ಸ್ಟೆಂಟ್‌ ಬೆಲೆ ನಮೂದು ರದ್ದು: ಅಮೆರಿಕ ಕೋರಿಕೆ ತಿರಸ್ಕಾರ

ವಾಷಿಂಗ್ಟನ್‌: ಹೆಚ್ಚಿನ ವೈದ್ಯಕೀಯ ಸಾಧನಗಳಿಗೆ ಬೆಲೆಗಳನ್ನು ನಮೂದಿಸುವುದನ್ನು ಕಡ್ಡಾಯ ಮಾಡಿರುವುದನ್ನು ಕೈಬಿಡಬೇಕು ಎಂಬ ಅಮೆರಿಕ ಸಂಸ್ಥೆಗಳ ಕೋರಿಕೆಯನ್ನು ಭಾರತ ಸರಕಾರ ತಳ್ಳಿಹಾಕಿದೆ.

ಹೃದಯಕ್ಕೆ ಸಂಬಂಧಿಸಿದ ಸ್ಟಂಟ್‌ಗಳು ಮತ್ತು ಕೀಲು ಕಸಿ ಸಾಧನಗಳನ್ನು ಕಡಿಮೆ ಬೆಲೆಗೆ ದೊರೆಯುವಂತೆ ಮಾಡಿದ, ಹಾಗೂ ವೈದ್ಯಕೀಯ ಸಾಧನಗಳ ಮೇಲೆ ಬೆಲೆಯನ್ನು ಕಡ್ಡಾಯವಾಗಿ ನಮೂದಿಸುಬೇಕು ಎಂಬ ಭಾರತ ಸರಕಾರದ ನಿರ್ಧಾರವನ್ನು ಪುನರ್‌ಪರಿಶೀಲಿಸುವಂತೆ ಕೆಲವು ಅಮೆರಿಕ ಹಾಗೂ ಇತರೆ ವೈದ್ಯಕೀಯ ಸಂಸ್ಥೆಗಳ ಒತ್ತಡದ ಹೊರತಾಗಿಯೂ ಈ ನಿರ್ಧಾರ ತಾಳಲಾಗಿದೆ.

ಬೆಲೆ ನಿಯಂತ್ರಿಸುವ ಭಾಗವಾಗಿ ಭಾರತದ ಔಷಧ ಬೆಲೆ ಪ್ರಾಧಿಕಾರ, ಸ್ಟಂಟ್‌ಗಿಂತ ಹೆಚ್ಚಿನ ಬೆಲೆಯ ಹೃದಯ ಕಾಯಿಲೆ ಚಿಕಿತ್ಸೆಗೆ ಸಂಬಂಧಿಸಿದ ಮೂರು ಸಾಧನಗಳನ್ನು ಕಡಿಮೆ ಬೆಲೆಗೆ ರೋಗಿಗಳಿಗೆ ದೊರಕುವಂತೆ ಮಾಡುವ ನಿಟ್ಟಿನಲ್ಲಿ ಈ ಕ್ರಮಕೈಗೊಂಡಿದೆ ಎಂದು ಮೂಲಗಳು ತಿಳಿಸಿವೆ.

ಅಬೋಟ್‌ ಲ್ಯಾಬೊರಟರೀಸ್‌ ಹಾಗೂ ಬೊಸ್ಟನ್‌ ಸೈನ್‌ಟಿಫಿಕ್‌ ಕಾರ್ಪ್‌ ತರಹದ ಅಮೆರಿಕ ಮೂಲದ ಕಂಪನಿಗಳು, ಭಾರತದ 5 ಶತಕೋಟಿ ವೈದ್ಯಕೀಯ ಸಾಧನ ಮಾರುಕಟ್ಟೆಯಲ್ಲಿ ಅಗ್ರ ಪಾಲು ಹೊಂದಿದೆ. ಹಾಗಾಗಿ ಹೆಚ್ಚಿನ ವೈದ್ಯಕೀಯ ಸಾಧನಗಳಿಗೆ ಬೆಲೆಗಳನ್ನು ನಮೂದಿಸುವುದನ್ನು ಕಡ್ಡಾಯ ಮಾಡುವ ನಿರ್ಧಾರವನ್ನು ತಡೆಯುವ ಪ್ರಯತ್ನದಲ್ಲಿ ನಿರತವಾಗಿದೆ.

ಕಳೆದ ಸೆಪ್ಟೆಂಬರ್‌ನಲ್ಲಿ ಯುನೈಟೆಡ್‌ ಸ್ಟೇಟ್ಸ್‌ ಟ್ರೇಡ್‌ ರೆಪ್ರೆಸೆಂಟೇಟಿವ್‌(ಯುಎಸ್‌ಟಿಆರ್‌), ಪ್ರಧಾನಿ ನರೇಂದ್ರ ಮೋದಿ ಹಾಗೂ ವಾಣಿಜ್ಯ ಸಚಿವ ಸುರೇಶ್‌ ಪ್ರಭು ಅವರಿಗೆ, ಹೆಚ್ಚಿನ ವೈದ್ಯಕೀಯ ಸಾಧನಗಳಿಗೆ ಬೆಲೆ ನಿಯಂತ್ರಣವನ್ನು ವಿಸ್ತರಿಸದಿರುವಂತೆ ಕೋರಿ ಪತ್ರ ಬರೆದಿತ್ತು.