ಗುಜರಾತ್‌ ವಿವಿ: ಎಲ್ಲ ಪ್ರಶ್ನೆಗಳಿಗೂ ಆಯ್ಕೆ ಉತ್ತರ ಒಂದೇ...!

ಅಹಮದಾಬಾದ್‌: ಗುಜರಾತ್‌ ವಿಶ್ವವಿದ್ಯಾಲಯದ ಎಂಫಿಲ್‌ ಹಾಗೂ ಪಿಎಚ್‌ಡಿಯ ಪರೀಕ್ಷೆಯ ಹೆಚ್ಚಿನ ಪ್ರಶ್ನೆಗಳಿಗೆ ಉತ್ತರದ ಆಯ್ಕೆ ಒಂದೇ ಆಗಿದೆ.

ಎಂಫಿಲ್‌ ಪ್ರಶ್ನೆಗಳಿಗೆ 'ಎ' ಮತ್ತು ಪಿಎಚ್‌ಡಿ ಪ್ರಶ್ನೆಗಳಿಗೆ 'ಸಿ' ಆಯ್ಕೆ ಉತ್ತರವಾಗಿದೆ. ಎರಡು ಪರೀಕ್ಷೆಗಳ ಎಲ್ಲ 50 ಪ್ರಶ್ನೆಗಳಿಗೆ ಒಂದೇ ಆಯ್ಕೆ ಉತ್ತರವಾಗಿರುವುದು ಇದೀಗ ಚರ್ಚೆಗೆ ಕಾರಣವಾಗಿದೆ. ಸೋಮವಾರ ವಿಶ್ವವಿದ್ಯಾಲಯ ಪ್ರಶ್ನೆಗಳ ಕೀ ಉತ್ತರಗಳನ್ನು ಪ್ರಕಟಿಸಿದ ಬಳಿಕ ಈ ಅಂಶ ಬೆಳಕಿಗೆ ಬಂದಿದೆ.

ಮೇಧಾವಿ ವಿದ್ಯಾರ್ಥಿಗಳನ್ನು ಈ ರೀತಿಯ ಪ್ಯಾಟರ್ನ್‌ನ್ನು ಕಂಡುಹಿಡಿಯುತ್ತಾರೆ. ಸರಿಯಾಗಿ ಉತ್ತರ ಗೊತ್ತಿಲ್ಲದೆ, ಅಂದಾಜಿನಲ್ಲಿ ಬರೆಯುವ ವಿದ್ಯಾರ್ಥಿಗಳಿಗೆ ಗೊಂದಲವಾಗುತ್ತದೆ. ಇದು ಪೂರ್ವ ನಿರ್ಧರಿತ. ಒಟ್ಟಾರೆ 77 ಮಂದಿ ವಿದ್ಯಾರ್ಥಿಗಳು ಪಿಎಚ್‌ಡಿಗೆ ಹಾಗೂ 37 ಮಂದಿ ಎಂಫಿಲ್‌ ಪರೀಕ್ಷೆಗೆ ಹಾಜರಾಗಿದ್ದರು ಎಂದು ವಿಭಾಗ ಮುಖ್ಯಸ್ಥೆ ಕೃತಿದ ಶಾ ಹೇಳಿದ್ದಾರೆ.

ಈ ವಿಚಾರದಲ್ಲಿ ಗೊಂದಲ ಮೂಡಿಸುವುದು ಅನಗತ್ಯ. ಇದರಲ್ಲಿ ಅಸಹಜ ಎಂಬ ಪ್ರಶ್ನೆಯೂ ಉದ್ಭವಿಸುವುದಿಲ್ಲ. ಭಾನುವಾರ ರಾತ್ರಿ ಫಲಿತಾಂಶ ಪ್ರಕಟವಾಗಿದ್ದು, ಹಾಜರಾದ ಪೈಕಿ ಶೇ.10ರಷ್ಟು ವಿದ್ಯಾರ್ಥಿಗಳು ತೇರ್ಗಡೆಯಾಗಿದ್ದಾರೆ ಎಂದು ಉಪಕುಲಪತಿ ಹಿಮಾಂಶು ವೊರಾ ತಿಳಿಸಿದ್ದಾರೆ.

ಒಟ್ಟಾರೆ ವಿವಿ ಮಟ್ಟದಲ್ಲಿ 739 ವಿದ್ಯಾರ್ಥಿಗಳಲ್ಲಿ 190 ಮಂದಿ ಎಂಫಿಲ್‌ಗೆ ಪರೀಕ್ಷೆ ಬರೆದಿದ್ದು, ಇದರಲ್ಲಿ ಕೇವಲ 46 ಮಂದಿ ತೇರ್ಗಡೆಯಾಗಿದ್ದಾರೆ. ಗ್ರೇಸ್‌ ಮಾರ್ಕ್‌ಗಳನ್ನು ನೀಡುವುದು ಅಸಾಧ್ಯ. 9 ವಿದ್ಯಾರ್ಥಿಗಳಿಗೆ ಪರೀಕ್ಷೆಯಿಂದ ವಿನಾಯಿತಿ ನೀಡಲಾಗಿತ್ತು. ಒಟ್ಟಾರೆ 55 ವಿದ್ಯಾರ್ಥಿಗಳು ಎಂಫಿಲ್‌ಗೆ ಆಯ್ಕೆಯಾಗಿದ್ದಾರೆ ಎಂದು ಹಿಮಾಂಶು ವೋರೆ ಹೇಳಿದ್ಧಾರೆ.

600 ಪಿಎಚ್‌ಡಿ ಸೀಟುಗಳಿಗೆ 1881 ಮಂದಿ ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದಾರೆ. ಇದರಲ್ಲಿ 203 ಮಂದಿ ಮಾತ್ರವೇ ಆಯ್ಕೆಯಾಗಿದ್ದಾರೆ. ಒಟ್ಟಾರೆ 442 ವಿದ್ಯಾರ್ಥಿಗಳನ್ನು ಪರೀಕ್ಷೆಯಿಂದ ವಿನಾಯಿತು ನೀಡಲಾಗಿದೆ ಎಂದು ವಿವಿ ಹೇಳಿದೆ.