ಇದು ಲೋಕಸಭೆ, ಮುನ್ನಾ ಭಾಯ್‌ ತಾಣವಲ್ಲ: ರಾಹುಲ್‌ಗೆ ಹರ್‌ಸಿಮ್ರತ್‌ ಕೌರ್ ಟಾಂಗ್

ಹೊಸದಿಲ್ಲಿ: ಲೋಕಸಭೆಯಲ್ಲಿ ಶುಕ್ರವಾರ ಕೇಂದ್ರದ ಎನ್‌ಡಿಎ ಸರಕಾರದ ವಿರುದ್ಧ ವಿಪಕ್ಷಗಳ ಅವಿಶ್ವಾಸ ಗೊತ್ತುವಳಿ ಮಂಡನೆ ಸಂದರ್ಭ ಹಲವು ರೀತಿಯ ಪ್ರಸಂಗಗಳಿಗೆ ಸಂಸತ್‌ ಅಧಿವೇಶನ ಸಾಕ್ಷಿಯಾಯಿತು.

ಪ್ರಧಾನಿ ಮೋದಿ ವಿರುದ್ಧ ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್ ಗಾಂಧಿ ಆರೋಪಗಳ ಸುರಿಮಳೆ ಸುರಿಸುತ್ತಿದ್ದರೆ, ಅತ್ತ ಸಚಿವೆ ಹರ್‌ಸಿಮ್ರತ್‌ ಕೌರ್ ಬಾದಲ್, ರಾಹುಲ್‌ಗೆ ತಿರುಗೇಟು ನೀಡಿದರು. ಕೌರ್‌ ವಿರುದ್ಧವೂ ರಾಹುಲ್ ಭಾಷಣದಲ್ಲಿ ಆರೋಪಿಸಿದ್ದು, ಅದಕ್ಕೆ ಪ್ರತ್ಯುತ್ತರ ನೀಡಿದ ಕೌರ್, ಇದು ಸಂಸತ್ತು. ಇಲ್ಲಿ ಮಾತನಾಡುವಾಗ ಎಚ್ಚರ ಇರಲಿ. ಇದು ಮುನ್ನಾಭಾಯ್‌ನ ಪ್ರದೇಶವಲ್ಲ, ಹೀಗಾಗಿ ಸರಿಯಾಗಿ ಮಾತನಾಡಿ ಎಂದು ಹೇಳಿದರು.


ಕೌರ್‌ ಪ್ರತಿಕ್ರಿಯೆಗೆ ದನಿಗೂಡಿಸಿದ ಲೋಕಸಭಾ ಸ್ಪೀಕರ್ ಸುಮಿತ್ರಾ ಮಹಾಜನ್, ರಾಹುಲ್‌ ಗಾಂಧಿಯನ್ನು ಉದ್ದೇಶಿಸಿ, ನೀವು ಪ್ರಧಾನಿ ವಿರುದ್ಧವಾಗಲೀ, ಅಥವಾ ಯಾರ ವಿರುದ್ಧವೇ ಆಗಲಿ, ಮಾತನಾಡುವಾಗ ಸೂಕ್ತ ದಾಖಲೆ ತೋರಿಸಿ ಮಾತನಾಡಿ ಎಂದರು.

ಇದರಿಂದಾಗಿ ರಾಹುಲ್‌ಗೆ ಕೌರ್ ಪ್ರತ್ಯುತ್ತರ ಮತ್ತು ಭಾಷಣದಲ್ಲಿ ರಾಹುಲ್ ತೋರಿದ ಭಾವಾವೇಶಕ್ಕೆ ಮೆಚ್ಚುಗೆ ಕೇಳಿಬಂದರೂ, ರಾಹುಲ್ ಮತ್ತೆ ಟ್ರೋಲ್‌ಗೆ ಒಳಗಾಗಬೇಕಾಯಿತು.