ನಕಲಿ ಫೇಸ್‌ಬುಕ್‌ ಖಾತೆ ವಿರುದ್ಧ ದೂರು ನೀಡಿದ ಅಮಿರ್‌ಖಾನ್‌ ಪತ್ನಿ

ಮುಂಬಯಿ: ಅಪರಿಚಿತ ವ್ಯಕ್ತಿಯೊಬ್ಬ ತನ್ನ ಹೆಸರಿನಲ್ಲಿ ನಕಲಿ ಫೇಸ್‌ಬುಕ್‌ ಖಾತೆ ಸೃಷ್ಟಿಸಿ ಮಾನ ಕಳೆಯುತ್ತಿದ್ದಾನೆ ಎಂದು ಚಿತ್ರ ನಿರ್ದೇಶಕಿ, ಸೂಪರ್‌ಸ್ಟಾರ್‌ ಅಮೀರ್‌ ಖಾನ್‌ ಪತ್ನಿ ಕಿರಣ್‌ ರಾವ್‌ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್‌ನಲ್ಲಿರುವ ಸೈಬರ್‌ ಕ್ರೈಮ್‌ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಕಲಿ ಖಾತೆ ತೆರೆದಿರುವ ವ್ಯಕ್ತಿ ನನ್ನ ಪೋಟೋವನ್ನು ಫೇಸ್‌ಬುಕ್‌ನಲ್ಲಿ ಅಪ್‌ಲೋಡ್‌ ಮಾಡುವುದರ ಜೊತೆಗೆ, ನನ್ನ ಸ್ನೇಹಿತರ ಹಾಗೂ ಕುಟುಂಬದವರ ಜತೆ ಛದ್ಮವೇಷಧಾರಿಯಾಗಿ ಚಾಟ್‌ ಕೂಡಾ ಮಾಡುತ್ತಿದ್ದಾನೆ ಎಂದು ಕಿರಣ್‌ ಆರೋಪಿಸಿದ್ದಾರೆ.