ಆದರೂ ವಿಮಾನದಲ್ಲಿ ಆ್ಯಶ್‌ ಟ್ರೇ ಏಕೆ

ಮುಂಬಯಿ: ವಿಮಾನದಲ್ಲಿ ಧೂಮಪಾನಕ್ಕೆ ಆಸ್ಪದವಿಲ್ಲದಿದ್ದರೂ ಆ್ಯಶ್‌ ಟ್ರೇ ಏಕೆ ಇಟ್ಟಿರುತ್ತಾರೆ ಎಂಬ ಬಗ್ಗೆ ಪ್ರಶ್ನೆ ಹಲವರನ್ನು ಕಾಡಿರಬಹುದು. ಆದರೆ, ಸಿಗರೇಟು ಬೂದಿ ಉದಿರಿಸಲು ಟ್ರೇ ಇಡಬೇಕು ಎಂಬ ನಿಯಮ ಇದೆ ಎಂದರೆ ನಂಬುತ್ತೀರಾ?

ಹೌದು! ವಿಮಾನದಲ್ಲಿ ಸಿಗರೇಟು ಸೇದಲು ಪೈಲೆಟ್‌ ಸೇರಿದಂತೆ ಯಾರಿಗೂ ಅವಕಾಶವಿಲ್ಲ. ಆದರೂ ಆ್ಯಶ್‌ ಟ್ರೇ ಏಕಿಟ್ಟಿದ್ದಾರೆ ಎಂಬ ಪ್ರಶ್ನೆ ಮೂಡುವುದು ಸಹಜ ಆದರೆ, ವಿಮಾನದ ಶೌಚಾಲಯದ ಬಾಗಿಲಿನ ಬಳಿ ಆ್ಯಶ್‌ ಟ್ರೇ ಅಳವಡಿಸಬೇಕು ಎಂದು ನಿಯಮಾವಳಿಯಿದೆ. ಅದಕ್ಕೆ ನೀಡಿದ ಸಬೂಬು ನೀವು ಕೇಳಿದರೆ ನೀವು ದಂಗಾಗುತ್ತೀರ.

ಫೆಡರಲ್ ರೆಗ್ಯುಲೇಷನ್ಸ್, ಅಧ್ಯಾಯ I, ಉಪ ಅಧ್ಯಾಯ ಸಿ, ಭಾಗ 25, ಉಪ ವಿಭಾಗ ಡಿ, ವಿಭಾಗ 25.853, ಪ್ಯಾರಾಗ್ರಾಫ್ ಜಿ. ಪ್ರಕಾರ, ಅಧಿಕಾರಿಗಳ ನಿರ್ಲಕ್ಷ್ಯ ದಿಂದ ಯಾರಾದರು ಸಿಗರೇಟು ಸೇದಿದರೆ ಅಥವಾ ಸಿಗರೇಟು ಸೇದಲು ಅವಕಾಶ ನೀಡಿದರೆ ಈ ಸಂದರ್ಭದಲ್ಲಿ ಆ್ಯಶ್‌ ಟ್ರೇ ಬಳಸಬೇಕು ಎಂದು ಶೌಚಾಲಯದ ಬಾಗಿಲ ಬಳಿ ಆ್ಯಶ್‌ ಟ್ರೇ ಅಳವಡಿಸಬೇಕು ಎನ್ನಲಾಗಿದೆ.

ನಿಯಮಾವಳಿಗಳು ಏನೇ ಇರಲಿ ವಿಮಾನದಲ್ಲಿ ಆ್ಯಶ್‌ ಟ್ರೇ ಇದೆ ಎಂದು ಧಂ ಎಳೆದರೆ ಕಂಬಿ ಎಣಿಸುವುದು ಗ್ಯಾರೆಂಟಿ.