ಬೆಳಕಿಗಾಗಿ ರಾತ್ರಿಯಿಡಿ ಉಗ್ರ ಅಡಗಿರುವ ಮನೆಯ ಸುತ್ತ ಕಾವಲು ಕುಳಿತು, ಬೆಳಗ್ಗೆ ಜೈಷ್‌ ಉಗ್ರನ ಹತ್ಯೆ ಮಾಡಿದ ಸೇನೆ!

ಶ್ರೀನಗರ: ಬುಡ್ಗಾಮ್‌ನ ಮನೆಯೊಂದರಲ್ಲಿ ಅಡಗಿದ್ದ ಉಗ್ರನನ್ನು ಭದ್ರತಾ ಪಡೆಗಳು ಮಂಗಳವಾರ ಹತ್ಯೆಗೈದಿವೆ. ಚರಾರ್‌-ಇ-ಷರೀಫ್‌ ಪ್ರದೇಶದಲ್ಲಿ ಪಾಕಿಸ್ತಾನ ಪೋಷಿತ ಜೈಷೆ ಮೊಹಮ್ಮದ್‌ ಸಂಘಟನೆಯ ಉಗ್ರರು ಅಡಗಿರುವ ಮಾಹಿತಿ ಆಧರಿಸಿ ಭದ್ರತಾ ಪಡೆಗಳು ಸೋಮವಾರ ರಾತ್ರಿ ಶೋಧಕಾರ್ಯ ಆರಂಭಿಸಿದವು.

ಮನೆಯೊಂದರಲ್ಲಿ ಉಗ್ರರು ಅಡಗಿದ್ದ ಕಾರಣ ರಾತ್ರಿ ಕಾರ್ಯಾಚರಣೆ ನಿಲ್ಲಿಸಿದ ಭದ್ರತಾ ಪಡೆಗಳು, ಅಲ್ಲಿಯೇ ಕಾದಿದ್ದು ಮಂಗಳವಾರ ನಸುಕಿನಲ್ಲಿ ಕಾರ್ಯಾಚರಣೆ ಮುಂದುವರಿಸಿದವು. ಈ ಸಂದರ್ಭದಲ್ಲಿ ಯೋಧರ ಮೇಲೆ ಉಗ್ರ ಗುಂಡಿನ ದಾಳಿ ನಡೆಸಿದ. ಪ್ರತಿದಾಳಿ ನಡೆಸಿದ ಯೋಧರು ಆತನನ್ನು ಹತ್ಯೆಗೈದರು.

ಗುಂಡಿನ ಚಕಮಕಿ ವೇಳೆ ಒಬ್ಬ ಯೋಧ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಮೃತ ಉಗ್ರನಿಂದ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರವನ್ನು ಪಡೆಗಳು ವಶಕ್ಕೆ ಪಡೆದಿವೆ. ಉಗ್ರನ ಮೂಲ ನಿವಾಸದ ಬಗ್ಗೆ ಮಾಹಿತಿ ತಿಳಿದುಬಂದಿಲ್ಲ. ಆದರೆ ಆತನೊಂದಿಗೆ ಮತ್ತೊಬ್ಬ ಉಗ್ರನಿದ್ದು ರಾತ್ರಿ ವೇಳೆ ಅರಣ್ಯ ಪ್ರದೇಶದಲ್ಲಿ ಪರಾರಿಯಾಗಿದ್ದಾರೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ. ಜಮ್ಮು ಮತ್ತು ಕಾಶ್ಮೀರದಲ್ಲಿಈ ವರ್ಷ ಒಟ್ಟು 178 ಉಗ್ರರನ್ನು ಎನ್‌ಕೌಂಟರ್‌ನಲ್ಲಿ ಹತ್ಯೆಗೈಯಲಾಗಿದೆ.

'ನೀನು ತಾಲಿಬಾನಿ' ಎಂದು ಕರೆದು ಇಂಗ್ಲೆಂಡ್‌ನಲ್ಲಿ ಸಿಖ್‌ ಚಾಲಕನ ಮೇಲೆ ಹಲ್ಲೆ ನಡೆಸಿದ ದುಷ್ಕರ್ಮಿಗಳು!

ಚರಾರ್‌-ಇ-ಷರೀಫ್‌ ಪ್ರದೇಶದ ಸುತ್ತಲೂ ಭದ್ರತಾ ಪಡೆಗಳು ತಾತ್ಕಾಲಿಕ ಬೆಳಕಿನ ವ್ಯವಸ್ಥೆ ಕಲ್ಪಿಸಿದ್ದವು. ಕಣ್ತಪ್ಪಿಸಿ ಓಡಿದ ಮತ್ತೊಬ್ಬ ಉಗ್ರ ಸ್ಥಳೀಯ ನಿವಾಸದಲ್ಲಿ ಅಥವಾ ಕಾಡಿನ ಗುಹೆಗಳಲ್ಲಿಅಡಗಿರಬಹುದು ಎಂದು ಶಂಕಿಸಿರುವ ಯೋಧರು, ಶೋಧ ಕಾರ್ಯ ಮುಂದುವರಿಸಿದ್ದಾರೆ. ಮುನ್ನೆಚ್ಚರಿಕೆಯಾಗಿ ಒಂದು ಕಿ.ಮೀ ಸುತ್ತಲು ವಿಶೇಷ ಕಾರ್ಯಪಡೆ, ರಾಷ್ಟ್ರೀಯ ರೈಫಲ್ಸ್‌, ಜಮ್ಮು-ಕಾಶ್ಮೀರ ಪೊಲೀಸರ ಜಂಟಿ ಪಡೆಯನ್ನು ನಿಯೋಜಿಸಲಾಗಿದೆ.