ಹೈದರಾಬಾದ್: ಮಾದಕ ವ್ಯಸನಿ ಯುವಕನೊಬ್ಬ ತನ್ನ ಗೆಳತಿಯೇ ಆಗಿರುವ 16 ವರ್ಷದ ಬಾಲಕಿಯನ್ನು ಬೆತ್ತಲೆಗೊಳಿಸಿ, ಬ್ಲೇಡ್ನಿಂದ ಕೊಯ್ದು, ಆಕೆ ಅರಚುವ ಸನ್ನಿವೇಶಗಳನ್ನು ಚಿತ್ರೀಕರಿಸಿದ ಭಯಾನಕ ಘಟನೆ ಹೈದರಾಬಾದ್ನ ಗಾಂಧಿನಗರದಲ್ಲಿ ನಡೆದಿದೆ. ಕೋಡಿಯಾಗಿ ಹರಿದ ರಕ್ತ ಮತ್ತು 'ಬಿಟ್ಟು ಬಿಡು' ಎಂಬ ಮನವಿಗಳನ್ನು ಲೆಕ್ಕಿಸದೆ ಯುವಕ ಹುಚ್ಚನಂತೆ ವರ್ತಿಸಿದ್ದಾನೆ. ಕೊನೆಗೆ ಸ್ಥಳೀಯರು ಆಕೆಯ ಬೊಬ್ಬೆ ಕೇಳಿ ಬಾಗಿಲು ಒಡೆದು ಒಳನುಗ್ಗಿ ರಕ್ಷಿಸಿದ್ದಾರೆ. ಯುವಕನಿಗೆ ಚೆನ್ನಾಗಿ ಥಳಿಸಿ ಪೊಲೀಸರಿಗೆ ಒಪ್ಪಿಸಿದ್ದಾರೆ. 19ರ ಹುಡುಗ ಆಕೆಯೊಂದಿಗೆ ದೈಹಿಕ ಸಂಪರ್ಕವನ್ನೂ ಹೊಂದಿದ್ದು, ಅದರ ವಿಡಿಯೊಗಳನ್ನು ಬಳಸಿ ಬ್ಲ್ಯಾಕ್ಮೇಲ್ ಮಾಡುತ್ತಿದ್ದ ಎನ್ನಲಾಗಿದೆ. ಗುರುವಾರ ಆಕೆಯನ್ನು ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಅತ್ಯಂತ ಹಿಂಸಾತ್ಮಕವಾಗಿ ವರ್ತಿಸಿದ್ದಾನೆ. ಗಾಂಧಿನಗರ ಮಾದಕ ವ್ಯಸನಕ್ಕೆ ಕುಖ್ಯಾತಿ ಪಡೆದ ಪ್ರದೇಶವಾಗಿದೆ.
ಬಾಲಕಿ ಬೆತ್ತಲೆಗೊಳಿಸಿ ಬ್ಲೇಡ್ನಿಂದ ಗಾಯಗೊಳಿಸಿದ ಮಾದಕ ವ್ಯಸನಿ
19ರ ಹುಡುಗ ಆಕೆಯೊಂದಿಗೆ ದೈಹಿಕ ಸಂಪರ್ಕವನ್ನೂ ಹೊಂದಿದ್ದು, ಅದರ ವಿಡಿಯೊಗಳನ್ನು ಬಳಸಿ ಬ್ಲ್ಯಾಕ್ಮೇಲ್ ಮಾಡುತ್ತಿದ್ದ ಎನ್ನಲಾಗಿದೆ.
Vijaya Karnataka 10 Mar 2019, 5:00 am