ವೀಡಿಯೋ ಕಾಲ್‌ ಮೂಲಕ ಶಬರಿಮಲೆ ಅಯ್ಯಪ್ಪನನ್ನು ಮಹಿಳೆಯರಿಗೆ ತೋರಿಸುತ್ತಿರುವ ಭಕ್ತರು

ಶಬರಿಮಲೆ: ಶಬರಿಮಲೆ ದೇವಾಲಯದಲ್ಲಿ ಮಹಿಳೆಯರಿಗೆ ಪ್ರವೇಶ ನೀಡಲು ಸುಪ್ರೀಂಕೋರ್ಟ್ ಅನುಮತಿ ನೀಡಿದ್ದರೂ, ದೇಗುಲದ ಪೂಜಾರಿಗಳು ಹಾಗೂ ಪ್ರಮುಖವಾಗಿ ಅಯ್ಯಪ್ಪನ ಪುರುಷ ಭಕ್ತರು ಅವಕಾಶ ಕೊಡುತ್ತಿಲ್ಲ. ಹೀಗಾಗಿ, ಭಕ್ತರು ಈ ತಡೆಗೋಡೆಯನ್ನು ದಾಟಲು ಹೊಸ ಹೊಸ ವಿಧಾನಗಳನ್ನು ಕಂಡು ಹಿಡಿಯುತ್ತಿದ್ದಾರೆ.


ಶಬರಿಮಲೆಯ ಸನ್ನಿಧಾನಕ್ಕೆ ತೆರಳುವ ಪುರುಷ ಭಕ್ತರು ತಮ್ಮ ಪತ್ನಿ ಹಾಗೂ ತಾಯಿಗೆ ವೀಡಿಯೋ ಕಾಲ್‌ ಮಾಡುವ ಮೂಲಕ ತಂತ್ರಜ್ಞಾನದ ಮೂಲಕ ಅಯ್ಯಪ್ಪನನ್ನು ನೋಡುವಂತೆ ಮಾಡುತ್ತಿದ್ದಾರೆ. ಇದರಿಂದ ಯಾವ ನಂಬಿಕೆಗಳಿಗೂ ಹೊಡೆತ ಬೀಳುವುದಿಲ್ಲ ಹಾಗೂ ಯಾವುದೇ ಗಲಾಟೆಯಾಗದ ಕಾರಣ ಹಲವು ಭಕ್ತರು ಈ ಮಾರ್ಗವನ್ನು ಕಂಡುಕೊಂಡಿದ್ದಾರೆ.


ಸುಪ್ರೀಂಕೋರ್ಟ್ ಮಹಿಳೆಯರಿಗೆ ಪ್ರವೇಶ ನೀಡಿದ ಬಳಿಕವೂ ಇದುವರೆಗೆ 10 - 50 ವರ್ಷದ ಯಾವ ಮಹಿಳೆಯೂ ಶಬರಿಮಲೆ ದೇಗುಲಕ್ಕೆ ಪ್ರವೇಶ ಮಾಡಲು ಸಾಧ್ಯವಾಗಿಲ್ಲ. ಹೀಗಾಗಿ, ತಂತ್ರಜ್ಞಾನದ ಮೂಲಕ ಅಯ್ಯಪ್ಪನನ್ನು ಮಹಿಳೆಯರನ್ನು ತೋರಿಸುತ್ತಿದ್ದಾರೆ.

ಮೂಲ ಸುದ್ದಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ: ഭാര്യയ്‍ക്ക് അയ്യപ്പനെ കാണണം; വീഡിയോ കോളുണ്ടല്ലോ!

ಕರ್ನಾಟಕದ ಭಕ್ತರೊಬ್ಬರು ಶಬರಿಮಲೆ ಅಯ್ಯಪ್ಪ ದೇಗುಲವನ್ನು ವೀಡಿಯೋ ಕಾಲಿಂಗ್ ಮೂಲಕ ತೋರಿಸುತ್ತಿರುವ ಫೋಟೋಗಳನ್ನು ವಿಜಯ ಕರ್ನಾಟಕ ಸೋದರ ಪತ್ರಿಕೆ ಟೈಮ್ಸ್ ಆಫ್‌ ಇಂಡಿಯಾದ ಛಾಯಾಗ್ರಾಹಕ ಗೋಕುಲ್. ಇ ಹಲವು ಅದ್ಭುತ ಫೋಟೋಗಳನ್ನು ತೆಗೆದಿದ್ದಾರೆ.