ ಇದೆ ಮತ್ತು ಎಲ್ಲರೂ ಸಂತೋಷವಾಗಿರಲು ವ್ಯಾಯಾಮ ಮಾಡಬೇಕು ಎಂದು ಅವರು ಹೇಳುತ್ತಿದ್ದರು ಎಂದು ಸುರೇಶ್‌ ತಿಳಿಸಿದರು.

ಈ ಸುದ್ದಿ ಓದಿ: 2 ತಾಸಿನೊಳಗೆ ಮ್ಯಾರಥಾನ್ ಕ್ರಮಿಸಿದ ಎಲ್ಯೂಡ್ ಕಿಪ್ಜೊಜ್ ಐತಿಹಾಸಿಕ ಸಾಧನೆ; ಆದರೂ ವಿಶ್ವ ದಾಖಲೆಯಲ್ಲ!

ಅಲ್ಲದೆ, ಜೂನ್‌ ತಿಂಗಳಲ್ಲಿ ಸುರೇಶ್ ಸ್ವತ: ಗಾಯಗೊಂಡಿದ್ದರು. ಆದರೆ, ಭೌತಚಿಕಿತ್ಸಕ ಡಾ. ಚಂದನ್ ಚಾವ್ಲಾ ಅವರ ಸಹಾಯ ಮತ್ತು ಮಾರ್ಗದರ್ಶನದೊಂದಿಗೆ ಮಾತ್ರ ಈ ಮಿಷನ್ ಮ್ಯಾರಥಾನ್‌ಗೆ ತಯಾರಿ ನಡೆಸಲು ನನಗೆ ಸಹಾಯವಾಯಿತು. ಅಲ್ಲದೆ, ಕೊನೆಯಲ್ಲಿ ನಾನು ಅದಕ್ಕೆ ಹೋಗುವಂತಾಯಿತು ಎಂದು ಸುರೇಶ್ ಹೇಳುತ್ತಾರೆ.

ಇದನ್ನೂ ಓದಿ: ವಾಯು ಮಾಲಿನ್ಯದಿಂದ ಕ್ಯಾನ್ಸರ್‌

ಪ್ರತಿಷ್ಠಿತ ಮ್ಯಾರಥಾನ್‌ಗಳಲ್ಲಿ ಓಡುವುದು ಹೆಚ್ಚಿನ ಓಟಗಾರರಿಗೆ ಒಂದು ಸಾಧನೆಯಾದರೂ, ಸುರೇಶ್ ಅವರು ಮ್ಯಾರಥಾನ್‌ನಲ್ಲಿ ಓಡಿ ತಮ್ಮ ಉದ್ದೇಶಕ್ಕಾಗಿ ಸಂಗ್ರಹಿಸಿದ ಹಣದ ಬಗ್ಗೆ ಸಂತೋಷದಿಂದಿದ್ದಾರೆ.

ಭವಿಷ್ಯ ಬದಲಿಸಬಲ್ಲ ತ್ರಿಡಿ ಮುದ್ರಣ ತಂತ್ರಜ್ಞಾನ