ಮನುಷ್ಯನಿಗಷ್ಟೇ ಅಲ್ಲ, ದೇವರಿಗೂ ಸೆಖೆಯಂತೆ; ಮಾಡಲಾಗಿದೆ ಕೂಲರ್, ಫ್ಯಾನ್ ವ್ಯವಸ್ಥೆ

ಹೊಸದಿಲ್ಲಿ: ಇದು ಮೇ ತಿಂಗಳು. ದೇಶಾದ್ಯಂತ ತೀವ್ರ ಸೆಖೆಯ ವಾತಾವರಣವಿದೆ. ಕೆಲವೆಡೆ ಉಷ್ಣಾಂಶ 40-45ರ ಆಸುಪಾಸು ಏರಿದೆ. ಸಹಿಸಲಾಗದ ಉಷ್ಣತೆಯಲ್ಲಿ ನಾವು ನೀವು ಬೇಯುವುದು ಸಹಜ. ಹೀಗಾಗಿ ಮನೆ ಮನೆಗಳಲ್ಲಿ ಫ್ಯಾನ್, ಕೂಲರ್ ಬಳಕೆಯೂ ಹೆಚ್ಚಾಗಿದೆ. ಆದರೆ ದೇವರಿಗೂ ಈ ಸೆಖೆ ಸಹಿಸಲಾಗುತ್ತಿಲ್ಲ ಎಂದರೆ ನಂಬುತ್ತೀರ?


ಹೌದು, ಉತ್ತರ ಪ್ರದೇಶದ ಕಾನ್ಪುರದ ಮಂದಿರವೊಂದರಲ್ಲಿ ದೇವರಿಗೂ ಸೆಖೆಯಾಗುತ್ತಿದೆಯಂತೆ. ಹೀಗೆಂದು ಹೇಳುತ್ತಿರುವುದು ನಾವಲ್ಲ. ಆ ದೇವಸ್ಥಾನದ ಪೂಜಾರಿ ಹೇಳುವ ಮಾತಿದು. ಹೀಗಾಗಿ ಅವರು ದೇವಸ್ಥಾನದ ಮೂರ್ತಿಗಳ ಮೇಲೆ ಫ್ಯಾನ್ ಮತ್ತು ಎದುರುಗಡೆ ಕೂಲರ್ ಅಳಡಿಸಿದ್ದಾರೆ.

ಸಿದ್ಧಿ ವಿನಾಯಕ ದೇವಸ್ಥಾನದ ಪೂಜಾರಿ ಸುರ್ಜಿತ್ ಕುಮಾರ್ ದುಬೆ ಹೇಳುವ ಪ್ರಕಾರ ದೇವರಿಗೂ ಸೆಖೆಯಾಗುತ್ತದೆ. ಅವರು ಕೂಡ ನಮ್ಮ ಹಾಗೆ. ಹೀಗಾಗಿ ಕೂಲರ್, ಫ್ಯಾನ್ ವ್ಯವಸ್ಥೆ ಮಾಡಿದ್ದೇವೆ. ಸೆಖೆಯ ಬಾಧೆ ಸಹಿಸಿಕೊಳ್ಳಲು ಅನುಕೂಲವಾಗುವಂತೆ ತೆಳ್ಳಗಿನ ಉಡುಪು ತೊಡಿಸಲಾಗಿದೆ ಎಂದವರು ಹೇಳುತ್ತಾರೆ.

ಕಳೆದ ವರ್ಷವೂ ಕೂಡ ಬೇಸಿಗೆಯಲ್ಲಿ ಈ ದೇವಸ್ಥಾನದಲ್ಲಿ ಎಸಿ, ಕೂಲರ್ ಅಳವಡಿಸಲಾಗಿತ್ತು.