ಭಾರತದ ಮಿಲಿಟರಿ ಮಾಹಿತಿಗೆ ಕನ್ನ ಹಾಕುತ್ತಿದ್ದಾರಾ ಚೀನಿ ಹ್ಯಾಕರ್ಸ್?: ಏನಿದು 61398 ರಹಸ್ಯ ಘಟಕ?

ನವದೆಹಲಿ: ಭಾರತ-ಚೀನಾ ನಡುವೆ ಹೆಚ್ಚಿದ ಗಡಿ ಸಂಘರ್ಷ ನಡುವೆಯೇ, ಚೀನಾದ ಹ್ಯಾಕರ್‌ಗಳು ಭಾರತದ ಮಹತ್ವದ ಮಿಲಿಟರಿ ಮತ್ತು ಸಂಶೋಧನಾ ಮಾಹಿತಿಗೆ ಕನ್ನ ಹಾಕುವ ಆತಂಕ ಎದುರಾಗಿದೆ.

ಸೈಬರ್‌ ಕಳ್ಳತನಕ್ಕೆ ಹೆಸರಾದ ಚೀನಾ ಸೇನೆಯ '61398' ಹೆಸರಿನ ರಹಸ್ಯ ಘಟಕವು ಭಾರತದ ಮಿಲಿಟರಿ ಮತ್ತು ಸಂಶೋಧನೆಗೆ ಸಂಬಂಧಿಸಿದ ಗೌಪ್ಯ ಮಾಹಿತಿ ಕದಿಯಲು ಪ್ರಯತ್ನಿಸುತ್ತಿದೆ ಎಂದು ಗುಪ್ತಚರ ಸಂಸ್ಥೆಗಳು ಎಚ್ಚರಿಕೆ ನೀಡಿವೆ.

ಉತ್ತರ ಲಡಾಖ್‌ನಲ್ಲಿ ಸೈನ್ಯ ಬಲವರ್ಧನೆ: ಚೀನಾಗೆ ಟಕ್ಕರ್ ನೀಡಲು ಟ್ಯಾಂಕ್ ರೆಜಿಮೆಂಟ್ ರವಾನೆ!

'61398' ಘಟಕ ಇತ್ತೀಚೆಗೆ ಭಾರಿ ಸಕ್ರಿಯವಾಗಿದೆ. ಈಗಾಗಲೇ ಭಾರತದ ರಹಸ್ಯ ಮಾಹಿತಿ ಕದಿಯಲು ಹಲವು ಪ್ರಯತ್ನಗಳು ನಡೆದಿವೆ. ಮಾಲ್‌ವೇರ್‌ಗಳನ್ನು ಅಳವಡಿಸಿದ ವಿಶೇಷ ಕಂಪ್ಯೂಟರ್‌ ಪ್ರೋಗ್ರಾಮ್‌ಗಳನ್ನು ಚೀನಾದ ಹ್ಯಾಕರ್‌ಗಳು ಬಳಸುತ್ತಾರೆ ಎಂದು ಗುಪ್ತಚರ ಅಧಿಕಾರಿಗಳು ತಿಳಿಸಿದ್ದಾರೆ.

ಒಟ್ಟಿನಲ್ಲಿ ಭಾರತದೊಂದಿಗೆ ಗಡಿ ಘರ್ಷಣೆಗಿಳಿದ ಚೀನಾ, ಇದೀಗ ಸೈಬರ್ ಮಾಹಿತಿ ಕಳ್ಳತನ ಮಾಡಲು ಮುಂದಾಗಿರುವುದು ನಿಜಕ್ಕೂ ಖಂಡನೀಯ. ಇದೇ ವೇಳೆ ಚೀನಾದ ಈ ಸೈಬರ್ ಆತಂಕವನ್ನು ಯಶಸ್ವಿಯಾಗಿ ಎದುರಿಸಲು ಭಾರತ ಕೂಡ ಸಜ್ಜಾಗಿರುವುದು ಸ್ಪಷ್ಟ.