ಭಾರತ-ಜಪಾನ್ ಜಂಟಿ ನೌಕಾ ಸಮರಾಭ್ಯಾಸ: ಬಾಯ್ಬಿಟ್ಟು ನೋಡಿದ ಚೀನಾ!

ನವದೆಹಲಿ: ಲಡಾಖ್ ಗಡಿಯಲ್ಲಿ ಚೀನಾದ ದುಸ್ಸಾಹಸದ ನಡುವೆಯೇ, ಭಾರತ-ಜಪಾನ್ ನೌಕಾಸೇನೆ ಜಂಟಿ ಸಮರಾಭ್ಯಾಸ ನಡೆಸಿರುವುದು ಗಮನ ಸೆಳೆದಿದೆ.

ಹಿಂದೂ ಮಹಾಸಾಗರದ ಮಲಾಕ್ಕಾ ಜಲಸಂಧಿ ಬಳಿ ಭಾರತ ಹಾಗೂ ಜಪಾನ್ ನೌಕಾಸೇನೆಯ ಯುದ್ಧ ಹಡಗುಗಳು ಜಂಟಿ ಸಮರಾಭ್ಯಾಸ ನಡೆಸಿದವು.

ಸಮರಾಭ್ಯಾಸದಲ್ಲಿ ನಿರತ ಯುದ್ಧ ಹಡಗುಗಳು:
ಭಾರತ- ಐಎನ್‌ಎಸ್ ರಾಜಪೂತ್, ಐಎನ್ಎಸ್ ರಾಣಾ ಹಾಗೂ ಐಎನ್‌ಎಸ್ ಕುಲೀಷ್
ಜಪಾನ್- ಜೆಎಸ್ ಶಿಮಾಯುಕಿ ಹಾಗೂ ಜೆಎಸ್ ಕಶೀಮಾ

ಇನ್ನು ಭಾರತ-ಜಪಾನ್ ಜಂಟಿ ನೌಕಾ ಸಮಾರಾಭ್ಯಾಸವನ್ನು ಗಮನಿಸುತ್ತಿರುವ ಚೀನಾ, ಮಲಾಕ್ಕಾ ಜಲಸಂಧಿಯಲ್ಲಿ ಏನು ನಡೆಯುತ್ತಿದೆ ಎಂಬುದರ ಮೇಲೆ ಕಣ್ಣಿಟ್ಟಿದೆ.

ಪೆಸಿಫಿಕ್ ಮಹಾಸಾಗರಕ್ಕೆ 3 ಅಣ್ವಸ್ತ್ರ ಯುದ್ಧ ಹಡಗು ರವಾನಿಸಿದ ಅಮೆರಿಕ: ಕಾರಣ?

ಅತ್ತ ಅಮೆರಿಕ ಕೂಡ ಪೆಸಿಫಿಕ್ ಮಹಾಸಾಗರಕ್ಕೆ ಮೂರು ಅಣ್ವಸ್ತ್ರ ಯುದ್ಧ ಹಡಗುಗಳನ್ನು ರವಾನೆ ಮಾಡಿದ್ದು, ಚೀನಾದ ಎಲ್ಲಾ ಯೋಜನೆಗಳು ತಲೆಕೆಳಗಾಗುವ ಸಂಭವನೀಯತೆಯನ್ನು ಹೆಚ್ಚಿಸಿದೆ.

ಅಮೆರಿಕ-ಭಾರತ-ಜಪಾನ್ ನೌಕಾ ಸಮರಾಭ್ಯಾಸ 'ಮಲಬಾರ್' 2015ರಿಂದಲೇ ಆರಂಭವಾಗಿದ್ದು, ಭಾರತ-ಜಪಾನ್ ಭೂಸೇನೆ ನಡುವಿನ 'ಧರ್ಮಾ ಗಾರ್ಡಿಯನ್' ಹೆಸರಿನ ಜಂಟಿ ಸೇನಾಭ್ಯಾಸಕ್ಕೂ 2018ರಿಂದ ಚಾಲನೆ ನೀಡಲಾಗಿದೆ.

ಚೀನಾ ಅಪಾಯ ಎದುರಿಸಲು ಜಾಗತಿಕವಾಗಿ ಸೇನೆ ರವಾನೆಗೆ ಚಿಂತನೆ: ಅಮೆರಿಕ ಘೋಷಣೆ!

2007ರಲ್ಲಿ ಬಂಗಾಳ ಕೊಲ್ಲಿಯಲ್ಲಿ ಭಾರತ-ಅಮರಿಕ ನೌಕಾಸೇನೆಯ ಜಂಟಿ ಸಮರಾಭ್ಯಾಸವನ್ನು ಚೀನಾ ವಿರೋಧಿಸಿದ್ದನ್ನು ನಾವು ಇಲ್ಲಿ ಸ್ಮರಿಸಬಹುದು.