ಅಸ್ಸಾಂನಲ್ಲಿ ಮತ್ತೆ ಪೌರತ್ವ ಸಂಘರ್ಷ

ಗುವಾಹಟಿ: ಭಾರಿ ಕುತೂಹಲಕ್ಕೆ ಕಾರಣವಾಗಿದ್ದ ಅಸ್ಸಾಂನ ರಾಷ್ಟ್ರೀಯ ಪೌರತ್ವ ನೋಂದಣಿ(ಎನ್‌ಆರ್‌ಸಿ) ಪರಿಷ್ಕೃತ ಪಟ್ಟಿ ಶನಿವಾರ ಪ್ರಕಟಗೊಂಡಿದೆ. 19 ಲಕ್ಷಕ್ಕೂ ಅಧಿಕ ಮಂದಿ ಇನ್ನೂ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಲು ವಿಫಲರಾಗಿದ್ದು ಅತಂತ್ರ ಸ್ಥಿತಿಯನ್ನು ಅನುಭವಿಸುತ್ತಿದ್ದಾರೆ.

2018ರಲ್ಲಿ ಪ್ರಕಟವಾದ ಎರಡು ಪ್ರತ್ಯೇಕ ಪಟ್ಟಿಯಲ್ಲಿ ಒಟ್ಟು 41 ಲಕ್ಷ ಮಂದಿಯನ್ನು ಹೊರಗಿಡಲಾಗಿತ್ತು. ಪರಿಷ್ಕೃತ ಪಟ್ಟಿಯಲ್ಲಿ ಅರ್ಧಕ್ಕಿಂತಲೂ ಅಧಿಕ ಮಂದಿ ಒಳಪ್ರವೇಶಿಸಿದ್ದಾರೆ. ಹಾಗಂತ, ಇನ್ನೂ ಹಲವಾರು ನೈಜ ಭಾರತೀಯರನ್ನು ಪಟ್ಟಿಯಿಂದ ಹೊರಗುಳಿಸಲಾಗಿದೆ ಎಂಬ ಆರೋಪ ಕೇಳಿಬರುತ್ತಿದೆ. ಆಡಳಿತಾರೂಢ ಬಿಜೆಪಿ ನಾಯಕರೂ ಈ ಪಟ್ಟಿ ವಿರುದ್ಧ ಧ್ವನಿ ಎತ್ತಿದ್ದು, ಸೂಕ್ತ ನ್ಯಾಯಕ್ಕಾಗಿ ಮತ್ತೊಮ್ಮೆ ಸುಪ್ರೀಂಕೋರ್ಟ್‌ ಮೊರೆ ಹೋಗುವ ಸಾಧ್ಯತೆಗಳಿವೆ.

3,30,27,661
ಎನ್ನಾರ್ಸಿ ಸೇರ್ಪಡೆಗೆ ಅರ್ಜಿ

3,11,21,004
ಪಟ್ಟಿಯಲ್ಲಿ ಸೇರಿದವರು

19,06,657
ಪಟ್ಟಿಯಿಂದ ಹೊರಗುಳಿದವರು

ಮುಂದೇನು?
- ಅಸ್ಸಾಂನಲ್ಲೇ ಇರುವ ವಿದೇಶಿ ನ್ಯಾಯಮಂಡಳಿಗೆ ಮನವಿ ಮಾಡಬಹುದು.
- ಅರ್ಜಿ ಸಲ್ಲಿಸಲು 120 ದಿನಗಳ ಕಾಲಾವಕಾಶ
- ತಕ್ಷಣ ಬಂಧನದ ಕ್ರಮ ಇಲ್ಲ: ಅಸ್ಸಾಂ ಸರಕಾರ ಸ್ಪಷ್ಟನೆ
- ಎಲ್ಲ ವಿಧದ ಪರಿಷ್ಕರಣೆ ಮುಗಿದು ಉಳಿದವರನ್ನು ಅಕ್ರಮ ವಿದೇಶಿ ವಲಸಿಗರೆಂದು ಪರಿಗಣಿಸಿ ಬಂಧನ.

ಆರೋಪಗಳೇನು?
- ಬಾಂಗ್ಲಾ ಅಕ್ರಮ ವಲಸಿಗರಿಗೆ ಪಟ್ಟಿಯಲ್ಲಿ ಸ್ಥಾನ ಸಿಕ್ಕಿದೆ, ಪ್ರಾಮಾಣಿಕ ಸ್ಥಳೀಯರನ್ನು ಬಿಡಲಾಗಿದೆ.
- 1971ರಲ್ಲಿ ಬಾಂಗ್ಲಾದಿಂದ ನಿರಾಶ್ರಿತರಾಗಿ ಬಂದವರ ಪ್ರಮಾಣಪತ್ರವನ್ನೂ ಅಧಿಕಾರಿಗಳು ಒಪ್ಪಿಲ್ಲ.

ಪಟ್ಟಿಯ ಅಪಸವ್ಯಗಳು
- ಕಾರ್ಗಿಲ್‌ ಯೋಧನೂ ಪಟ್ಟಿಯಿಂದ ಔಟ್‌
- ಹಲವು ಹಾಲಿ, ಮಾಜಿ ಶಾಸಕರಿಗೂ ಸಿಕ್ಕಿಲ್ಲ ಸ್ಥಾನ
- ಒಂದೇ ದಾಖಲೆ: ಅಕ್ಕ ಔಟ್‌, ತಂಗಿ ಇನ್‌!


ರಾಷ್ಟ್ರವ್ಯಾಪಿ ಎನ್ನಾರ್ಸಿಗೆ ಆಗ್ರಹ:00