ಭಾರತ-ಚೀನಾ 5ನೇ ಸುತ್ತಿನ ಮಿಲಿಟರಿ ಮಾತುಕತೆ: ಸಂಪೂರ್ಣ ಸೈನ್ಯ ತೆರವಿಗೆ ಒತ್ತಾಯಿಸಲಿದೆ ಭಾರತ!

ನವದೆಹಲಿ: ಇಂದು(ಭಾನುವಾರ) ಭಾರತ-ಚೀನಾ ನಡುವೆ ಐದನೇ ಸುತ್ತಿನ ಮಿಲಿಟರಿ ಮಾತುಕತೆ ನಡೆಯಲಿದ್ದು, ಈಶಾನ್ಯ ಲಡಾಖ್ ಗಡಿಯಿಂದ ಸಂಪೂರ್ಣವಗಿ ಸೈನ್ಯವನ್ನು ಹಿಂಪಡೆಯಲು ಭಾರತ ಒತ್ತಡ ಹೇರಲಿದೆ ಎನ್ನಲಾಗಿದೆ.

ಈ ಹಿಂದಿನ ನಾಲ್ಕು ಮಿಲಿಟರಿ ಮಾತುಕತೆಗಳಲ್ಲಿ ಹಂತ ಹಂತವಾಗಿ ಸೈನ್ಯ ಹಿಂಪಡೆಯುವಿಕೆ ಪ್ರಕ್ರಿಯೆಗೆ ಒತ್ತು ನೀಡಿತ್ತು. ಆದರೆ ಈ ಬಾರಿ ಸಂಪೂರ್ಣವಾಗಿ ಸೈನ್ಯವನ್ನು ಹಿಂಪಡೆಯಲು ಒತ್ತಡ ಹೇರಲಾಗುವುದು ಎಂದು ಮೂಲಗಳು ತಿಳಿಸಿವೆ.

ಚಳಿಗಾಲದಲ್ಲೂ ಲಡಾಖ್ ಗಡಿಯಲ್ಲಿ ಇದೇ ಸೈನ್ಯ ಸಾಮರ್ಥ್ಯ ಹೊಂದಲಿರುವ ಭಾರತೀಯ ಸೇನೆ: ಯಾಕೆ?

ಪ್ರತಿ ಬಾರಿಯ ಮೀಟಿಂಗ್‌ನಲ್ಲೂ ಸೈನ್ಯ ಹಿಂಪಡೆಯುವುದಾಗಿ ಬೊಗಳೆ ಬಿಡುವ ಚೀನಾ, ಗಡಿಯ ಮುಂಚೂಣಿ ನೆಲೆಗಳಲ್ಲಿ ಇನ್ನೂ ಸೈನ್ಯವನ್ನು ಜಮಾವಣೆಗೊಳಿಸಿದೆ.

ಈ ಹಿನ್ನೆಲೆಯಲ್ಲಿ ಈ ಭಾರತೀಯ ಸೇನೆ ಸಂಪೂರ್ಣವಾಗಿ ಸೈನ್ಯ ಹಿಂಪಡೆಯುವಿಕೆ ಪ್ರಕ್ರಿಯೆಯನ್ನು ನಡೆಸಲೇಬೇಕೆಂದು ಪಟ್ಟು ಹಿಡಿಯಲಿದೆ ಎನ್ನಲಾಗಿದೆ. ಇಂದಿನ ಕಮಾಂಡರ್ ಲೇವಲ್‌ ಮಟ್ಟದ ಮಾತುಕತೆ ಅತ್ಯಂತ ನಿರ್ಣಾಯಕ ಎಂದು ಹೇಳಲಾಗಿದೆ.

ಚೀನಾದ ಸೈನ್ಯ ವಿಸರ್ಜನೆ ಹಸಿ ಸುಳ್ಳು: ಭಾರತದ ಪ್ರತಿಪಾದನೆ ಏನು?

ಈಶಾನ್ಯ ಲಡಾಖ್ ಗಡಿಯ ಗಲ್ವಾನ್ ವ್ಯಾಲಿ ಸೇರಿದಂತೆ ಇಡೀ ಪ್ರದೇಶದಿಂದ ಸಂಪೂರ್ಣವಾಗಿ ಸೈನ್ಯವನ್ನು ಹಿಂಪಡೆಯುವುದೇ ಶಾಂತಿ ಮರುಸ್ಥಾಪನೆಗೆ ಇರುವ ಏಕೈಕ ಮಾರ್ಗ ಎಂದು ಭಾರತ ಆರಂಭದಿಂದಲೂ ಪ್ರತಿಪಾದಿಸುತ್ತಲೇ ಬಂದಿರುವುದನ್ನು ಇಲ್ಲಿ ಗಮನಿಸಬಹುದು.