ಆ್ಯಪ್ನಗರ

ರಾಮ ಮಂದಿರ ಭೂಮಿ ಪೂಜೆಗೆ ದಿನಗಣನೆ; ಭದ್ರಕೋಟೆಯಾದ ಅಯೋಧ್ಯೆ..! ನಗರದಾದ್ಯಂತ ಡ್ರೋನ್‌ ಕಣ್ಗಾವಲು

ಇಡೀ ದೇಶದ ಕಣ್ಣು ಈಗ ಪೌರಾಣಿಕ ನಗರ ಅಯೋಧ್ಯೆಯತ್ತ ಹೊರಳಿದೆ. ಕೊರೊನಾ ವೈರಸ್‌ ಆತಂಕ, ಉಗ್ರರ ದಾಳಿ ಭೀತಿ ನಡುವೆಯೇ ಆ.5ರಂದು ನೆರವೇರಲಿರುವ ಬಹು ನಿರೀಕ್ಷಿತ ರಾಮ ಮಂದಿರ ಭೂಮಿ ಪೂಜೆಗಾಗಿ ಅಯೋಧ್ಯೆ ವಧುವಿನಂತೆ ಸಜ್ಜಾಗುತ್ತಿದೆ. ಹೈ ಅಲರ್ಟ್‌ ಘೋಷಿಸಲಾಗಿದ್ದು, ಇಡೀ ನಗರ ಭದ್ರ ಕೋಟೆಯಾಗಿ ಮಾರ್ಪಟ್ಟಿದೆ.

Agencies 2 Aug 2020, 10:16 pm
ಲಖನೌ: ಇಡೀ ದೇಶದ ಕಣ್ಣು ಈಗ ಪೌರಾಣಿಕ ನಗರ ಅಯೋಧ್ಯೆಯತ್ತ ಹೊರಳಿದೆ. ಕೊರೊನಾ ವೈರಸ್‌ ಆತಂಕ, ಉಗ್ರರ ದಾಳಿ ಭೀತಿ ನಡುವೆಯೇ ಆ.5ರಂದು ನೆರವೇರಲಿರುವ ಬಹು ನಿರೀಕ್ಷಿತ ರಾಮ ಮಂದಿರ ಭೂಮಿ ಪೂಜೆಗಾಗಿ ಅಯೋಧ್ಯೆ ವಧುವಿನಂತೆ ಸಜ್ಜಾಗುತ್ತಿದೆ. ಪ್ರಧಾನಿ ಮೋದಿ ಸೇರಿದಂತೆ ಗಣ್ಯಾತಿಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಿರುವ ಹಿನ್ನೆಲೆಯಲ್ಲಿ ವಿಶೇಷ ಭದ್ರತೆ ಏರ್ಪಡಿಸಲಾಗಿದ್ದು, ಇಡೀ ನಗರ ಭದ್ರಕೋಟೆಯಂತಾಗಿದೆ.
Vijaya Karnataka Web drones restrictions on outsiders among security protocol ahead of ayodhya ram mandir bhoomi pujan
ರಾಮ ಮಂದಿರ ಭೂಮಿ ಪೂಜೆಗೆ ದಿನಗಣನೆ; ಭದ್ರಕೋಟೆಯಾದ ಅಯೋಧ್ಯೆ..! ನಗರದಾದ್ಯಂತ ಡ್ರೋನ್‌ ಕಣ್ಗಾವಲು


ಗಣ್ಯರು ಸಂಚರಿಸಲಿರುವ ಹಾದಿಯುದ್ದಕ್ಕೂ ಡ್ರೋನ್‌ ಮೂಲಕ ಕಣ್ಗಾವಲು ವ್ಯವಸ್ಥೆ ಮಾಡಲಾಗಿದೆ. ಜತೆಗೆ, ಇಡೀ ನಗರದಲ್ಲಿ ನಿಷೇಧಾಜ್ಞೆ ವಿಧಿಸಲಾಗಿದ್ದು, ಐದಕ್ಕಿಂತಲೂ ಹೆಚ್ಚು ಜನರ ಜಮಾವಣೆಗೆ ನಿರ್ಬಂಧ ಹೇರಲಾಗಿದೆ. ಜತೆಗೆ ಹೊರಗಿನಿಂದ ನಗರಕ್ಕೆ ಪ್ರವೇಶ ನಿಷೇಧಿಸಲಾಗಿದೆ. ಸ್ಥಳೀಯರಿಗೆ ಓಡಾಟಕ್ಕೆ ಪಾಸ್‌ ವಿತರಿಸಲಾಗಿದೆ. ಭದ್ರತೆ ಜತೆಗೆ ಕೊರೊನಾ ಸೋಂಕು ಮುಂಜಾಗೃತೆಗೂ ಸಮಾನ ಒತ್ತು ನೀಡಲಾಗಿದೆ ಎಂದು ಡಿಐಜಿ ದೀಪಕ್‌ ಕುಮಾರ್‌ ತಿಳಿಸಿದ್ದಾರೆ.

ಇನ್ನು, ಸಮಾರಂಭಕ್ಕೆ ಬಿಗಿಭದ್ರತೆ ಒದಗಿಸಲು ಉತ್ತರ ಪ್ರದೇಶ ಸರಕಾರ ಕೊರೊನಾ ವೈರಸ್‌ ನೆಗೆಟಿವ್‌ ದೃಢಪಟ್ಟ 3500 ಪೊಲೀಸರನ್ನು ನಿಯೋಜಿಸಿದೆ. ಸರ್ಪಗಾವಲಿಗೆ ಸನ್ನದ್ಧರಾದ 3500 ಪೊಲೀಸರೂ 45ಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದಾರೆ. ಅಯೋಧ್ಯೆಯ ಭದ್ರತಾ ವ್ಯವಸ್ಥೆಗಳ ಕಾರ್ಯವನ್ನು ಇವರು ನಿರ್ವಹಿಸಲಿದ್ದಾರೆ. ಗುಪ್ತಚರ ಇಲಾಖೆ ಉಗ್ರರ ದಾಳಿಯ ಮುನ್ಸೂಚನೆ ನೀಡಿರುವುದರಿಂದ ಯೋಗಿ ಸರಕಾರ ಅಯೋಧ್ಯೆಯಲ್ಲಿ ಭಾರೀ ಕಟ್ಟೆಚ್ಚರ ವಹಿಸಿದೆ.

ವಿಡಿಯೋ ಕಾನ್ಫರೆನ್ಸ್ ಮೂಲಕ ಭೂಮಿ ಪೂಜೆಯಲ್ಲಿ ಭಾಗವಹಿಸುತ್ತಾರಾ ಅಡ್ವಾಣಿ-ಜೋಶಿ?

ಅಯೋಧ್ಯೆಯಲ್ಲಿ ಅಸ್ತಿತ್ವದಲ್ಲಿರುವ ಪ್ರಾಂತೀಯ ಸಶಸ್ತ್ರ ಪೊಲೀಸ್‌ ಪಡೆಯ 20 ಕಂಪನಿಗಳೂ ಸೇರಿ ಒಟ್ಟು 40 ಕಂಪನಿಗಳು ರಕ್ಷಣೆಗೆ ಸಾಥ್‌ ನೀಡಲಿವೆ. ಎಡಿಜಿ (ಕಾನೂನು ಸುವ್ಯವಸ್ಥೆ) ಪ್ರಶಾಂತ್‌ ಕುಮಾರ್‌, ಎಡಿಜಿ ಲಕ್ನೋ ವಲಯ ಸತ್ಯನಾರಾಯಣ್‌ ಸಬತ್‌ ಭೂಮಿ ಪೂಜೆಗೆ ಮುಂಚಿತವಾಗಿ ಪೊಲೀಸ್‌ ಭದ್ರತಾ ವ್ಯವಸ್ಥೆಯನ್ನು ಮುನ್ನಡೆಸಲಿದ್ದಾರೆ. ಅಯೋಧ್ಯೆ ಎಸ್‌ಎಸ್‌ಪಿ ದೀಪಕ್‌ ಕುಮಾರ್‌ ಸೇರಿ 8 ವರಿಷ್ಠಾಧಿಕಾರಿಗಳು, ಇಬ್ಬರು ಡಿಐಜಿ ಮಟ್ಟದ ಅಧಿಕಾರಿಗಳ ತಂಡ ಭದ್ರತೆಯನ್ನು ನಿರ್ವಹಿಸಲಿದೆ.

ರಾಮಮಂದಿರ ಭೂಮಿ ಪೂಜೆ: ಅಡ್ವಾಣಿ, ಮುರಳಿ ಮನೋಹರ ಜೋಶಿ ಗೈರು?

ಸಿಎಂ ಭೇಟಿ ರದ್ದು: ಸಿದ್ಧತಾ ಪರಿಶೀಲನೆಗೆ ಸಿಎಂ ಯೋಗಿ ಆದಿತ್ಯನಾಥ್‌ ಭಾನುವಾರ ಅಯೋಧ್ಯೆಗೆ ಭೇಟಿ ನೀಡುವ ಕಾರ್ಯಕ್ರಮವಿತ್ತು. ಆದರೆ, ರಾಜ್ಯದ ಸಚಿವೆ ಕಮಲಾ ರಾಣಿ ವರುಣ್‌ ಅವರು ಕೊರೊನಾ ಸೋಂಕಿನಿಂದ ಮೃತಪಟ್ಟ ಹಿನ್ನೆಲೆಯಲ್ಲಿ ಸಿಎಂ ಕಾರ್ಯಕ್ರಮ ಕೊನೆ ಕ್ಷಣದಲ್ಲಿ ರದ್ದಾಯಿತು.

"ಮೂರು ವರ್ಷದಲ್ಲಿ ಮೂಲ ಯೋಜನೆಗಿಂತಲೂ ಭವ್ಯ ರಾಮ ಮಂದಿರ ನಿರ್ಮಾಣ": ವಾಸ್ತು ಶಿಲ್ಪಿ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ