ಜಿಎಸ್‌ಟಿ ಎಫೆಕ್ಟ್‌: ಬನಿಯಾಗಳ ಪ್ರಾಬಲ್ಯದ ಸೂರತ್‌ನಲ್ಲಿ ಬಿಜೆಪಿ ಮೇಲುಗೈ

ಹೊಸದಿಲ್ಲಿ: ಪ್ರಸಕ್ತ ಚುನಾವಣೆಯಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದ್ದ ಸರಕು ಮತ್ತು ಸೇವಾ ತೆರಿಗೆ - ಜಿಎಸ್‌ಟಿ ಎಫೆಕ್ಟ್‌ ಬಿಜೆಪಿಗೆ ಯಾವುದೇ ಪರಿಣಾಮ ಬೀರಿಲ್ಲ.

ಏಕೆಂದರೆ ಅತಿ ಹೆಚ್ಚು ವ್ಯಾಪಾರಿಗಳನ್ನು ಹೊಂದಿರುವ ಬನಿಯಾಗಳ ಪ್ರಾಬಲ್ಯ ಇರುವ ಸೂರತ್‌ ಪ್ರಾಂತ್ಯದಲ್ಲಿ ಬಿಜೆಪಿಗೆ ಭಾರಿ ಹೊಡೆತ ಬೀಳಬಹುದು, ಜಿಎಸ್‌ಟಿ ಇಲ್ಲಿ ಬಿಜೆಪಿಗೆ ತಿರುಗುಬಾಣವಾಗಹುದು ಎಂದು ರಾಜಕೀಯ ತಜ್ಞರು ಅಭಿಪ್ರಾಯ ಪಟ್ಟಿದ್ದರು.

ಆದರೆ ಇದೆಲ್ಲವನ್ನು ದಾಟಿ ಬಂದಿರುವ ಬಿಜೆಪಿ ಪಟೇಲರು, ಬನಿಯಾಗಳು, ವ್ಯಾಪಾರಿಗಳ ಮತಗಳನ್ನು ಪಡೆಯುವಲ್ಲಿ ಯಶಸ್ವಿಯಾಗಿದೆ.

ರಾಹುಲ್‌ ಗಾಂಧಿ ಜಿಎಸ್‌ಟಿ ಅನ್ನು ಗಬ್ಬರ್ ಸಿಂಗ್‌ ಟ್ಯಾಕ್ಸ್‌ ಅಂದು ಟೀಕಿಸಿದ್ದರು. ಆದರೆ ಚುನಾವಣೆಯಲ್ಲಿ ಜಿಎಸ್‌ಟಿ ಎಫೆಕ್ಟ್‌ ಸ್ವಲ್ಪವಾಗಿದೆ. ಆದರೆ ಒಟ್ಟಾರೆಯಾಗಿ ಬಿಜೆಪಿ ಈ ಬಾಣದಿಂದ ತಪ್ಪಿಸಿಕೊಂಡು ಗೆಲುವಿನ ನಗೆ ಬೀರಿದೆ.

ಜಿಎಸ್‌ಟಿ ಎಫೆಕ್ಟ್‌ನಿಂದಾಗಿ ಬಿಜೆಪಿ ಕೆಲವು ಸ್ಥಾನ ಕಳೆದುಕೊಂಡಿರಬಹುದು. ಆದರೆ ಅಧಿಕಾರ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.