ಮಾಜಿ ಪ್ರಧಾನಿಗಳಿಗೆ ಬೃಹತ್‌ ಮ್ಯೂಸಿಯಂ

ಹೊಸದಿಲ್ಲಿ: ದೇಶದ ಮಾಜಿ ಪ್ರಧಾನಿಗಳ ಸ್ಮರಣಾರ್ಥ ವಿಶೇಷ ವಸ್ತುಸಂಗ್ರಹಾಲಯವೊಂದನ್ನು ದಿಲ್ಲಿಯಲ್ಲಿ ನಿರ್ಮಿಸಲಾಗುವುದು ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ.
ಇದಕ್ಕಾಗಿ ಮಾಜಿ ಪ್ರಧಾನಿಗಳಿಗೆ ಸೇರಿದ ವಸ್ತುಗಳನ್ನು ಮ್ಯೂಸಿಯಂನಲ್ಲಿ ಇರಿಸಲು ಸರಕಾರದ ಕೈಗೆ ಹಸ್ತಾಂತಿರುಸವಂತೆ ಅವರು ಕುಟುಂಬ ಸದಸ್ಯರಿಗೆ ಮನವಿ ಮಾಡಿದ್ದಾರೆ.
ಎಚ್‌.ಡಿ. ದೇವೇಗೌಡ, ಐ.ಕೆ. ಗುಜ್ರಾಲ್‌, ಮನಮೋಹನ್‌ ಸಿಂಗ್‌ ಹೀಗೆ ಹಲವು ಮಾಜಿ ಪ್ರಧಾನಿಗಳ ಹೆಸರನ್ನು ಉಲ್ಲೇಖಿಸಿರುವ ಮೋದಿ, ಯಾವುದೇ ಪಕ್ಷಭೇದವಿಲ್ಲದೆ, ಅವರು ದೇಶ ನಿರ್ಮಾಣಕ್ಕೆ ಸಲ್ಲಿಸಿರುವ ಕೊಡುಗೆಯನ್ನು ಪರಿಗಣಿಸಿ ಈ ವಸ್ತುಸಂಗ್ರಹಾಲಯ ಸ್ಥಾಪಿಸಲಾಗುತ್ತಿದೆ,'' ಎಂದಿದ್ದಾರೆ.

ಇದೇ ವೇಳೆ, ಕಾಂಗ್ರೆಸ್‌ ವಿರುದ್ಧ ಕಿಡಿಕಾರಿರುವ ಅವರು, ಕೈ ಪಾಳಯದ ನಾಯಕರು ಎಲ್ಲ ಸ್ಮರಣೆಗಳನ್ನು ಅಳಿಸುತ್ತಾ ಹೋದರೆ, ಬಿಜೆಪಿ ಅವುಗಳನ್ನು ಚಿರಸ್ಥಾಯಿಯಾಗಿಸುವ ಪ್ರಯತ್ನ ಮಾಡುತ್ತಿದೆ ಎಂದಿದ್ದಾರೆ.