ಇಮ್ರಾನ್‌ ಖಾನ್‌ ಲಂಪಟ, ಮಾದಕ ವ್ಯಸನಿ, ಸಲಿಂಗಿ, ಭಾರತದಲ್ಲೂ ಇದ್ದಾರೆ ಅವನ ಮಕ್ಕಳು!

ಹೊಸದಿಲ್ಲಿ: ''ಅವನೊಬ್ಬ ಚಪಲ ಚೆನ್ನಿಗರಾಯ, ಮಾದಕ ವ್ಯಸನಿ, ವಿವಾಹಿತ ಪುರುಷನ ಜತೆ ಸಲಿಂಗ ಸಂಬಂಧವಿದೆ. ಅವನಿಗೆ ಅಕ್ರಮ ಸಂಬಂಧದಲ್ಲಿ ಹುಟ್ಟಿದ ಐವರು ಮಕ್ಕಳಿದ್ದಾರೆ, ಅವರಲ್ಲಿ ಕೆಲವರು ಭಾರತೀಯರು!''

ಇದು ಪಾಕಿಸ್ತಾನ ತೆಹ್ರಿಕ್‌-ಇ-ಇನ್ಸಾಫ್‌(ಪಿಟಿಐ) ಪಕ್ಷದ ನಾಯಕ ಇಮ್ರಾನ್‌ ಖಾನ್‌ ವಿರುದ್ಧ ಅವರ ಮಾಜಿ ಪತ್ನಿ ರೆಹಾಮ್‌ ಖಾನ್‌ ಮಾಡಿರುವ ಆರೋಪ. ಪಾಕಿಸ್ತಾನದಲ್ಲಿ ಜುಲೈ 25ರಂದು ನಡೆಯುವ ಚುನಾವಣೆಗೆ ಪೂರ್ವಭಾವಿಯಾಗಿ ಎದುರಾಗಿರುವ ಆರೋಪದಿಂದ ಇಮ್ರಾನ್‌ಗೆ ಭಾರಿ ಮುಜುಗರ ಉಂಟಾಗುವುದು ಖಚಿತ.

ಹತ್ತು ತಿಂಗಳು ಇಮ್ರಾನ್‌ ಜತೆ ಸಂಸಾರ ಮಾಡಿದ್ದ ರೆಹಾಮ್‌ ತಾನು ಬರೆದಿರುವ 'ರೆಹಾಮ್‌' ಎಂಬ ಪುಸ್ತಕದಲ್ಲಿ ಈ ಆರೋಪಗಳನ್ನು ಮಾಡಿದ್ದಾರೆ.

ರೆಹಾಮ್‌ ಖಾನ್‌ ಕೇವಲ ಇಮ್ರಾನ್‌ ಬದುಕಿನ ಬಗೆಗಲ್ಲ, ಪಾಕಿಸ್ತಾನದ ರಾಜಕೀಯದ ಮೇಲೂ ಬೆಳಕು ಚೆಲ್ಲಿದ್ದಾರೆ. ಮಾಜಿ ಕ್ರಿಕೆಟರ್‌ ವಾಸಿಂ ಅಕ್ರಮ್‌ ತನ್ನ ಪತ್ನಿ ಬೇರೆಯವರ ಜತೆ ಲೈಂಗಿಕ ಸಂಬಂಧ ಹೊಂದುವುದನ್ನು ನೋಡಲು ಆಸೆಪಡುತ್ತಿದ್ದ ಎಂಬ ಗಂಭೀರ ಆಪಾದನೆಯೂ ಪುಸ್ತಕದಲ್ಲಿದೆ. ತನ್ನ ಮಾಜಿ ಪತಿ ಇಜಾಜ್‌ ರೆಹಮಾನ್‌ ಬಗ್ಗೆಯೂ ಪುಸ್ತಕದಲ್ಲಿ ಪ್ರಸ್ತಾಪವಿದೆ.

ಇಮ್ರಾನ್‌ ಕುರಿತು ಗಂಭೀರ ಆರೋಪಗಳು

* ನಿತ್ಯ ಡ್ರಗ್ಸ್‌ ಸೇವಿಸುತ್ತಿದ್ದರು. ಕೊಕೇನ್‌ ಮಾತ್ರವಲ್ಲ ನಿಷೇಧಿತ ರೋಹಿಪ್ನೋಲ್‌ ಕೂಡಾ ಬಳಸುತ್ತಿದ್ದರು.
* ಒಮ್ಮೆ ಸ್ನಾನಗೃಹದಲ್ಲಿ ಮಾದಕದ್ರವ್ಯ ಸೇವಿಸುತ್ತಿದ್ದಾಗ ರೆಡ್‌ ಹ್ಯಾಂಡ್‌ ಆಗಿ ಸಿಕ್ಕಿಬಿದ್ದಿದ್ದರು.
* ಮೊಬಿ ಎಂಬ ಗೆಳೆಯನೊಂದಿಗೆ ಇಮ್ರಾನ್‌ ಲಿವ್‌ ಇನ್‌ ರಿಲೇಷನ್‌ಶಿಪ್‌ನಲ್ಲಿದ್ದರು.
* ಒಂದು ದಿನವೂ ತರಕಾರಿ, ದಿನಸಿ ದುಡ್ಡು ಕೊಟ್ಟು ತಂದಿಲ್ಲ, ಬೇರೆಯವರು ಪಾವತಿಸುತ್ತಿದ್ದರು.
* ಟಿಂಬರ್‌ ಮಾಫಿಯಾ ಸೇರಿದಂತೆ ಅನೇಕ ಭ್ರಷ್ಟಾಚಾರದಲ್ಲಿ ಇಮ್ರಾನ್‌ ಕೈವಾಡವಿದೆ.

ದೊಡ್ಡ ಮಗನಿಗೆ 34 ವರ್ಷ

ಅಕ್ರಮ ಸಂಬಂಧದಲ್ಲಿ ಆರು ಮಕ್ಕಳಿರುವುದನ್ನು ಇಮ್ರಾನ್‌ ಒಪ್ಪಿಕೊಂಡಿದ್ದಾನೆ ಎಂದು ಪುಸ್ತಕದಲ್ಲಿ ಬರೆಯಲಾಗಿದೆ. ಅವರಲ್ಲಿ ಕೆಲವರು ಭಾರತೀಯರಾಗಿದ್ದು, ದೊಡ್ಡ ಮಗನಿಗೆ 34 ವರ್ಷವಂತೆ. ಮಕ್ಕಳಿಲ್ಲದ ಮಹಿಳೆಯೊಬ್ಬಳಿಗೆ ತಾನು ಮಗು ಕರುಣಿಸಿದ್ದಾಗಿ ಹೆಮ್ಮೆಯಿಂದ ಹೇಳಿಕೊಂಡಿದ್ದಾನೆ ಎಂದು ಆಕೆ ತಿಳಿಸಿದ್ದಾರೆ.

ಮೂವರು ಹೆಂಡಿರು

ಈಗ 66 ವರ್ಷದ ಇಮ್ರಾನ್‌ ಖಾನ್‌ 1995ರಲ್ಲಿ ಜೆಮಿಮಾ ಗೋಲ್ಡ್‌ ಸ್ಮಿತ್‌ರನ್ನು ಮದುವೆಯಾಗಿದ್ದರು. 9 ವರ್ಷಗಳ ದಾಂಪತ್ಯ 2004ರಲ್ಲಿ ಅಂತ್ಯಗೊಂಡಿತ್ತು. ಬಳಿಕ 2015ರಲ್ಲಿ ರೆಹಾಮ್‌ ಖಾನ್‌ 10 ತಿಂಗಳು ಜತೆಗಿದ್ದರು. 2018ರಲ್ಲಿ ಆಧ್ಯಾತ್ಮ ಗುರು ಬುಶ್ರಾ ಮಾಣಿಕಾ ಅವರನ್ನು ಇತ್ತೀಚೆಗೆ ಮದುವೆಯಾಗಿದ್ದರು.