ಹೊಸದಿಲ್ಲಿ: 182 ಸದಸ್ಯರ ಗುಜರಾತ್‌ ವಿಧಾನಸಭೆಗೆ ಡಿಸೆಂಬರ್‌ 18ರೊಳಗೆ ಚುನಾವಣೆ ನಡೆಯಲಿದೆ ಎಂದು ಚುನಾವಣೆ ಆಯೋಗ ಪ್ರಕಟಿಸಿದೆ. ಆದರೆ, ದಿನಾಂಕ ನಿಗದಿಪಡಿಸಿಲ್ಲ.
ಹಿಮಾಚಲ ಪ್ರದೇಶದ 68 ಸ್ಥಾನಗಳಿಗೆ ನವಂಬರ್‌ 9ರಂದು ಮತದಾನ ನಡೆಸುವುದಾಗಿ ಗುರುವಾರ ಪ್ರಕಟಿಸಿದ ಮುಖ್ಯ ಚುನಾವಣೆ ಆಯುಕ್ತ ಅಚಲ್‌ ಕುಮಾರ್‌ ಜ್ಯೋತಿ ಅವರು, ಹಿಮಾಚಲ ಪ್ರದೇಶದ ಚುನಾವಣೆಯ ಮತ ಎಣಿಕೆ ಪ್ರಕ್ರಿಯೆ ಮುಗಿಯುತ್ತಿದ್ದಂತೆಯೇ ಗುಜರಾತ್‌ ಚುನಾವಣೆ ಪ್ರಕಟಣೆ ಹೊರಡಿಸಲಾಗುವುದು ಎಂದು ಹೇಳಿದರು.
ಒಟ್ಟಿಗೇ ಏಕಿಲ್ಲ
ಗುಜರಾತ್‌ ವಿಧಾನಸಭೆ ಅವಧಿ ಜನವರಿ 22ಕ್ಕೆ ಮತ್ತು ಹಿಮಾಚಲ ಪ್ರದೇಶದ ಅಸೆಂಬ್ಲಿ ಅವಧಿ ಜನವರಿ 7ಕ್ಕೆ ಮುಕ್ತಾಯಗೊಳ್ಳುತ್ತದೆ. ದೇಶದಲ್ಲಿ ಏಕಕಾಲದಲ್ಲಿ ಚುನಾವಣೆ ನಡೆಸುವ ಚರ್ಚೆಗಳು ಜೋರಾಗಿದ್ದರೂ ಈ ಎರಡು ರಾಜ್ಯಗಳಲ್ಲಿ ಏಕಕಾಲದಲ್ಲಿ ಚುನಾವಣೆಗೆ ಯಾಕೆ ಮನಸು ಮಾಡಿಲ್ಲ ಎಂಬುದು ಚರ್ಚೆಗೆ ಕಾರಣವಾಗಿದೆ. ಹಿಮಾಚಲದಲ್ಲಿ ಕಾಂಗ್ರೆಸ್‌ ಅಧಿಕಾರದಲ್ಲಿದ್ದರೆ ಗುಜರಾತ್‌ ನಲ್ಲಿ ಬಿಜೆಪಿ ಸರಕಾರವಿದೆ.
ಹಾಲಿ ಬಲಾಬಲ
ಗುಜರಾತ್‌
ಬಿಜೆಪಿ 115
ಕಾಂಗ್ರೆಸ್‌ 62
ಇತರ 05
ಹಿಮಾಚಲ ಪ್ರದೇಶ
ಕಾಂಗ್ರೆಸ್‌ 36
ಕಾಂಗ್ರೆಸ್‌ 22
ಇತರ 06