ವೇತನ ಬಾಕಿ: ಮಲ್ಯ ವಿರುದ್ಧ ಏರ್‌ಲೈನ್ಸ್ ಸಿಬ್ಬಂದಿ ದೂರು

ಮುಂಬಯಿ: ಮದ್ಯ ದೊರೆ ವಿಜಯ್ ಮಲ್ಯ ಸುತ್ತ ಅನೇಕ ಸುರುಳಿಗಳು ಸುತ್ತಿಕೊಳ್ಳುತ್ತಿವೆ. ಮಲ್ಯ ವಿರುದ್ಧ ಸುಪ್ರೀಂ ಕೋರ್ಟ್‌ನಲ್ಲಿ ಕಿಂಗ್‌ಫಿಷರ್ ಏರ್‌ಲೈನ್ಸ್ ಹಾಗೂ ಮಾಲೀಕ ಮಲ್ಯ ವಿರುದ್ಧ ಪ್ರಕರಣವೊಂದು ದಾಖಲಾಗಿದ್ದು, ಸುಮಾರು 800 ಕೋಟಿ ರೂ. ವೇತನ ಬಾಕಿ ಇದೆ ಎಂದು ಕಂಪನಿಯ ಮಾಜಿ ಉದ್ಯೋಗಿಗಳು ಆರೋಪಿಸಿದ್ದಾರೆ.

ಏರ್‌ಲೈನ್ಸ್‌ಗೆ ಕಾರ್ಯನಿರ್ವಹಿಸುತ್ತಿದ್ದ ಸಿಬ್ಬಂದಿ ದಾಖಲೆಗಳನ್ನು ಕಲೆ ಹಾಕಿ, ದೂರು ದಾಖಲಿಸಿದ ಸಿಬ್ಬಂದಿ ಬುಧವಾರ ಕಿಂಗ್‌ಫಿಷರ್ ಹೌಸ್ ಹೊರಗಡೆ ಪ್ರತಿಭಟನೆ ನಡೆಸಿದ್ದರು.

ಆದರೆ, ಏರ್‌ಲೈನ್ಸ್ ಸಿಬ್ಬಂದಿಗೆ ಕೇವಲ 5000 ರೂ.ವೇತನ ಬಾಕಿ ಇದೆ ಎಂದು ಹೇಳುತ್ತಿದ್ದು, 'ಏರ್‌ಲೈನ್ಸ್ ಅಂತಿಮವಾಗಿ ಮುಚ್ಚುವವರೆಗೂ 18 ತಿಂಗಳ ವೇತನ ನೀಡಿಲ್ಲ,' ಎಂದು ಕಂಪನಿಯ ಮಾಜಿ ಉದ್ಯೋಗಿ ಅನಿರುದ್ಧ ಬಲ್ಲಾಳ್ ಹೇಳುತ್ತಾರೆ. ಏರ್‌ಲೈನ್ಸ್ ಮುಚ್ಚುವ ಮುನ್ನ ಕಂಪನಿಯಲ್ಲಿದ್ದ 5 ಸಾವಿರ ಉದ್ಯೋಗಿಗಳ ಸಂಖ್ಯೆಯನ್ನು 2 ಸಾವಿರಕ್ಕೆ ಇಳಿಸಲಾಗಿತ್ತು.

ಮಲ್ಯ ಅವರ ಕಿಂಗ್‌ಫಿಷರ್ ಕಂಪನಿ ಲಂಡನ್‌ ಉದ್ಯೋಗಿಗಳಿಗೆ ಕಾರ್ಮಿಕರ ಕಾನೂನು ಅನುಸರಿಸುತ್ತಿದ್ದು, ಆದರೆ, ಭಾರತೀಯ ಉದ್ಯೋಗಿಗಳಿಗೆ ಮಾತ್ರ ನಿರ್ಲಕ್ಷಿಸಲಾಗಿತ್ತು.