ಪೌರತ್ವ ಕೊಡದಿದ್ದರೆ ಪಾಕ್‌ಗೆ ಕಳಿಸಿ!

ಶ್ರೀನಗರ: ಪುನರ್ವಸತಿ ಯೋಜನೆ ಅಡಿಯಲ್ಲಿ ಉಗ್ರವಾದ ತ್ಯಜಿಸಿ ಗಡಿ ನಿಯಂತ್ರಣ ರೇಖೆ ದಾಟಿ ಭಾರತಕ್ಕೆ ಮರಳಿದ ಕಾಶ್ಮೀರಿ ಉಗ್ರರ ಪಾಕಿಸ್ತಾನಿ ಪತ್ನಿಯರು ತಮ್ಮ ಅಸಹಾಯಕತೆ ಕುರಿತು ಧ್ವನಿ ಎತ್ತಿದ್ದಾರೆ. ''ನಾವು 350 ಮಂದಿ ಮಾಜಿ ಉಗ್ರರ ಪತ್ನಿಯರಿದ್ದೇವೆ. ನಾವೆಲ್ಲ ಪಾಕಿಸ್ತಾನದವರು. ಜಮ್ಮು ಮತ್ತು ಕಾಶ್ಮೀರ ಸರಕಾರದ ಪುನರ್ವಸತಿ ಯೋಜನೆ ಅಡಿಯಲ್ಲಿ ನಮ್ಮವರ ಜತೆ ನಾವೂ ಬಂದೆವು. ಆದರೆ ನಮಗೆ ಇಲ್ಲಿನ ಪೌರತ್ವ ಸಿಕ್ಕಿಲ್ಲ. ನಮಗೆ ಭಾರತೀಯ ಪೌರತ್ವ ನೀಡಿ. ಇಲ್ಲವೇ ಪಾಕಿಸ್ತಾನಕ್ಕೆ ಗಡೀಪಾರು ಮಾಡಿಬಿಡಿ'' ಎಂದು ಆಗ್ರಹಿಸಿದ್ದಾರೆ.