ದಿಲ್ಲಿಯಲ್ಲಿ ನೀರು ವಿದ್ಯುತ್‌ ಮಾತ್ರ ಫ್ರೀ ಅಲ್ಲ, ಆರಂಭವಾಗಲಿದೆ ಉಚಿತ ವೈಫೈ ಸೇವೆ!

ಹೊಸದಿಲ್ಲಿ: ರಾಷ್ಟ್ರ ರಾಜಧಾನಿಯಲ್ಲಿ ಇನ್ನು ಫ್ರೀ ವೈಫೈ ಸ್ಪಾಟ್‌ಗಳನ್ನು ಆರಂಭಿಸಲಿದೆ. ದಿಲ್ಲಿಯ ಆವರಣದಲ್ಲಿ ಉಚಿತ ವೈಫೈ ಸೇವೆಯನ್ನು ಡಿ. 16 ರಿಂದ ಆರಂಭಗೊಳ್ಳಲಿದೆ.

ಸುದ್ದಿಗಾರರೊಂದಿಗೆ ಬುಧವಾರ ಮಾತನಾಡಿದ ಸಿಎಂ ಅರವಿಂದ್‌ ಕೇಜ್ರಿವಾಲ್‌,2015ರ ಎಎಪಿಯ 70 ಅಂಶಗಳ ಚುನಾವಣಾ ಪ್ರಣಾಳಿಕೆಯಲ್ಲಿ ಉಚಿತ ವೈಫೈ ಸೇವೆ ಒದಗಿಸುವುದು ಪ್ರಮುಖ ಅಂಶಗಳ ಪಟ್ಟಿಯಲ್ಲಿತ್ತು ಎಂದು ಹೇಳಿದ್ದಾರೆ.

ಪ್ರತಿ ಬಳಕೆದಾರರಿಗೆ ಪ್ರತಿ ದಿನಕ್ಕೆ 1.5ಜಿಬಿ ಇಂಟರ್ನೆಟ್‌ ಹಾಗೂ ಮಾಸಿಕ 15 ಜಿಬಿ ವೈಫೈ ಬಳಕೆಗೆ ಅವಕಾಶವಿರಲಿದೆ. 100-150 mbps ಇಂಟರ್ನೆಟ್‌ ಸ್ಪೀಡ್‌ ಹೊಂದಿರಲಿದೆ. ಅಂತೆಯೇ ಜನಸಂದಣಿ ಪ್ರದೇಶಗಳಲ್ಲಿ 200 mbps ವರೆಗೆ ಇಂಟರ್ನೆಟ್‌ ಸ್ಪೀಡ್‌ನಲ್ಲಿ ಬಳಕೆ ಮಾಡಬಹುದಾಗಿದೆ ಎಂದು ಕೇಜ್ರಿವಾಲ್‌ ತಿಳಿಸಿದರು.

ಅಕ್ರಮ ವಲಸಿಗರ ವಿರುದ್ಧ ಸಮರ! ರಾಜ್ಯಗಳಿಗೂ ಪವರ್ ಕೊಟ್ಟಿದೆ ಕೇಂದ್ರ: ರಾಜೀವ್ ಚಂದ್ರಶೇಖರ್ ಪ್ರಶ್ನೆಗೆ ಉತ್ತರ

ಈ ಯೋಜನೆ ಅನುಷ್ಟಾನದ ಮೂಲಕ, ಆಮ್‌ ಆದ್ಮಿ ಪಾರ್ಟಿ ಜನರಿಗೆ ನೀಡಿದ ಎಲ್ಲ ಆಶ್ವಾಸನೆಗಳನ್ನು ಈಡೇರಿಸಿದಂತಾಗಿದೆ.
ಒಟ್ಟಾರೆ ದಿಲ್ಲಿಯ 100 ಭಾಗಗಳಲ್ಲಿ ಉಚಿತ ವೈಫೈ ಜೋನ್‌ ಕಾರ್ಯಾರಂಭಗೊಳ್ಳಲಿದೆ. ಪ್ರತಿ ವಾರವೂ 300 ಹಾಟ್‌ಸ್ಪಾಟ್‌ ಪ್ರದೇಶಗಳು ಸೇರಿಕೊಳ್ಳುತ್ತವೆ. ಮುಂದಿನ ಆರು ತಿಂಗಳಲ್ಲಿ ಅಂದರೆ ಮೊದಲ ಹಂತದಲ್ಲಿ 11,000 ಹಾಟ್‌ ಸ್ಪಾಟ್‌ಗಳನ್ನು ಒದಗಿಸಲಾಗುವುದು. ಇವುಗಳಲ್ಲಿ 4 ಸಾವಿರ ವೈಫೈ ಹಾಟ್‌ ಸ್ಪಾಟ್‌ ಝೋನ್‌ಗಳು ಬಸ್‌ ನಿಲ್ದಾಣಗಳಾಗಿರಲಿದೆ. ಉಳಿದವು ಮಾರುಕಟ್ಟೆ, ಕಾಲೊನಿಗಳಲ್ಲಿರಲಿವೆ ಎಂದು ಕೇಜ್ರಿವಾಲ್‌ ವಿವರಿಸಿದ್ದಾರೆ.

ಹೊಗೆ ಗೂಡಾದ ದಿಲ್ಲಿಯಲ್ಲಿ 'ಸಾರ್ವಜನಿಕ ಆರೋಗ್ಯ ತುರ್ತು
ಒಂದು ವಿಧಾನಸಭಾ ಕ್ಷೇತ್ರಗಳಲ್ಲಿ 100 ಹಾಟ್‌ ಸ್ಪಾಟ್‌ಗಳನ್ನು ಆರಂಭಿಸಲಾಗುತ್ತದೆ. ಸುಮಾರು 98 ಕೋಟಿ ರೂ. ಯೋಜನೆ ಇದಾಗಿದೆ. ಖಾಸಗಿ ಸಹಭಾಗಿತ್ವದೊಂದಿಗೆ ಸರಕಾರ ಯೋಜನೆ ರೂಪಿಸಿದ್ದು, ಪ್ರತಿ ತಿಂಗಳು ಸರಕಾರ, ಸಂಸ್ಥೆಯೊಂದಕ್ಕೆ ಮಾಸಿಕ ಬಾಡಿಗೆ ಕಟ್ಟಲಿದೆ. ಮುಂದಿನ ದಿನದಲ್ಲಿ ವೈಫೈ ನೆಟ್‌ವರ್ಕ್‌ಗೆ ಎಲ್ಲ ಸಿಸಿಟಿವಿಯನ್ನೂ ಜೋಡಿಸುವ ಕಾರ್ಯವೂ ನಡೆಯಲಿದೆ ಎಂದು ಹೇಳಿದರು.