ಜಮ್ಮು ಕಾಶ್ಮೀರದಲ್ಲಿ ಲಘು ಭೂಕಂಪ

ಜಮ್ಮು: ಜಮ್ಮು ಕಾಶ್ಮೀರದ ವಾಯವ್ಯ ಭಾಗದಲ್ಲಿ ಸೋಮವಾರ ಬೆಳಗ್ಗೆ ಲಘು ಭೂಕಂಪ ಸಂಭವಿಸಿದೆ.

ರಿಕ್ಟರ್‌ ಮಾಪನದಲ್ಲಿ ಕಂಪನದ ತೀವ್ರತೆ, 4.8 ರಷ್ಟು ದಾಖಲಾಗಿದೆ. ಬೆಳಗ್ಗೆ 8.14ಕ್ಕೆ ಭೂಮಿ ಕಂಪಿಸಿತು ಎಂದು ಭಾರತೀಯ ಹವಾಮಾನ ಇಲಾಖೆ ಮೂಲಗಳು ತಿಳಿಸಿವೆ.

ಜೀವ ಹಾನಿ ಅಥವಾ ಆಸ್ತಿ ಹಾನಿ ಆದ ಬಗ್ಗೆ ವರದಿ ಆಗಿಲ್ಲ ಎಂದು ಆಂಗ್ಲ ದೈನಿಕ ವರದಿ ಮಾಡಿದೆ.

ಭೂಕಂಪದ ನಂತರ ಶ್ರೀನಗರ ಹಾಗೂ ಕಣಿವೆಯ ಪೂಂಚ್‌ ವಲಯಕಿಶ್ಟವಾರ್‌ ಪ್ರದೇಶದಲ್ಲಿ ಜನ ಭಯಭೀತರಾಗಿ ಮನೆಗಳಿಂದ ಹೊರಗೆ ಓಡಿ ಬಂದಿದ್ದಾರೆ.

ತಜಿಕೀಸ್ತಾನ್‌ದ ಶುಗ್ನೂನ್‌ನಿಂದ 48 ಕಿ.ಮೀ. ದೂರದಲ್ಲಿ ಭೂಕಂಪ ಕೇಂದ್ರೀಕೃತವಾಗಿತ್ತು. ದೇಶದ ಹಿಮಾಲಯ ಪ್ರಾಂತ್ಯ ಸೇರಿದಂತೆ ನೇಪಾಳದಲ್ಲಿ ಕಳೆದೆರೆಡು ವರ್ಷಗಳಿಂದ ಭೂಕಂಪದ ಭೀತಿ ಆವರಿಸಿದೆ.