ಮಾನವ ತ್ಯಾಜ್ಯದಿಂದ ಇಂಧನ, ಗೊಬ್ಬರ!

ವಾಷಿಂಗ್ಟನ್‌: ಜಗತ್ತಿನ ಮಾಲಿನ್ಯಕಾರಕಗಳಲ್ಲಿ ಪ್ರಮುಖವಾಗಿರುವ ಮಾನವ ದೇಹದ ತ್ಯಾಜ್ಯವನ್ನೂ ಇಂಧನವಾಗಿ, ಗೊಬ್ಬರವಾಗಿ ಬಳಸುವ ಬಗ್ಗೆ ಸಂಶೋಧನೆಯೊಂದು ನಡೆದಿದೆ.
ಇಸ್ರೇಲ್‌ನ ನೆಗೆವ್‌ನಲ್ಲಿರುವ ಬೆನ್‌-ಗುರಿಯಾನ್‌ ವಿವಿಯ ಸಂಶೋಧಕರು ತ್ಯಾಜ್ಯವನ್ನು ಸುರಕ್ಷಿತ, ಮರುಬಳಸಬಹುದಾದ ಇಂಧನವಾಗಿ ಮತ್ತು ಪೋಷಕಾಂಶಯುಕ್ತ ಗೊಬ್ಬರವಾಗಿ ಬಳಸುವ ಹೊಸ ತಂತ್ರಜ್ಞಾನವನ್ನು ಕಂಡುಕೊಂಡಿದ್ದಾರೆ.ಈ ಸಂಶೋಧನೆಯು ಜಗತ್ತು ಎದುರಿಸುತ್ತಿರುವ ಎರಡು ಪ್ರಮುಖ ಸಮಸ್ಯೆಗಳಿಗೆ ಸಣ್ಣ ಪರಿಹಾರವನ್ನು ಒದಗಿಸಲಿದೆ. ಜಗತ್ತಿಗೆ ಸವಾಲಾಗಿರುವ ಅನೈರ್ಮಲ್ಯ ಒಂದಾದರೆ ಹೆಚ್ಚುತ್ತಿರುವ ಇಂಧನ ಬೇಡಿಕೆ ಎರಡನೆಯದು.
ತ್ಯಾಜ್ಯವನ್ನು ಹೈಡ್ರೋಥರ್ಮಲ್‌ ಕಾರ್ಬನೈಸೇಷನ್‌ ಎಂಬ ಪ್ರಕ್ರಿಯೆಗೆ ಒಳಪಡಿಸಲಾಗುತ್ತದೆ. ಅಂದರೆ, ಅತ್ಯಂತ ಹೆಚ್ಚಿನ ಒತ್ತಡದಲ್ಲಿ ಇದನ್ನು ಕಾಯಿಸಲಾಗುತ್ತದೆ. ಆಗ ತ್ಯಾಜ್ಯವು ಹೈಡ್ರೋಚಾರ್‌ ಎಂಬ ಸುರಕ್ಷಿತ, ಮರುಬಳಸಬಹುದಾದ ಕಲ್ಲಿದ್ದಲು ಮಾದರಿಯ ಇಂಧನವಾಗಿ ಪರಿವರ್ತನೆಯಾಗುತ್ತದೆ.

ಏನು ಮಾಡುತ್ತಾರೆ?
ತ್ಯಾಜ್ಯವನ್ನು ಹೈಡ್ರೋಥರ್ಮಲ್ ಕಾರ್ಬನೈಸೇಷನ್ ಎಂಬ ಪ್ರಕ್ರಿಯೆಗೆ ಒಳಪಡಿಸಲಾಗುತ್ತದೆ. ಅಂದರೆ, ಅತ್ಯಂತ ಹೆಚ್ಚಿನ ಒತ್ತಡದಲ್ಲಿ ಇದನ್ನು ಕಾಯಿಸಲಾಗುತ್ತದೆ. ಆಗ ತ್ಯಾಜ್ಯವು ಹೈಡ್ರೋಚಾರ್ ಎಂಬ ಸುರಕ್ಷಿತ, ಮರುಬಳಸಬಹುದಾದ ಕಲ್ಲಿದ್ದಲು ಮಾದರಿಯ ಇಂಧನವಾಗಿ ಪರಿವರ್ತನೆಯಾಗುತ್ತದೆ.

ಪೋಷಕಾಂಶಗಳ ಆಗರ
ಮಾನವ ಮಲವನ್ನು ಅತ್ಯಂತ ಅಪಾಯಕಾರಿ ಎಂದು ಪರಿಗಣಿಸುವುದು ಸ್ವಾಭಾವಿಕ. ಅದರಲ್ಲಿರುವ ಸೂಕ್ಷ್ಮಾಣುಜೀವಿಗಳಿಂದ ರೋಗಗಳು ಹರಡುತ್ತವೆ. ಆದರೆ, ಅದೇ ಹೊತ್ತಿಗೆ ಅದರಲ್ಲಿ ಸಾಕಷ್ಟು ಪೋಷಕಾಂಶಗಳೂ ಇವೆ ಎನ್ನುತ್ತಾರೆ ಸಂಶೋಧನೆಯ ನೇತೃತ್ವ ವಹಿಸಿದ ಪ್ರೊ. ಅಮಿತ್ ಗ್ರೋಸ್. ಮಾನವ ತ್ಯಾಜ್ಯವು ಸಾರಜನಕ, ರಂಜಕ ಮತ್ತು ಪೊಟ್ಯಾಶಿಯಂನ್ನು ಯಥೇಚ್ಛವಾಗಿ ಹೊಂದಿದೆ. ಆದರೆ, ಅದರಲ್ಲಿರುವ ಕೆಲವು ಮಾಲಿನ್ಯಕಾರಕಗಳು ಸಮಸ್ಯೆ ಉಂಟು ಮಾಡುತ್ತವೆ ಎನ್ನುತ್ತಾರೆ ಅವರು.