ಗನ್‌ ತೋರಿಸಿ ಅಬ್ಬರಿಸಿದ ಮಾಜಿ ಸಂಸದ ಪುತ್ರ ಶರಣಾಗತಿ

ಹೊಸದಿಲ್ಲಿ: ಮಹಿಳೆಯಯೊಬ್ಬರಿಗೆ ಹೋಟೆಲ್‌ ಮುಂದೆ ಗನ್‌ ತೋರಿಸಿ ಅಬ್ಬರಿಸಿದ ಬಿಎಸ್‌ಪಿಯ ಮಾಜಿ ಸಂಸದನ ಪುತ್ರ ಆಶೀಶ್‌ ಪಾಂಡೆ ಗುರುವಾರ ಬೆಳಗ್ಗೆ ಪೊಲೀಸರ ಸಮ್ಮುಖ ಶರಣಾಗಿದ್ದಾರೆ.

ಕೆಲವು ದಿನಗಳ ಹಿಂದೆ ಹೊಸದಿಲ್ಲಿಯ ಪಂಚತಾರಾ ಹೋಟೆಲ್‌ ಮುಂಭಾಗದಲ್ಲಿದ್ದ ಮಹಿಳೆಯನ್ನು ನಿಂದಿಸಿದ್ದ ಆಶೀಶ್‌ ಪಾಂಡೆ, ಗನ್‌ ತೋರಿಸಿ ಅಬ್ಬರಿಸಿದ್ದ ವೀಡಿಯೋ ವೈರಲ್‌ ಆಗಿತ್ತು.

ಇದಾದ ನಂತರ ತಲೆ ಮರೆಸಿಕೊಂಡಿದ್ದ ಆಶೀಶ್‌ ಪಾಂಡೆ ಉತ್ತರ ಪ್ರದೇಶದಲ್ಲಿ ಇರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ದೊರೆತಿತ್ತು.

ಬಹುಜನ ಸಮಾಜ ಪಕ್ಷದ ಮಾಜಿ ಸಂಸದ ರಾಕೇಶ್‌ ಪಾಂಡೆ ಪುತ್ರ ಆಶೀಶ್‌ ಪಾಂಡೆ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದರು.


ಇದರ ಬೆನ್ನಲ್ಲೇ ನ್ಯಾಯಾಲಯ ಆಶೀಶ್‌ ಪಾಂಡೆ ವಿರುದ್ಧ ಜಾಮೀನು ರಹಿತ ವಾರಂಟ್‌ ಜಾರಿ ಮಾಡಿತ್ತು.

ಪೊಲೀಸರು ತನಿಖೆ ಆರಂಭಿಸಿದ ಬೆನ್ನಲ್ಲೇ ಪ್ರತಿಕ್ರಿಯೆ ನೀಡಿದ್ದು ಮಾಜಿ ಸಂಸದ ರಾಕೇಶ್‌, ಪುತ್ರ ಆಶೀಶ್‌ ಪಾಂಡೆ ನ್ಯಾಯಾಲಯದ ಮುಂದೆ ಶರಣಾಗಲಿದ್ದಾರೆ ಎಂದು ಸ್ಪಷ್ಟಪಡಿಸಿದ್ದರು.

ಅದರಂತೆ ಆಶೀಶ್‌ ಪಾಂಡೆ ನ್ಯಾಯಾಲಯದ ಮುಂದೆ ಶರಣಾಗಿದ್ದಾರೆ.