2020ರಲ್ಲಿ ಹುಂಡೈನಿಂದ 8 ಹೊಸ ವಾಹನಗಳು

ಚೆನ್ನೈ: ದೇಶೀಯ ಮಾರುಕಟ್ಟೆಯಲ್ಲಿ ತನ್ನ ಪ್ರಾಬಲ್ಯ ಹೆಚ್ಚಿಸಿಕೊಳ್ಳುವ ನಿಟ್ಟಿನಲ್ಲಿ ಹುಂಡೈ ಮೋಟಾರ್‌ ಉತ್ಪಾದನೆಯನ್ನು ಹೆಚ್ಚಿಸಿದ್ದು, 2020ರ ಹೊತ್ತಿಗೆ 8 ನೂತನ ವಾಹನಗಳನ್ನು ಬಿಡುಗಡೆ ಮಾಡಲು ಮುಂದಾಗಿದೆ ಎಂದು ಕಂಪನಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
‘‘ದಕ್ಷಿಣ ಕೊರಿಯಾದ ಸೋಲ್‌ನಲ್ಲಿ ನಡೆದ ನ್ಯಾಷನಲ್‌ ಡೀಲರ್‌ ಕಾನಧಿರೆನ್ಸ್‌ನಲ್ಲಿ ಭಾರತೀಯ ಮಾರುಕಟ್ಟೆಗೆ 2017ರಿ ಂದ 2020ರ ಅವಧಿಯಲ್ಲಿ 8 ವಾಹನಗಳು ಬಿಡುಗಡೆಯಾಗುವ ವಿಷಯವನ್ನು ಪ್ರಕಟಿಸಿದ್ದೇವೆ. ಸುಸ್ಥಿರ ಬೆಳವಣಿಗೆಗೆ ಅವಕಾಶವಿರುವ ಭಾರತೀಯ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿದ್ದೇವೆ,’’ ಎಂದು ಹುಂಡೈ ಮೋಟಾರ್‌ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ವೈ.ಕೆ. ಕೂ ಅವರು ಸುದ್ದಿಗಾರರಿಗೆ ತಿಳಿಸಿದ್ದಾರೆ.
‘‘ಬಿಡುಗಡೆಯಾಗಲಿರುವ 8 ವಾಹನಗಳಲ್ಲಿ 5 ವಾಹನಗಳ ಮಾಡೆಲ್‌ಗಳು ಸಂಪೂರ್ಣ ವಿಭಿನ್ನವಾಗಿ ಇರಲಿವೆ. ಟರ್ಬೊ ಗ್ಯಾಸೋಲಿನ್‌ ಎಂಜಿನ್‌ ಸೇರಿದಂತೆ ಅತ್ಯಾಧುನಿಕ ತಂತ್ರಜ್ಞಾನಕ್ಕೆ ಆದ್ಯತೆ ನೀಡಿದ್ದೇವೆ,’’ ಎಂದು ಹೇಳಿದರು.
ವಿಶ್ವದಲ್ಲಿ ಹುಂಡೈ ವಾಹನಗಳ ಮಾರಾಟದಲ್ಲಿ ಭಾರತ ಮೂರನೇ ಸ್ಥಾನದಲ್ಲಿದೆ. ಚೀನಾ ಮತ್ತು ಅಮೆರಿಕ ನಂತರದ ಸ್ಥಾನ ಭಾರತದ್ದಾಗಿದೆ.