7 ವರ್ಷದ ಬಾಲಕನ ಹತ್ಯೆ ಪ್ರಕರಣ: 16 ವರ್ಷದ ಆರೋಪಿ ವಯಸ್ಕನೆಂದು ಪರಿಗಣಿಸಿ ವಿಚಾರಣೆ

ಹೊಸದಿಲ್ಲಿ: ಗುರುಗ್ರಾಮ ಶಾಲೆಯಲ್ಲಿ 7 ವರ್ಷದ ಬಾಲಕನ ಹತ್ಯೆ ಮಾಡಿದ 16 ವರ್ಷದ ಆರೋಪಿಯನ್ನು ವಯಸ್ಕನಂತೆ ಪರಿಗಣಿಸಿ ವಿಚಾರಣೆ ನಡೆಸಲಾಗುವುದು ಎಂದು ಸೆಷನ್ಸ್‌ ನ್ಯಾಯಾಲಯ ಹೇಳಿದೆ.

ಆರೋಪಿಯ ಕುಟುಂಬದ ಅರ್ಜಿಯನ್ನು ತಳ್ಳಿಹಾಕಿದ ಗುರುಗ್ರಾಮ ಸೆಷನ್ಸ್‌ ನ್ಯಾಯಾಲಯ, ಬಾಲನ್ಯಾಯ ಮಂಡಳಿಯ (ಜ್ಯುವೆನೈಲ್ ಜಸ್ಟಿಸ್‌ ಬೋರ್ಡ್‌- ಜೆಜೆಬಿ) ಆದೇಶವನ್ನು ಎತ್ತಿ ಹಿಡಿದಿದೆ. 16 ವರ್ಷದ ಆರೋಪಿಯನ್ನು ವಯಸ್ಕನಂತೆ ವಿಚಾರಣೆ ನಡೆಸಬೇಕು ಎಂದು ಬಾಲನ್ಯಾಯ ಮಂಡಳಿ ಆದೇಶಿಸಿತ್ತು.

ಮಂಡಳಿಯ ಆದೇಶವನ್ನು ಪ್ರಶ್ನಿಸಿ ಆರೋಪಿಯ ಕುಟುಂಬದವರು ಮೇಲ್ಮನವಿ ಸಲ್ಲಿಸಿದ್ದರು.

16 ವರ್ಷದ ಆರೋಪಿಯನ್ನು ವಯಸ್ಕನಂತೆ ವಿಚಾರಣೆ ನಡೆಸಬೇಕೆಂಬ ಜೆಜೆಬಿ ಆದೇಶ ಸಕಾರಣವಾಗಿದೆ; ಅದರಲ್ಲಿ ಕಾನೂನು ಬಾಹಿರವಾದದ್ದು ಏನೂ ಇಲ್ಲ ಎಂದು ಹತ್ಯೆಗೀಡಾದ 7 ವರ್ಷದ ಬಾಲಕನ ಪರ ವಕೀಲ ಸುಶೀಲ್‌ ಟೆಕ್ರಿವಾಲ್ ವಾದಿಸಿದರು.

NEW DELHI: The 16-year-old teenager accused of murdering a seven-year-old boy at a Gurugram school will be tried as an adult, a district sessions court said on Monday.