ಬರಲಿದೆ ಕೇಂದ್ರ ಸರಕಾರದ ಹೊಸ ಪ್ರಸ್ತಾಪ; ಇನ್ಮುಂದೆ ಕಾರ್ಮಿಕರ ಕೆಲಸ 8ರ ಬದಲು 9 ಗಂಟೆ?

ಹೊಸದಿಲ್ಲಿ: ಕೇಂದ್ರದ ಪ್ರಸ್ತಾವನೆ ಜಾರಿಗೊಂಡರೆ ಇನ್ನು ಕಾರ್ಮಿಕರ 8 ಗಂಟೆ ಬದಲು 9 ಗಂಟೆ ಕೆಲಸ ಮಾಡಬೇಕಾಗುತ್ತದೆ. ಬೆಳಗ್ಗೆ 9 ರಿಂದ ಸಂಜೆ 5 ಗಂಟೆವರೆಗಿನ ಕೆಲಸದ ಅವಧಿ 6 ಗಂಟೆವರೆಗೆ ವಿಸ್ತರಣೆಯಾಗಲಿದೆ!

ಕೇಂದ್ರ ಸರಕಾರ ಪ್ರಕಟಿಡಿಸುವ ವೇತನ ನಿಯಮಾವಳಿಯ ಕರಡು ವರದಿಯಲ್ಲಿ ಈ ವಿಚಾರವನ್ನು ಪ್ರಸ್ತಾಪಿಸಲಾಗಿದೆ. ಆದರೆ, ಬಹು ಚರ್ಚೆಯಲ್ಲಿರುವ ಕನಿಷ್ಠ ವೇತನದ ವಿಷಯವನ್ನು ಇಲ್ಲಿ ಉಲ್ಲೇಖಿಸಲಾಗಿಲ್ಲ. ಭವಿಷ್ಯದಲ್ಲಿ ವೇತನ ನಿಗದಿ ಮಾಡುವಾಗ ಮೂರು ಭೌಗೋಳಿಕ ವರ್ಗೀಕರಣವನ್ನು ಪರಿಗಣಿಸಬೇಕು ಎಂಬುದನ್ನು ಹೊರತುಪಡಿಸಿದರೆ ಉಳಿದುದೆಲ್ಲವೂ ಹಳೆ ವಿಚಾರಗಳೆ.

ಆಕ್ಷೇಪಗಳಿಗೆ ಅವಕಾಶ: ಹಾಗಂತ, ಇದು ಏಕಾಏಕಿ ಜಾರಿಯಾಗಲಿರುವ ನಿಯಮವಲ್ಲ. ಇದರ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಚರ್ಚೆ ನಡೆಯಬೇಕು ಎಂಬ ಕಾರಣಕ್ಕೆ ಆಕ್ಷೇಪಗಳನ್ನು ಆಹ್ವಾನಿಸಲಾಗಿದೆ.

ಕರಡಿನಲ್ಲಿರುವ ಇನ್ನೊಂದು ಗೊಂದಲ ಅಂಶವೆಂದರೆ, ಈಗ ತಿಂಗಳ ವೇತನ ನೀಡುವಾಗ ಈಗ 8 ಗಂಟೆಯ ಕೆಲಸದ ಅವಧಿಯನ್ನು ಗಮನಿಸಿ, 26 ಕಾರ್ಯ ದಿನಗಳೆಂದು ಪರಿಗಣಿಸಲಾಗುತ್ತಿತ್ತು. ಮುಂದೆ ಅದು ಬದಲಾಗುವುದೇ ಎಂಬ ಸ್ಪಷ್ಟತೆ ಇಲ್ಲ.

ಹಂಗಾಮಿ ಸಿಬ್ಬಂದಿ ವೇತನ ಪಾವತಿಗೆ ಕ್ಯಾತೆ !

ಕಾರ್ಮಿಕ ಸಂಘಟನೆಗಳ ವಿರೋಧ
ಕೇಂದ್ರದ ಪ್ರಸ್ತಾವನೆಗೆ ಸಿಐಟಿಯು, ಬಿಎಎಂಎಸ್‌ ಸೇರಿದಂತೆ ಬಹುತೇಕ ಎಲ್ಲಕಾರ್ಮಿಕ ಸಂಘಟನೆಗಳು ಆಕ್ಷೇಪ ಎತ್ತಿವೆ. ಕೆಲವು ಕಾರ್ಖಾನೆಗಳು ಆಗಲೇ ದಿನಕ್ಕೆ ಒಂಬತ್ತು ಗಂಟೆ ಕೆಲಸ ಮಾಡಿಸುತ್ತಿವೆ. ಈ ನಿಯಮಾವಳಿ ಅದಕ್ಕೊಂದು ಅಧಿಕೃತ ಮುದ್ರೆ ಒತ್ತಲಿದೆ. ಈ ನಿಯಮಾವಳಿಯು ಜನರ ಕಲ್ಯಾಣದ ಬಗ್ಗೆ ಮೌನವಾಗಿರುವುದರಿಂದ ನಮ್ಮ ವಿರೋಧವಿದೆ ಎಂದು ಸಿಐಟಿಯು ಉಪಾಧ್ಯಕ್ಷ ಎ.ಕೆ. ಪದ್ಮನಾಭನ್‌ ಹೇಳಿದ್ದಾರೆ. 'ಸ್ವಾತಂತ್ರ್ಯ ಪಡೆದು 70 ವರ್ಷ ಕಳೆದರೂ ಕನಿಷ್ಠ ವೇತನ ಜಾರಿಯಾಗಿಲ್ಲ. ಈ ನಿಯಮಾವಳಿಗಳಲ್ಲಿ ಬದುಕಿನ ಗುಣಮಟ್ಟದ ಉಲ್ಲೇಖವೇ ಇಲ್ಲ' ಎಂದು ಬಿಎಂಎಸ್‌ ಅಧ್ಯಕ್ಷ ಸಿ.ಕೆ. ಸಾಜಿ ನಾರಾಯಣನ್‌ ಹೇಳಿದ್ದಾರೆ.

ವಿರೋಧ ಪಕ್ಷಗಳ ವಿರೋಧಕ್ಕೆ ಮಣಿದ ಮೋದಿ; ಆರ್‌ಸಿಇಪಿ ಒಪ್ಪಂದಕ್ಕೆ 'ನೋ'ಅಂದ ಭಾರತ

ಕನಿಷ್ಠ ವೇತನ 375 ರೂ.
ಕೇಂದ್ರದ ಕಾರ್ಮಿಕ ಸಚಿವಾಲಯದ ಆಂತರಿಕ ಸಮಿತಿಯೊಂದು ದಿನಕ್ಕೆ 375 ರೂ.ವನ್ನು ರಾಷ್ಟ್ರೀಯ ಕನಿಷ್ಠ ವೇತನವಾಗಿ ಪರಿಗಣಿಸಬೇಕು ಎಂದು ಸೂಚಿಸಿತ್ತು. ಅಂದರೆ, ತಿಂಗಳಿಗೆ ಕನಿಷ್ಠ ವೇತನ 9,750 ರೂ.ಹಾಗೂ ನಗರ ವಾಸಿಗಳಿಗೆ 1,430 ರೂ. ವಸತಿ ಭತ್ಯೆ ನೀಡಲು ಸಲಹೆ ನೀಡಿತ್ತು. ಆದರೆ, ಹೊಸ ಕಾರ್ಮಿಕ ವೇತನ ನಿಯಮಾವಳಿ ಕರಡಿನಲ್ಲಿ ಈ ಅಂಶಗಳನ್ನು ಪರಿಗಣಿಸಲಾಗಿಲ್ಲ.

ವೇತನಕ್ಕೆ 3 ವಿಭಾಗ
40 ಲಕ್ಷಕ್ಕೂ ಹೆಚ್ಚು ಜನಸಂಖ್ಯೆ ಇರುವ ಮೆಟ್ರೊಪಾಲಿಟನ್‌ ನಗರ
10ರಿಂದ 40 ಲಕ್ಷ ಜನಸಂಖ್ಯೆವರೆಗಿನ ಪ್ರದೇಶ ನಾನ್‌-ಮೆಟ್ರೊ
10 ಲಕ್ಷಕ್ಕಿಂತ ಕಡಿಮೆ ಇರುವ ಗ್ರಾಮೀಣ ಪ್ರದೇಶ

ಏನಿದು ಆರ್‌ಸಿಇಪಿ ಒಪ್ಪಂದ? ಇದರಿಂದ ಭಾರತದಲ್ಲಿ ಬೃಹತ್‌ ಉದ್ಯೋಗ ನಾಶವಾಗೋದು ಹೇಗೆ?