ದೇಶದಲ್ಲಿದೆ 3500ಕ್ಕೂ ಅಧಿಕ ಮಕ್ಕಳ ಪೋರ್ನ್‌ ವೆಬ್‌ಸೈಟ್‌!

ಹೊಸದಿಲ್ಲಿ: ನಂಬಿ ನಮ್ಮ ದೇಶದಲ್ಲಿ ಮೂರು ಸಾವಿರಕ್ಕೂ ಅಧಿಕ ಮಕ್ಕಳ ಪೋರ್ನ್‌ ವೆಬ್‌ಸೈಟ್‌ಗಳು ಇನ್ನೂ ಕಾರ್ಯ ನಿರ್ವಹಿಸತ್ತಿದ್ದು ಲಕ್ಷಾಂತರ ಮಂದಿ ಇದನ್ನು ಪ್ರತಿನಿತ್ಯ ವೀಕ್ಷಣೆ ಮಾಡುತ್ತಿದ್ದಾರೆ.

ವರ್ಷದ ಹಿಂದೆ ಪೋರ್ನ್‌ ವೆಬ್‌ಸೈಟ್‌ಗಳೆ ಮೇಲೆ ಹಿಡಿತ ಸಾಧಿಸಲು ಮುಂದಾಗಿದ್ದ ಕೇಂದ್ರ ಸರಕಾರದ ವಿರುದ್ಧ ಹಲವಾರು ಮಂದಿ ಪ್ರತಿಭಟನೆ ನಡೆಸಿದ್ದರು. ಇದಾದ ಬಳಿಕ ಕೆಲ ಅನಗತ್ಯ ಪೋರ್ನ್‌ ವೆಬ್‌ಸೈಟ್‌ಗಳನ್ನು ಸರಕಾರ ಬ್ಯಾನ್‌ ಮಾಡುತ್ತಾ ಬಂದಿತ್ತು.

ಆದರೆ ಇದೀಗ ಕೇಂದ್ರ ಸುಮಾರ 3500 ಮಕ್ಕಳ ಪೋರ್ನ್‌ ಕಂಟೆಂಟ್‌ ಇರುವ ವೆಬ್‌ಸೈಟ್‌ಗಳನ್ನು ಬ್ಯಾನ್‌ ಮಾಡಿದ್ದು, ಈ ಕುರಿತು ಸುಪ್ರೀಂ ಕೋರ್ಟ್‌ಗೆ ವರದಿ ಸಲ್ಲಿಸಿದೆ.

ಚೈಲ್ಡ್‌ ಪೋರ್ನೋಗ್ರಫಿಯನ್ನು ನಿರ್ಬಂಧಿಸುವಂತೆ ಕೇಂದ್ರಕ್ಕೆ ಸಲಹೆ ನೀಡಲು ಈ ಹಿಂದೆ ಸುಪ್ರೀಂ ಆದೇಶಿಸಿತ್ತು, ಈ ಹಿನ್ನೆಲೆಯಲ್ಲಿ ಕೇಂದ್ರ 3500ಕ್ಕೂ ಅಧಿಕ ವೆಬ್‌ಸೈಟ್‌ಗಳನ್ನು ಬ್ಯಾನ್‌ ಮಾಡಿದೆ. ಅಲ್ಲದೇ ಹೆಚ್ಚಿನ ಶಾಲೆಗಳಲ್ಲಿ ಇಂತಹ ವೆಬ್‌ಸೈಟ್‌ಗಳನ್ನು ವೀಕ್ಷಣೆಗೆ ನೆಟ್ವರ್ಕ್‌ ಜಾಮ್ಮರ್‌ನ್ನು ಬಳಸುವಂತೆ ಕೂಡಾ ಆಧೇಶ ನೀಡಲಾಗಿತ್ತು.