ಇಂಧನ ದರದಲ್ಲಿ ತುಸು ಇಳಿಕೆ

ಹೊಸದಿಲ್ಲಿ: ಪೆಟ್ರೋಲ್‌ ಹಾಗೂ ಡೀಸಲ್‌ ದರದಲ್ಲಿ ಮತ್ತೆ ತುಸು ಇಳಿಕೆಯಾಗಿದೆ.

ಇಂಧನ ದರದಲ್ಲಿ ಬುಧವಾರ 1 ಪೈಸೆ ಕಡಿಮೆಯಾದರೆ, ಗುರುವಾರ ಪ್ರತಿ ಲೀಟರ್‌ ಪೆಟ್ರೋಲ್‌ಗೆ 7 ಪೈಸೆ ಹಾಗೂ ಡೀಸಲ್‌ಗೆ 5 ಪೈಸೆ ಇಳಿಕೆಯಾಗಿದೆ.

ಕಳೆದ 16 ದಿನದಿಂದ ಸರಾಸರಿ ಪ್ರತಿ ದಿನ 15 ಪೈಸೆಯಂತೆ ಏರಿಕೆಯಾಗಿದ್ದರೆ, ಇದೀಗ ನಿಧಾನ ಗತಿಯ ಇಳಿಕೆ ಕಂಡಿದೆ. ರಾಜ್ಯವಾರು ಇಂಧನ ದರದಲ್ಲಿ ವ್ಯತ್ಯಾಸಗಳಿದ್ದು, ಆಯಾ ರಾಜ್ಯಗಳ ತೆರಿಗೆ ಆಧರಿಸಿ ನಿಗದಿಯಾಗಿದೆ.

ಬೆಂಗಳೂರಿನಲ್ಲಿ ಪ್ರತಿ ಲೀಟರ್‌ ಪೆಟ್ರೋಲ್‌ಗೆ 79.63ರೂ. ಹಾಗೂ ಡೀಸಲ್‌ಗೆ 70.44 ದಾಖಲಾಗಿದೆ. ಬುಧವಾರ ಪೆಟ್ರೋಲ್‌ದರ 76.69 ರೂ. ಹಾಗೂ ಡೀಸೆಲ್‌ ದರ 70.49 ದಾಖಲಾಗಿತ್ತು. ಮೇ 14ರ ಬಳಿಕ ಪೆಟ್ರೋಲ್‌ ದರ ಪ್ರತಿ ಲೀಟರ್‌ಗೆ 3.8 ರೂ. ಹಾಗೂ ಡೀಸಲ್‌ಗೆ 3.38 ರೂ. ನಷ್ಟು ಏರಿಕೆಯಾಗಿದೆ.