ಇಸ್ರೇಲ್‌ ಜತೆ ಸಮರಾಭ್ಯಾಸಕ್ಕೆ ಹೊರಟ ಭಾರತೀಯ ವಾಯುಪಡೆ ತಂಡ

ಹೊಸದಿಲ್ಲಿ: ಇದೇ ಮೊದಲ ಬಾರಿಗೆ ಇಸ್ರೇಲ್‌ ಜತೆಗೆ ಜಂಟಿ ಯುದ್ಧಾಭ್ಯಾಸಕ್ಕಾಗಿ ಭಾರತೀಯ ಯೋಧರ ಮೊದಲ ತಂಡ ನಾಳೆ (ನ.2) ಇಸ್ರೇಲ್‌ಗೆ ತೆರಳಲಿದೆ. ಈ ಯುದ್ಧಾಭ್ಯಾಸ ನವೆಂಬರ್‌ 16ರ ವರೆಗೆ ನಡೆಯಲಿದೆ.

ತಂಡದಲ್ಲಿ ಗಾರ್ಡ್‌ ಕಮಾಂಡೋಗಳ ಸಹಿತ 45 ಯೋಧರಿದ್ದಾರೆ. ಈ ಕವಾಯತಿಗೆ 'ಬ್ಲೂ ಫ್ಲ್ಯಾಗ್‌-17' ಎಂದು ಹೆಸರಿಡಲಾಗಿದೆ.

ಈ ಸಮರಾಭ್ಯಾಸದಲ್ಲಿ ಅಮೆರಿಕ, ಫ್ರಾನ್ಸ್‌, ಜರ್ಮನಿ, ಇಟಲಿ, ಗ್ರೀಸ್‌ ಮತ್ತು ಪೋಲೆಂಡ್‌ಗಳೂ ಪಾಲ್ಗೊಳ್ಳುತ್ತಿವೆ. ಪ್ರಧಾನಿ ನರೇಂದ್ರ ಮೋದಿ ಅವರು ಕಳೆದ ಜುಲೈನಲ್ಲಿ ಇಸ್ರೇಲ್‌ಗೆ ಭೇಟಿ ನೀಡಿದ ಬಳಿಕ ಈ ಸಮರಾಭ್ಯಾಸ ನಿಗದಿಪಡಿಸಲಾಗಿತ್ತು.

'ಬ್ಲೂ ಫ್ಲ್ಯಾಗ್‌' ಎರಡು ವರ್ಷಕ್ಕೊಮ್ಮೆ ನಡೆಯುವ ಬಹುಪಕ್ಷೀಯ ಸಮರಾಭ್ಯಾಸವಾಗಿದ್ದು, ಪಾಲ್ಗೊಳ್ಳುವ ದೇಶಗಳ ನಡುವೆ ರಕ್ಷಣಾ ಸಹಕಾರ ಬಲಪಡಿಸುವ ಉದ್ದೇಶ ಹೊಂದಿದೆ. ಉವ್ದಾ ವಾಯುಪಡೆ ನೆಲೆಯಲ್ಲಿ ನಡೆಯುವ ಈ ಕವಾಯತಿನಲ್ಲಿ ಜ್ಞಾನ, ಯುದ್ಧಾನುಭವ, ಕಾರ್ಯಾಚರಣೆ ಸಾಮರ್ಥ್ಯದ ಸುಧಾರಣೆಯ ಉದ್ದೇಶ ಹೊಂದಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದರು.

'ಭಾರತೀಯ ವಾಯುಪಡೆ ಇದೇ ಮೊದಲ ಬಾರಿಗೆ ಇಸ್ರೇಲಿ ವಾಯುಪಡೆ ಜತೆಗೆ ಬಹುಪಕ್ಷೀಯ ಸಮರಾಭ್ಯಾಸದಲ್ಲಿ ಪಾಲ್ಗೊಳ್ಳುತ್ತಿದೆ. ಬ್ಲೂ ಫ್ಲ್ಯಾಗ್ ಸಮರಾಭ್ಯಾಸವು ಇತರ ಅತ್ಯುತ್ತಮ ವೃತ್ತಿಪರ ವಾಯುಪಡೆಗಳ ಜತೆಗೆ ಅನುಭವ ಹಂಚಿಕೊಳ್ಳಲು ನಮಗೆ ಉತ್ತಮ ಅವಕಾಶ ಒದಗಿಸಿದೆ' ಎಂದು ಅವರು ತಿಳಿಸಿದರು.

In a first, Indian team heads to Israel for combat drill

NEW DELHI: India on Tuesday dispatched a C-130J 'Super Hercules' aircraft, along with a 45-member contingent, including Garud commandos, to Israel to take part in the top-notch multilateral 'Blue Flag-17' exercise from November 2 to 16.