ಗೋ ಮೂತ್ರದಿಂದ ಕ್ಯಾನ್ಸರ್‌ ಕ್ಯಾನ್ಸಲ್: ಗುಜರಾತ್ ವಿವಿ

ಜುನಾಗಢ: ಕ್ಯಾನ್ಸರ್ ಮಹಾಮಾರಿಗೆ ಕಿಮೋಥೆರಪಿಗಿಂತ ಗೋಮೂತ್ರವೇ ಪರಿಣಾಮಕಾರಿ ಎಂದು ಗುಜರಾತ್ ವಿಶ್ವವಿದ್ಯಾಲಯದ ಸಂಶೋಧಕರು ಅಭಿಪ್ರಾಯ ಪಟ್ಟಿದ್ದಾರೆ.

ಗೋ ಮೂತ್ರ ಬಳಸಿ ಕ್ಯಾನ್ಸರ್ ಕೋಶಗಳನ್ನು ಕೊಲ್ಲುವ ಸಂಶೋಧನೆಯ ತಮ್ಮ ಪ್ರಥಮ ಪ್ರಯತ್ನದಲ್ಲಿ ಜುನಾಗಡ ವಿಶ್ವವಿದ್ಯಾಲಯದ ಜೈವಿಕ ತಂತ್ರಜ್ಞಾನ ವಿಜ್ಞಾನಿಗಳು ಯಶ ಕಂಡಿದ್ದಾರೆ. ಆಕಳ ಮೂತ್ರ ಬಾಯಿ, ಗರ್ಭಕೋಶ, ಶ್ವಾಶಕೋಶ, ಮೂತ್ರಪಿಂಡ, ಚರ್ಮ, ಸ್ತನ ಕ್ಯಾನ್ಸರ್ ಸೇರಿದಂತೆ ಸಾಮಾನ್ಯವಾಗಿ ಕಂಡು ಬರುವ ಎಲ್ಲ ರೀತಿಯ ಕ್ಯಾನ್ಸರ್‌ಗಳನ್ನು ಗುಣಪಡಿಸಬಲ್ಲದು ಎಂದವರು ಹೇಳಿದ್ದಾರೆ.

ಬಾಟಲಿಯಲ್ಲಿ ಸಂಗ್ರಹಿಸಲಾದ ಕ್ಯಾನ್ಸರ್ ಕೋಶಗಳ ಮೇಲೆ ನೇರ ಪ್ರಯೋಗ ಮಾಡಿದ್ದೆವು. ದಿನವೊಂದಕ್ಕೆ ನಿರ್ದಿಷ್ಟ ಸಂಖ್ಯೆಯ ಕ್ಯಾನ್ಸರ್ ಕೋಶಗಳನ್ನು ಕೊಲ್ಲಲು ಎಷ್ಟು ಪ್ರಮಾಣದ ಗೋ ಮೂತ್ರ ಅವಶ್ಯ ಎಂಬುದನ್ನು ನಾವು ಕಂಡುಕೊಂಡಿದ್ದೇವೆ, ಎಂದು ಸಂಶೋಧನಾ ತಂಡದ ಭಾಗವಾಗಿದ್ದ ಸಹಾಯಕ ಪ್ರಾಧ್ಯಾಪಕಿ ಶಾರದಾ ಭಟ್ ತಿಳಿಸಿದ್ದಾರೆ.

ಮುಂದಿನ ಹಂತದಲ್ಲಿ ಇಲಿಯ ಮೇಲೆ ಪ್ರಯೋಗ ಮಾಡಲಾಗುವುದು. ಇದು ಯಶಸ್ವಿಯಾದರೆ ನಾವು ವಿವಿಧ ರೀತಿಯ ಕ್ಯಾನ್ಸರ್‌ಗಳಿಗೆ ಔಷಧವನ್ನು ತಯಾರಿಸಲಿದ್ದೇವೆ, ಎಂದವರು ಹೇಳಿದ್ದಾರೆ.

ಸಹಾಯಕ ಪ್ರಾಧ್ಯಾಪಕರಾದ ರುಕಮ್‌ಸಿನ್ಹ್ ತೋಮರ್, ಶಾರದಾ ಭಟ್ ಮತ್ತು ಸಂಶೋಧನಾ ವಿದ್ಯಾರ್ಥಿ ಕವಿತಾ ಜೋಶಿ ಈ ಸಂಶೋಧನಾ ತಂಡದ ಭಾಗವಾಗಿದ್ದಾರೆ.

ಕಿಮೋಥೆರಪಿ ಆರೋಗ್ಯವಂತ ಕೋಶಗಳನ್ನು ಸಹ ಕೊಲ್ಲುತ್ತದೆ, ಆದರೆ ಗೋ ಮೂತ್ರ ಸೋಂಕುಪೀಡಿತ ಕೋಶಗಳನ್ನು ಮಾತ್ರ ಕೊಲ್ಲುತ್ತದೆ, ಎಂದು ತೋಮರ್ ಪ್ರತಿಪಾದಿಸಿದ್ದಾರೆ.