ಗರ್ಭಿಣಿಯನ್ನು 10 ಕಿ.ಮೀ ಬೈಕ್‌ ಮೇಲೆ ಸಾಗಿಸಿ ಆಸ್ಪತ್ರೆಗೆ ದಾಖಲು

ರಾಂಚಿ: ಸಕಾಲಕ್ಕೆ ಆಂಬ್ಯುಲೆನ್ಸ್‌ ಸೇವೆ ಸಿಗದ ಹಿನ್ನೆಲೆಯಲ್ಲಿ ಗರ್ಭಿಣಿಯನ್ನು 10 ಕಿ.ಮೀ ಬೈಕ್‌ನಲ್ಲಿ ಸಾಗಿಸಿ ಆಸ್ಪತ್ರೆಗೆ ದಾಖಲಿಸಿದ ಘಟನೆ ಶುಕ್ರವಾರ ಜಾರ್ಖಂಡ್‌ನಲ್ಲಿ ನಡೆದಿದೆ. 30 ವರ್ಷದ ಗರ್ಭಿಣಿ ಶಾಂತಿ ದೇವಿಯನ್ನು ಪತಿ ಚಾಂಡ್ವಾದಲ್ಲಿ ಪ್ರಾಥಮಿಕ ಚಿಕಿತ್ಸಾ ಕೇಂದ್ರಕ್ಕೆ ದಾಖಲಿಸಲು ಆ್ಯಂಬುಲೆನ್ಸ್‌ ಮೊರೆ ಹೋಗಿದ್ದರು. ಆದರೆ ಆಂಬ್ಯುಲೆನ್ಸ್‌ ಇಲ್ಲವೆಂದು ಚಿಕಿತ್ಸಾ ಕೇಂದ್ರವು ಸೇವೆ ನಿರಾಕರಿಸಿತ್ತು. ಆಗ ಪತಿ ಕಮಲ್‌ ಗಾಂಜು ಮತ್ತೊಬ್ಬರ ಸಹಾಯದಿಂದ ಪತ್ನಿಯನ್ನು ಬೈಕ್‌ ಮೇಲೆ ಕೂರಿಸಿ 10 ಕಿ.ಮೀ ಸಂಚರಿಸಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸಾವು-ಬದುಕಿನ ಹೋರಾಟದಲ್ಲಿದ್ದ ಮಹಿಳೆಯ ಜೀವರಕ್ಷ ಣೆಗಾಗಿ ಬೈಕ್‌ನಲ್ಲಿ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿದ್ದು, ಅದು ಈಗ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.