ಪಾನ್ ಮಸಾಲಾ ಉಗಿದಿದ್ದಕ್ಕೆ ಫೈನ್‌: ದೇಶದೆಲ್ಲೆಡೆ ಜಾರಿಗೆ ಬಂದರೆ ಇನ್ನೂ ಫೈನ್

ಅಹಮದಾಬಾದ್: ಸಾರ್ವಜನಿಕ ಪ್ರದೇಶದಲ್ಲಿ ಪಾನ್ ಮಸಾಲಾ ಉಗಿದವನಿಗೆ ಅಹಮದಾಬಾದ್ ಮುನ್ಸಿಪಲ್ ಕಾರ್ಪೋರೇಷನ್ ದಂಡ ವಿಧಿಸಿದೆ. ಈ ಕಾರಣಕ್ಕೆ ದಂಡ ವಿಧಿಸಿದ್ದು ದೇಶದಲ್ಲೇ ಮೊದಲೆನಿಸುತ್ತದೆ.

ಸರ್ದಾರ್ ಪಟೇಲ್ ಪ್ರತಿಮೆ ರಸ್ತೆ ಬಳಿ ಆತ ಪಾನ್ ತಿಂದು ಉಗಿಯುತ್ತಿರುವುದು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿತ್ತು.

ಅಹಮದಾಬಾದ್ ಪೂರ್ವದ ಉಪನಗರ ನಾರೋಡಾದ ಮಹೇಶ್ ಕುಮಾರ್ ಎಂಬಾತನಿಗೆ ಎಎಂಸಿ 100 ರೂ. ದಂಡ ವಿಧಿಸಿದೆ. ಸಾರ್ವಜನಿಕ ಆರೋಗ್ಯ ಕಾನೂನುಗಳ ಉಲ್ಲಂಘನೆಗಾಗಿ ಪೌರಾಡಳಿತ ಇ-ಮೆಮೋವನ್ನು ಕಳಿಸಿತ್ತು.

ಸಾರ್ವಜನಿಕ ಸ್ಥಳದಲ್ಲಿ ಉಗಿದವರಿಗೆ ದಂಡ ವಿಧಿಸಿದ್ದು ಬಹುಶಋ ದೇಶದಲ್ಲೇ ಇದು ಮೊದಲ ಬಾರಿ. ಇತ್ತೀಚಿಗೆ ನಡೆದ ರಾಷ್ಟ್ರೀಯ ಶುಚಿತ್ವ ಸಮೀಕ್ಷೆಯಲ್ಲಿ ಅಹಮದಾಬಾದ್ ಕೂಡ ಉತ್ತಮ ಸ್ಥಾನ ಪಡೆದಿದೆ. ಅದನ್ನು ಉಳಿಸಿಕೊಂಡು ಹೋಗುವ ಜವಾಬ್ದಾರಿ ನಮ್ಮ ಮೇಲಿದೆ ಎಂದು ಕಾರ್ಪೋರೇಷನ್ ಹೇಳಿದೆ.

ಪಾನ್ ಮಸಾಲಾ ತಿಂದು ಸಾರ್ವಜನಿಕ ಸ್ಥಳಗಳಲ್ಲಿ ಉಗಿಯುವುದು ದೇಶಾದ್ಯಂತ ಸಾಮಾನ್ಯವಾಗಿ ಕಂಡು ಬರುವ ಪಿಡುಗಾಗಿದೆ.