ಫೇಸ್‌ಬುಕ್‌ ಮೂಲಕವೂ ಮತದಾರರ ನೋಂದಣಿ ಸಾಧ್ಯ!

ಹೊಸದಿಲ್ಲಿ: ದೇಶದಲ್ಲಿ ಇದೇ ಮೊದಲ ಬಾರಿಗೆ ಚುನಾವಣಾ ಆಯೋಗ ಹಾಗೂ ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ ಜತೆಗೂಡಿ 18ರ ಮೇಲ್ಪಟ್ಟು ಮೊದಲ ಬಾರಿಗೆ ಮತ ಚಲಾಯಿಸುವವರಿಗೆ ಫೇಸ್‌ಬುಕ್‌ ಮೂಲಕ ನೋಟಿಫಿಕೇಶ್‌ನ ನೀಡಲು ಚಿಂತನೆ ನಡೆಸಲಾಗಿದೆ.

ಚುನಾವಣಾ ಪ್ರಚಾರದ ಅಂಗವಾಗಿ 18 ವರ್ಷ ತುಂಬಿದ ಯುವಕ ಮತ್ತು ಯುವತಿಯರಿಗೆ ಮತದಾರರ ಪಟ್ಟಿಯಲ್ಲಿ ತಮ್ಮ ಹೆಸರು ನೋಂದಾಯಿಸುವಂತೆ ಫೇಸ್‌ಬುಕ್‌ ಮೂಲಕ ನೋಟಿಫಿಕೇಶ್‌ ಕಳುಹಿಸುವ ನೂತನ ತಂತ್ರಜ್ಞಾನವನ್ನು ಫೇಸ್‌ಬುಕ್‌ ಜತೆಗೂಡಿ ಆಯೋಗ ಒಪ್ಪಂದ ಮಾಡಿಕೊಂಡಿದೆ.

ಮಾಹಿತಿಗಳ ಪ್ರಕಾರ ನವೆಂಬರ್‌ 30ರೊಳಗೆ 18 ವರ್ಷಕ್ಕೆ ಕಾಲಿಟ್ಟ ಅಷ್ಟೂ ಯುವಕ/ಯುವತಿಯರಿಗೆ ಬರ್ತ್‌ಡೇ ನೋಟಿಫಿಕೇಶ್‌ನೊಂದಿಗೆ ಮತದಾನದ ಕುರಿತಾದ ನೋಟಿಫಿಕೇಶನ್‌ ಕೂಡಾ ಹೋಗುತ್ತದೆ. ಇಂಗ್ಲೀಷ್, ಹಿಂದಿ, ಕನ್ನಡ, ಪಂಜಾಬಿ, ಬೆಂಗಾಲಿ, ಗುಜರಾತಿ, ತಮಿಳು, ತೆಲುಗು, ಮಲಯಾಳಂ, ಉರ್ದು, ಅಸ್ಸಾಮಿ, ಮರಾಠಿ ಮತ್ತು ಓರಿಯಾ ಈ ನೋಟಿಫಿಕೇಶ್‌ ಸೆಂಡ್‌ ಆಗಲಿದ್ದು, ರಿಜಿಸ್ಟರ್‌ ನೌ ಎಂಬ ಬಟನ್‌ ಕೂಡಾ ಅಳವಡಿಸಲಾಗಿರುತ್ತದೆ.

'ರೆಜಿಸ್ಟರ್‌ ನೌ' ಬಟನ್‌ ಒತ್ತಿದರೆ ಅದು ನೇರವಾಗಿ ಚುನಾವಣಾ ಆಯೋಗದ ವೆಬ್‌ ಪೋರ್ಟಲ್‌ಗೆ ಸಂಪರ್ಕ ಕಲ್ಪಿಸುವ ವ್ಯವಸ್ಥೆ ಮಾಡಲಾಗಿದೆ ಎಂದು ಪ್ರಕಟಣೆಯಲ್ಲಿ ಹೇಳಲಾಗಿದೆ.