ಭಾರತದ ಹಲವೆಡೆ ಲಘು ಭೂಕಂಪ! ಎಲ್ಲೆಲ್ಲಿ?

ಹೊಸದಿಲ್ಲಿ: ಉತ್ತರ ಹಾಗೂ ಈಶಾನ್ಯ ಭಾರತದ ಹಲವೆಡೆ ಶುಕ್ರವಾರ ಭೂಮಿ ಕಂಪಿಸಿದ್ದು ಜನರಲ್ಲಿ ಆತಂಕ ಸೃಷ್ಟಿಯಾದ ಘಟನೆ ನಡೆದಿದೆ. ಲಡಾಖ್‌ನಲ್ಲಿ ರಾತ್ರಿ 8.15ರ ಸುಮಾರಿಗೆ ರಿಕ್ಟರ್‌ ಮಾಪಕದಲ್ಲಿ 4.5 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ರಾಷ್ಟ್ರೀಯ ಭೂಕಂಪ ಅಧ್ಯಯನ ಕೇಂದ್ರ ಹೇಳಿದೆ. ಕಾರ್ಗಿಲ್‌, ಕಾಶ್ಮೀರ ಕಣಿವೆ ಹಾಗೂ ಜಮ್ಮು ವಲಯದ ಕಿಶ್ತವಾರ್‌ ಮತ್ತು ದೋಹಾ ಜಿಲ್ಲೆಯಲ್ಲೂ ಭೂಮಿ ನಡುಗಿದೆ.

ಮೇಘಾಲಯದ ತುರಾದಲ್ಲಿ 3.3 ತೀವ್ರತೆಯ ಹಾಗೂ ಹರಿಯಾಣದ ರೋಹ್ಟಕ್‌ ಸಮೀಪ 2.8 ರಷ್ಟು ತೀವ್ರತೆಯಲ್ಲಿ ಭೂಕಂಪ ಸಂಭವಿಸಿದೆ. ಸಣ್ಣ ಪ್ರಮಾಣದಲ್ಲಿ ಕಂಪನ ಅನುಭವಕ್ಕೆ ಬರುತ್ತಿದ್ದಂತೆಯೇ ಜನರು ಭಯಭೀತರಾಗಿ ಮನೆ, ಕಚೇರಿಯಿಂದ ಹೊರಬಂದು ಆತಂಕದಿಂದ ದಿನ ಕಳೆದರು. ಉತ್ತರ ಭಾರತದ ದಿಲ್ಲಿ, ಗುಜರಾತ್‌, ನೊಯ್ಡಾ ಹಾಗೂ ಈಶಾನ್ಯ ಭಾರತದ ಮಿಜೋರಾಂನಲ್ಲಿ ಕೆಲವು ದಿನಗಳಿಂದ ಭೂಕಂಪ ಸಂಭವಿಸುತ್ತಿದೆ.

ಇನ್ನು ಇತ್ತೀಚೆಗೆ ಭಾರತದಲ್ಲಿ ಹಲವು ಲಘು ಭೂಕಂಪಗಳು ಸಂಭವಿಸಲಿದೆ ಎಂದು ಎಚ್ಚರಿಕೆ ಕೂಡ ನೀಡಲಾಗಿತ್ತು. ಅದರಂತೆ ಹಲವೆಡೆ ಭೂಮಿ ಕಂಪಿಸುವ ಅನುಭವಗಳು ಆಗುತ್ತಿದೆ. ದೆಹಲಿ ಅನೇಕ ಬಾರಿ ಲಘು ಭೂಕಂಪ ಸಂಭವಿಸಿದೆ.

ಕೊಲ್ಕತ್ತಾದಲ್ಲೊಂದು ಶಾಕಿಂಗ್ ಘಟನೆ: ಮದುವೆಯಾದ 30 ವರ್ಷದ ಅವಳು, ಅವಳಲ್ಲ!