ಕಾಸರಗೋಡು: ಕೇರಳದಲ್ಲಿ ದಾಳಿ ನಡೆಸುವುದಕ್ಕಾಗಿ ಸಂಚು

ಕಾಸರಗೋಡು: ಕೇರಳದಲ್ಲಿ ದಾಳಿ ನಡೆಸುವುದಕ್ಕಾಗಿ ಸಂಚು ರೂಪಿಸಿದ ಆರೋಪದಡಿ ಶಂಕಿತ ಐಸಿಸ್‌ ಉಗ್ರ, ಕರುನಾಗಪಳ್ಳಿ ನಿವಾಸಿ ಮುಹಮ್ಮದ್‌ ಫೈಸಲ್‌ ಎಂಬಾತನನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ವಶಕ್ಕೆ ಪಡೆದಿದೆ.

ಕೇರಳದಲ್ಲಿ ಅತ್ಮಹತ್ಯೆ ದಾಳಿ ನಡೆಸಲು ಸಂಚು ರೂಪಿಸಿದ ಆರೋಪದಡಿ ಈಗಾಗಲೇ ಬಂಧಿತನಾಗಿರುವ ರಿಯಾಸ್‌ ಅಬೂಬಕ್ಕರ್‌ ಜತೆಗೆ ಫೈಸಲ್‌ ನಿಕಟ ಸಂಪರ್ಕ ಹೊಂದಿದ್ದ ಎಂದು ಎನ್‌ಐಎ ತನಿಖೆಯಿಂದ ತಿಳಿದು ಬಂದಿದೆ. ಇಲ್ಲಿನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಈತನನ್ನು ವಶಕ್ಕೆ ಪಡೆಯಲಾಗಿದೆ. ಶ್ರೀಲಂಕಾದಲ್ಲಿ ನಡೆದ ಆತ್ಮಾಹುತಿ ದಾಳಿಯ ಬಳಿಕ ಎನ್‌ಐಎ ಬಂಧಿಸಿದ ಪಾಲ್ಘಾಟ್‌ ನಿವಾಸಿ ರಿಯಾಸ್‌ಅಬೂಬಕ್ಕರ್‌ ಎಂಬಾತ ನೀಡಿದ ಮಾಹಿತಿಯ ಆಧಾರದಲ್ಲಿ ಫೈಸಲ್‌ನನ್ನು ವಶಕ್ಕೆ ಪಡೆಯಲಾಗಿದೆ. ಈ ಮೊದಲು ಈತ ಕತಾರ್‌ನ ದೋಹದಲ್ಲಿದ್ದ ನೆಲೆಸಿದ್ದ.