ಹಿಂದೂ ಮಹಾಸಾಗರದಲ್ಲಿ 2 ದಿನಗಳ ಜಂಟಿ ನೌಕಾ ಸಮರಾಭ್ಯಾಸಕ್ಕೆ ಸಜ್ಜಾದ ಭಾರತ-ಆಸ್ಟ್ರೇಲಿಯಾ!

ನವದೆಹಲಿ: ಪೂರ್ವ ಹಿಂದೂ ಮಹಾಸಾಗರದಲ್ಲಿ ಆಸ್ಟ್ರೇಲಿಯಾ ಜೊತೆ 2 ದಿನಗಳ ನೌಕಾ ವ್ಯಾಯಾಮವನ್ನು ಪ್ರಾರಂಭಿಸಲು ಭಾರತ ಸಜ್ಜಾಗಿದೆ.

ಲಡಾಖ್‌ನಲ್ಲಿ ಚೀನಾದೊಂದಿಗೆ ನಡೆಯುತ್ತಿರುವ ಮಿಲಿಟರಿ ಮುಖಾಮುಖಿಯ ನಡುವೆಯೇ, ಆಸ್ಟ್ರೇಲಿಯಾ ಜೊತೆ ನೌಕಾ ಸಮರಾಭ್ಯಾಸದಲ್ಲಿ ತೊಡಗಲು ಭಾರತ ಮುಂದಾಗಿರುವುದು ಕುತೂಹಲ ಮೂಡಿಸಿದೆ.

ಮಲಬಾರ್ ನೌಕಾ ಸಮರಾಭ್ಯಾಸಕ್ಕೆ ಚೀನಾ ಎದುರು ಹಾಕಿಕೊಂಡ ಆಸ್ಟ್ರೇಲಿಯಾ ಆಹ್ವಾನಿಸಿದ ಭಾರತ!

ಹಿಂದೂ ಮಹಾಸಾಗರದಲ್ಲಿ ಅಮೆರಿಕ ಮತ್ತು ಜಪಾನ್‌ನೊಂದಿಗೆ ಇದೇ ರೀತಿಯ ನೌಕಾ ಸಮರಾಭ್ಯಾಸವನ್ನು ಭಾರತ ನಡೆಸಿತ್ತು. ಇದೀಗ ಆಸ್ಟ್ರೇಲಿಯಾದೊಂದಿಗೂ ನೌಕಾ ಸಮರಾಭ್ಯಾಸ ನಡೆಸಲು ಮುಂದಾಗಿರುವುದು ಹೆಚ್ಚುವರಿ ಕಾರ್ಯತಂತ್ರದ ಸಂಕೇತ ಎಂದು ಮಿಲಿಟರಿ ತಜ್ಞರು ವಿಶ್ಲೇಷಿಸಿದ್ದಾರೆ.

ಇದೇ ಸೆ.23 ಮತ್ತು 24 (ಬುಧವಾರ ಮತ್ತು ಗುರುವಾರ) ಭಾರತ ಆಸ್ಟ್ರೇಲಿಯಾ ನೌಕಾ ಸೇನೆ ಸಮರಾಭ್ಯಾಸದಲ್ಲಿ ನಿರತವಾಗಲಿದ್ದು, ನೌಕಾಪಡೆಯ ಹೆಲಿಕಾಪ್ಟರ್‌ಗಳೂ ಕೂಡ ಈ ವ್ಯಾಯಾಮದಲ್ಲಿ ಭಾಗಿಯಾಗಲಿವೆ ಎಂದು ನೌಕಾಸೇನೆ ಮೂಲಗಳು ತಿಳಿಸಿವೆ.

ಮಿಲಿಟರಿ ನೆಲೆಗಳಲ್ಲಿ ಉಪಕರಣಗಳ ಸರಬರಾಜಿಗಾಗಿ ಪರಸ್ಪರ ಪ್ರವೇಶಕ್ಕೆ ಭಾರತ-ಆಸಿಸ್ ನಡುವೆ ಒಪ್ಪಂದ!

ಇನ್ನು ಮುನ್ನೆಚ್ಚರಿಕೆಯ ಭಾಗವಾಗಿ ಭಾರತ ಪಿ -8 ಐ ದೀರ್ಘ-ಶ್ರೇಣಿಯ ಕಡಲ ಗಸ್ತು ವಿಮಾನವನ್ನು ಕೂಡ ಪೂರ್ವ ಹಿಂದೂ ಮಹಾಸಾಗರದಲ್ಲಿ ನಿಯೋಜಿಸಲಿದೆ ಎಂದು ಮೂಲಗಳು ಖಚಿತಪಡಿಸಿವೆ.