ರನ್‌ವೇಯಿಂದ ಜಾರಿದ ಏರಿಂಡಿಯಾ ವಿಮಾನ: ಪ್ರಯಾಣಿಕರು ಸುರಕ್ಷಿತ

ಪುಣೆ/ಹೊಸದಿಲ್ಲಿ: ಏರಿಂಡಿಯಾದ ದಿಲ್ಲಿ-ಪುಣೆ ವಿಮಾನ ಎಐ 849 ಪುಣೆ ವಿಮಾನ ನಿಲ್ದಾಣದಲ್ಲಿ ಇಳಿಯುವ ವೇಳೆ ರನ್‌ವೇಯಿಂದ ಜಾರಿದ ಘಟನೆ ಶುಕ್ರವಾರ ಸಂಜೆ 6:50ರ ವೇಳೆಗೆ ನಡೆದಿದೆ.

ವಿಮಾನದಲ್ಲಿ 152 ಪ್ರಯಾಣಿಕರಿದ್ದರು. ಎಲ್ಲರೂ ಸುರಕ್ಷಿತವಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ವಿಮಾನ ನಿಲುಗಡೆಯಾದ ಬಳಿಕ ತುರ್ತು ತೆರವು ಕಾರ್ಯಾಚರಣೆ ನಡೆಸಲಾಯಿತು.

'ವಿಮಾನ ರನ್‌ವೇಯಿಂದ ಜಾರಿ ಹೊರಕ್ಕೆ ಹೋಗಿದೆ. ವಿಮಾನ ನಿಲುಗಡೆಯಾದ ಬಳಿಕ ಎಲ್ಲರನ್ನೂ ಸುರಕ್ಷಿತವಾಗಿ ಕೆಳಗಿಳಿಸಲಾಯಿತು. ಯಾರಿಗೂ ಗಾಯಗಳಾಗಿಲ್ಲ' ಎಂದು ಏರಿಂಡಿಯಾ ಅಧಿಕಾರಿ ತಿಳಿಸಿದರು.

ಘಟನೆ ಬಳಿಕ ರನ್‌ವೇ ಮುಚ್ಚಲಾಗಿದ್ದು, ಹಲವು ವಿಮಾನಗಳ ಹಾರಾಟ ವಿಳಂಬವಾಗಿದೆ.

Flight from Delhi overshoots runway while landing at Pune airport; all passengers safe

PUNE/NEW DELHI: An Air India Delhi-Pune flight AI 849 overshot the runway while landing at Pune airport on Friday evening. The incident took place at around 6.50 pm.